Ex 13:15 - Chuj San Sebastian Bible

¹⁵ Yujto a yic 'ix pitb' 'el snab'en win rey, ma'ix yal sc'ojl win on̈ ya'c 'elta, ax Jehová a 'ix miln cham sb'ab'l 'unnal eb' 'aj Egipto, yet' sb'ab'l 'une no scajb'en noc' eb'. Yuj cha, a no sb'ab'l 'une no qui cajb'en noc', tzqui milc cham no xajmb'al-l 'a Jehová. Tzca'n pax junc no sjelc eb' qui b'ab'l winc 'unin.

Chuj San Mateo Bible

¹⁵ A val yic ix pitb'iel spensar vin̈ rey, maj yal sc'ol vin̈ ix on̈ yactejeli, axo Jehová ix mac'ancham sb'ab'el unin eb' aj Egipto yed' sb'ab'el yune' noc' smolb'etzal noc' eb'. Yuj chi' a noc' sb'ab'el yune' noc' co molb'etzal noc' tic, sco milcham noc' silab'oc d'a Jehová. Scac'anpax junjun noc' sq'uexuloc eb' co b'ab'el unin, xe chi d'a eb'.

Ex 13:15 Referans Kwoze

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.

Ex 34:20

Ax pax yuj sb'ab'l 'une no 'axna jun, tztac' yajx junc no yune calnelu mto junc no yune chiwo sjelc no', palta toto may no wach' yajx sjelc no', tze c'uychtej sjaj no yune b'uru cha. An̈jtona yuj pax eb' e b'ab'l 'unnal cha, tztac' eya'n junc no yune calnelu sjeloc. May cab' junc mach tzsat sc'ojl yi'n cot yofrenda 'ayin.

Nm 3:46

Palta yel xo wal niwn sb'isl eb' sb'ab'l 'unnal eb' israel tic 'a yib'n̈ eb' levita. 'Ay 273 eb' b'ab'l 'unn tzyac' sobra.

Nm 18:15

Smasnil sb'ab'l 'unnal eb' et israelal, yet' sb'ab'l 'une scajb'en noc' eb' tzyac' 'ayin, ec tz'aji. Palta a yuj eb' sb'ab'l 'unnal eb' 'anma cha, yet' sb'ab'l 'une no noc' to matz tac' yoch xajmb'alil, tza c'an q'uen tumn sjeloc.

Salmos 105:36

'Ix smiln cham smasnil sb'ab'l 'unnal eb' 'aj Egipto cha, xcham eb' 'a junjn n̈ail.

Ex 3:19

Palta wojtac to ma'oj ex scha 'elt win sreyl Egipto cha, 'ac'b'il puralil, yet' cal owlal 'oj eyaj eyelta.

Ex 4:23

Tox 'ix wal 'ayach, to tza chaj 'at eb' wunnal tic, yic tz'at yac' eb' 'emmquilal 'ayin, palta yujto matz yal a c'ojl tza chaj 'at eb', yuj cha, 'oj in mil cham win a b'ab'l 'unnal, xchi Jehová, xa chi 'a 'a, xchi Dios.