Ex 14:21 - Chuj San Sebastian Bible

²¹ 'Ix ya'n cot Moisés sc'ab' yet' sc'occh 'a yib'n̈ a mar, ax Jehová 'ix 'a'n cot jun niwquil 'ic' caw ow. 'Ix cot jun 'ic' chi 'a stojlal 'aj tzq'uel c'u, jun 'ac'wl xyac' jun 'ic' cha. A x'a'n spoj sb'a a mar, 'ix ya'n checljoc lum tacn̈ lum 'a snan̈l a'.

Chuj San Mateo Bible

²¹ Ix yac'anb'at sc'ab' vin̈aj Moisés d'a yib'an̈ a' mar chi'. Axo Jehová ix ac'ancot jun nivan ic' d'a stojolal b'aj sjavi c'u. Masanil d'a jun ac'val chi' te ov ic', yuj chi' ix poj snan̈al a' mar yuuj, ix checlaj staquin̈al lum luum d'a snan̈al a'.

Ex 14:21 Referans Kwoze

Is 63:12

Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.

Ex 15:8

'Ix otz'j 'at ec' 'a yib'n̈ a a', yajn̈j wal cha spojn sb'a a'. 'Icha muro 'ixta 'ix 'ajcn a 'a sti b'e, 'ix 'ochcn yip a'.

Salmos 66:6

'Ix meltzj 'och a mar 'a tacn̈ lumal yu'uj, axta 'ix 'ec' eb' qui mam quichmec yet' yoc 'a yojl a'. Ca'c tzaljoc qui c'ojl yet' qui Diosal.

Is 51:10

'Ix a'n tup a mar yet' eb' a niwc a caw xab' yich, ax xab'l yich a mar cha, 'ix a'ch b'eal, sec a eb' colb'il 'el o'oj, wach' 'ix 'ec' eb' 'a yojl a'.

Salmos 78:13

'Ix poj snan̈l a mar yu'uj, schecn 'ec' eb' 'anma 'a yojol, syamn can 'och wan jun a chi 'icha junc muro.

Salmos 74:13

Ach xa pojcn snan̈l a mar yet' a poder, xlaj a ma'nc poj sjolm no niwc noc' 'ay 'a yol a mar cha,

Nehemías 9:11

'Ix ac' spoj sb'a snan̈l a mar 'a sat eb', 'ix 'ec' eb' 'a stacn̈il lu'um; ax eb' pechjnac eb', 'ix 'atcn eb' 'a xab'l yich a', 'icha junc q'uen tzjulx 'at 'a yojl junc a sutb'il a'.

Josué 4:23

Yujto a Jehová qui Diosalec, a 'ix 'a'n tacjoc chan̈ a Jordán, yic que't can on̈, 'icha 'ajnc stacj chan̈ a Chac Mar yu'uj yic que't 'a yojl a 'on̈.

Salmos 136:13

A x'a'n spoj sb'a snan̈l a Chac Mar. A schamc'ojlal Dios 'ayn̈j 'a smasnil tiempo.

Ex 14:16

A yic tzex c'och 'a sti a mar, tzej chan̈ a c'ab' yet' a c'ococh, tza'n 'at 'a yib'n̈ a'. 'Oj spoj sb'a a', ax scheclj chan̈ lum tacn̈ lu'um, sec 'oj e c'axw 'ec' 'a sc'axpil 'ec' a cha.

Is 51:15

An Jehová in tic, e Diosal in, a 'in b'i, Jehová tztac' yuj smasnil, an tzwac' q'ue wan chel-loc a mar, tzwa'n pax c'an̈ a'.

Job 26:12

Yuj yip Dios tz'ib'x yib'n̈ a mar, a yet' sjelnal 'ix ya'n ganar yem jun no niwquil noc' Rahab sb'i.

A Tas Sc'ulejnac Eb' Schecab' Jesús Hechos 7:36

Atn Moisés chi x'i'n 'elt eb' quit chon̈b' 'a Egipto. Chawinc ab'il 'ix sch'ox jun tzo'n̈ milagro 'a Egipto cha, yet' 'a a Chac Mar sb'i, yet' pax 'a lum cusltac lu'um.

