Ex 14:24 - Chuj San Sebastian Bible

²⁴ A Jehová 'aych 'a scal jun c'ac' yet' 'a scal 'asun, ax yic wan sacb'i, 'ix yil 'emt Jehová eb' 'aj Egipto cha, xya'n somchjoc eb'.

Chuj San Mateo Bible

²⁴ Ayic toxo sacb'i, a d'a scal c'ac' yed' d'a scal asun ix iljiemta eb' aj Egipto chi' yuj Jehová, ix ac'ji somchajb'at eb' yuuj.

Ex 14:24 Referans Kwoze

Ex 13:21

A 'a c'ual, b'ab'l Jehová yuj eb' 'a scal jun topn̈ 'asun, a tzch'oxn b'e 'a eb'. Ax 'a 'ac'wal, a 'a scal jun topn̈ c'ac' ata 'aychi. A tz'a'n sacq'uinl 'a eb' 'anma cha, sec wach' sb'ey eb' 'a c'ual mto 'a 'ac'wal.

Ex 14:25

'Ix laj 'el setetal scaruaje eb', man̈xtzac stac' sb'ey eb', 'ix laj yal-lanc eb' 'a 'ixtic: —'El coyc 'a eb' israel tic. Yuj eb' tzya'n Jehová owl quet'ec, xchi ewinac.

Salmos 48:5

Palta a yic xyiln eb' jun chon̈b' cha, caw sat sc'ojl eb' yilni, xlaj somchj chan̈ eb', x'at eb' 'eloc.

Job 40:12

A eb' tzcob' yi' chan̈ sb'a yet' eb' maysch'olnil sb'eyb'al tzlaj 'ilchjoc o'oj, tza te'cn 'ejm eb'.

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Job 34:20

Toto tzyal sc'ojl Dios, junn̈j wal rato tzlajw 'anma scham smasnil 'a junc 'ac'wal, yajn̈ej tzon̈ satc 'eli; ax eb' tzyal jelnal sb'a' mun 'oj cham eb' 'a 'ichn̈jta', man̈ 'anmac 'oj milnc eb'.

Salmos 104:32

A yic tzach 'och q'ueln 'a lum lum tic, yajn̈ej tz'ib'x chan̈ lum o'oj; a yic tzach 'och yamn 'a eb' lum niwc witz, yajn̈ej tzq'ue wan stab'l eb' lum o'oj.

Job 22:13

Ach tic tzcob' ala', ¿toc tztac' on̈ yiln Dios yuj tas tzqui b'o'o, yujto oyn 'och 'asn yen̈loc? xa chi.

A Ch'an̈ B'ab'el Libro Samuel 11:11

Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.

Salmos 78:14

A 'a c'ual, xyij b'ey eb' yet' jun 'asun, ax 'a 'ac'wal xyij b'ey eb' yet' sacq'uinlal jun c'ac'.

Salmos 90:4

A jun mil ab'il, 'ichan̈ej yec' jun c'u 'a yic 'ewi, 'ixta 'a yol a sat. 'Ichan̈ej yec' jaye'oc hora 'a junc 'ac'wal, 'ixta 'ayach.

Am 9:4

Wach'xam 'oj 'ijxoc 'at eb' 'icha presoal yuj eb' 'ajc'ojol, palta 'oj 'at wac' tzu'xoc cham eb' yet' q'uen espada. 'Oj wa'n̈j 'och syailal eb', man̈oc wach'l 'oj wac' 'a eb', xchi Dios.