Ex 12:26 - Chuj San Sebastian Bible

²⁶ A yic 'oj sc'anb'noc eb' eyunnal 'ixtc 'ayex: ¿Tas tzch'ox jun q'uin̈ tic? 'oj schic eb'.

Chuj San Mateo Bible

²⁶ Ayic ol sc'anb'an eb' eyuninal d'ayex: ¿Tas syalelc'och jun q'uin̈ tic? tato xchi eb'.

Ex 12:26 Referans Kwoze

Dt 32:7

Meltzjan̈c 'at q'ueln 'a e patic, tze nan cot jun tzo'n̈ tiempo 'e'nc eyu'uj. C'anb'jec eyab' 'a e mam e nun. Tze c'anb'n pax eyab' 'a eb' 'ichmtac winac, ax eb' 'oj alnc eyab'i'.

Salmos 145:4

A eb' mamb'il, 'oj laj yalcn eb' 'a eb' yunnal b'aq'uin̈, chajtlto 'ay tas b'ob'il o'oj, ax laj yaln eb' yab'xil a b'ob'en cha.

Ef 6:4

Ax xo mamb'il ex, man̈ e comn tzuntzc cot yowl sc'ojl eb' eyunnal. A yic tze q'uib'tzan eb', tzeyac' cuenta eb'. Tze cuyn pax eb', sec tzya'ch eb' sc'ojl 'a Cajlil.

Is 38:19

Cojn mach pitzan, atn eb' chi tztac' yaln swach' paxti 'ayach, 'icha tzwutj in b'a 'aych ticnec. Ax eb' mamb'il yet' nunb'il, a eb' tzaln yab' eb' yunnal, to tz'el'ch tas tzala.

Dt 11:19

'A'c scuy eb' eyunnal jun tzo'n̈ paxti tic 'a yol eyatut, yic tzex b'ey yet' eb', yic tzex waycn 'ejmi yet' 'a yic tzex q'uexwa'an.

Dt 6:7

'A junjn c'u, tze cuyn eb' eyunnal 'a jun tzo'n̈ paxti tic. Tzeyalb'tan̈j 'a yol eyatut, 'a yol b'e, 'a yic tzex waycn 'ejmi yet' pax 'a yic tzex q'uexwa'an.

Ex 13:22

A jun topn̈ 'asn cha, b'ab'ln̈ej s'at 'a yojltac eb' 'a c'ual, ax jun topn̈ c'ac' cha, a 'ix 'i'n b'ey eb' 'a 'ac'wal, may xon 'ajtil 'ix 'el 'a stz'ey eb' israel cha.

Ex 10:2

'Oj eyal cot yab' eb' eyunnal yet' eb' eyiechicn jun tzo'n̈ tic, yujto an tzwac' jawc smasnil jun tzo'n̈ tic 'a yib'n̈ Egipto tic, atn tas to satjub'tac yilx tzin b'o'o. 'Ixta tzeyutj eyojcan 'eli, chajtlto an ton Jehová in, xchi Dios.

Ex 12:25

A yic 'oj e c'och 'a sat lum lum 'aj ya'jnac Jehová sti ya'n eyico'oc, yowlal 'oj eyiclcn̈ej jun q'uin̈ tic.

Salmos 44:1

Ach qui Diosal on̈, 'ix cab' wal yet' qui chicn on̈, 'ix yaln pax eb' qui mam quichm 'ayn̈ on̈, yuj tas 'ix a b'o yet' eb' 'a yic pecti'.

Dt 6:20

Toto 'ay junc c'ual, 'oj sc'anb'c eb' eyunnal 'ayx 'ixtic: ¿Tas wal tzyal 'el'ch jun tzo'n̈ checnb'il tic, yet' ley 'ix ya'cn Jehová Dios 'ayn̈ec? toto xchi eb'.