Gn 8:1

Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

Ex 7:19

An̈jtona', 'ix yaln pax Jehová 'a Moisés 'ixtic: —Al 'a Aarón to tzya't sc'ab' yet' sc'occh 'a yib'n̈ smasnil a a 'a yol yic Egipto tic: a spac'b'a', a cotc a', a ton̈j pan̈n 'eq'ui, a 'ay 'a yol q'ue'en yet' a 'ay 'a yol jucub', 'oj 'och eb' a chic'al. An̈jtona a molb'il 'a yol b'el, 'a yol tzu, 'a yol q'uen ch'ub', c'uxn 'oj 'och a chic'al, xchi.

Ex 14:20

Caw q'uic'q'uinl 'ix 'aj 'a yojltac eb' 'aj Egipto cha, ax pax 'a yojltac eb' israel, caw wal sacq'uinal. Yuj cha, ma'ix yamchj eb' israel yuj eb' 'aj Egipto 'a jun 'ac'wl cha.

Josué 2:10

Yujto 'ix cab'i, to a yic ex 'elt 'a Egipto, ax Jehová a 'ix 'a'n tacjoc chan̈ a Chac Mar yic ex 'e't 'a yojl a'. An̈jtona', 'ix cab'n paxi, to xe satl chawn̈ eb' sreyl eb' amorreo cajn 'a sti 'ec' a Jordán, atn win Sihón yet' win Og.

Josué 3:17

Ax eb' ya'mal 'och sti eb' 'anma cha, 'ix 'ochcn wan lin̈n eb' 'a snan̈l 'aj tzb'ey a Jordán cha, Caw tacn̈ lum lum 'aj 'ix 'och wan lin̈n eb', ya sb'a x'ec' smasnil eb' 'anma 'a lum tacn̈ lum 'a yojl a Jordán.

A Ch'an̈ Schab'il Libro Yic Yab'ixal Eb' Rey 2:8

Xlajw cha, 'ix spacn Elías te spotil, sma'n 'ejm 'a yib'n̈ a', yuj cha, chab' x'el a'. 'Ixta to b'i'an 'ix 'ec' eb' schawn̈il 'aj xtacj can lu'um.

Is 23:11

'Ix ya't Jehová sc'ab' 'a yib'n̈ a mar, 'ix ya'n 'ib'xoc smasnil nacion̈, xyaln paxi to tzma'x 'ejm lan̈chjoc smasnil smuroal eb' chon̈b' 'ay 'a yol yic Canaán.

Is 43:16

A Jehová a jacjnac jun b'e 'a yojl a mar, atn jun b'e 'ix 'ec' 'a snan̈l a'.

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Is 63:13

A x'i'n 'ec' eb' chon̈b' 'a yojl a mar, ma'ix n̈elmj xon eb' jac 'a yojl a'. Wach' 'ix b'ey eb' 'a yojl a', 'icha tzyac' no chej 'a lum ya'lical lum cusltac lu'um, xchi eb'.

Habacuc 3:8

Mamin Jehová, man̈oc 'a eb' a niwc a xcot owal. Man̈oc 'a a mar xc'ac'b' 'och yowl a c'ojol, yic ach 'at ac' owal, yuj a satn 'el eb' 'ajc'ojol, 'icha to ach q'ue 'a yib'n̈ a chej, yet' 'a yojl a caruaje yic owal.

Job 38:24

¿Ojc am b'e 'aj tz'atcn sacq'uinal yic tzpojn can sb'a? ¿Ojc am paxi tas tzyutj 'ic' spojn sb'a yic tzcot 'a stojlal 'aj tzq'uel c'u?

Salmos 148:8

raya, sacb'at, sacb'acum, 'asun, yet' 'ic'n̈ab', yiclumn̈ej cab' eb' 'a tas tzyala,

Is 44:27

Tztac' waln 'a a mar to tztup chan̈ a', smasnil yoctc a a tzb'eyi, c'uxn 'oj tup cha'an̈.