Ex 12:19 - Chuj San Sebastian Bible

¹⁹ A 'a jun uque c'u cha, may cab' junc mach 'ayc' yich pan yuj 'a yatut. Toto 'ay junc mach tzwan 'ixm pan 'ay yich, junc chuc chon̈b'al mto eyit israelal; a jun cha, yowlal tz'ijx 'el 'a e cal.

Chuj San Mateo Bible

¹⁹ A d'a uque' c'ual chi' malaj junoc mach ayec' yich pan d'a spat. Tato ay junoc mach svaan ixim pan to ay yich d'a juntzan̈ c'ual chi', tze satel d'a e cal, vach'chom junoc ch'oc chon̈ab'il cajanec' d'a e cal, ma junoc ex israel ex, satjieli.

Ex 12:19 Referans Kwoze

Ex 12:15

Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.

Ex 23:15

A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Nm 9:13

Palta toto 'ay mach matz nan q'uin̈ yic eyel 'a libre, q'uinloc wach' pax yaji, man̈ 'ayc 'at pax 'a junc schecnb'il, a jun cha, yowlal tz'ijx 'el 'a e cal. Yujto matz yac' yofrenda 'ayn 'a jun sc'ul checl yajcn wu'uj, 'oj scha yailal yuj smul cha.

Ex 34:18

Tze na sq'uin̈l 'ixm pan may yich, tze b'on 'icha wal tzwutj waln 'ayx tic: uque c'u tze waj 'ixm pan may yich cha, checl yaj sc'ul 'aj tzwax 'ixim, atn 'a jun 'uj tzcuch Abib, yujto a 'a jun 'uj chi 'aj 'elnc ext 'a Egipto.

Ex 12:48

Palta toto 'ay junc win man̈ israeloc 'ayc' 'a e cal, tznib'j tzyiclj q'uin̈, b'ab'el tz'ajx can circuncidar eb' winc 'ay 'a junjn n̈ail, 'ixta to b'i'an, tztac' snan eb' jun q'uin̈ cha, 'icha to eyit chon̈b' tz'aji. A pax junc winc man̈ 'ac'b'ilc circuncidar, matz tac' schin win no xajmb'al cha.

Ex 12:43

'Ix yaln Jehová 'a Moisés yet' 'a Aarón 'ixtic: —Tic tzwalcni tas sleyl q'uin̈ yuj snanb'il cot eyel 'a libre tic: May junc eb' chuc chon̈b'al tztac' schin no xajmb'al.

Ex 12:20

Yuj cha, man̈ e c'ux tas 'ay yich, yaln̈j 'ajtil 'ayx 'eq'ui, cojn 'ixm pan may yich tze wa'aj, xchi Dios 'a Moisés.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 13:7

A 'a yic uque c'u cha, may xon 'ixm pan 'ay yich 'oj qui wa'ec, may xon pax yich pan 'ayc' 'a catutec, may pax yich pan 'oj 'ilchjoc 'a 'aj 'oj qui c'ochc cha.

Lv 23:5

A 'a chan̈lajn̈e yoch b'ab'l 'uj yic junjn ab'il, 'a yic yemc'ual, ata tze na q'uin̈ yic eyelt 'a libre, yuj yi'nb'ilc chan̈ in b'i.

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.