Ex 12:15 - Chuj San Sebastian Bible

¹⁵ Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Chuj San Mateo Bible

¹⁵ A ixim pan tze va d'a uque' c'u, mocab'a yich ayb'at d'a scal ixim. Yuj chi' a d'a sb'ab'el c'ual tzeyiq'uelta masanil yan̈al yich pan d'a e pat junjun ex. Tato ay junoc mach svaan ixim pan ay yich d'a juntzan̈ c'ual chi', tze satel d'a e cal.

Ex 12:15 Referans Kwoze

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.

Gn 17:14

Tzann̈j wincal to may jun yechl chi 'aych 'a 'a, yowlal tzeyij 'el 'a e cal, yujto matz yiclj jun in trato 'ix wac' eyet'oc, xchi Dios.

Nm 9:13

Palta toto 'ay mach matz nan q'uin̈ yic eyel 'a libre, q'uinloc wach' pax yaji, man̈ 'ayc 'at pax 'a junc schecnb'il, a jun cha, yowlal tz'ijx 'el 'a e cal. Yujto matz yac' yofrenda 'ayn 'a jun sc'ul checl yajcn wu'uj, 'oj scha yailal yuj smul cha.

Ex 34:18

Tze na sq'uin̈l 'ixm pan may yich, tze b'on 'icha wal tzwutj waln 'ayx tic: uque c'u tze waj 'ixm pan may yich cha, checl yaj sc'ul 'aj tzwax 'ixim, atn 'a jun 'uj tzcuch Abib, yujto a 'a jun 'uj chi 'aj 'elnc ext 'a Egipto.

Ex 23:15

A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Dt 16:8

Waque c'u tze waj 'ixm pan may yich, ax 'a yucl c'ual, tzeyamn e b'a e masnil yic tzex 'och 'emmquilal, tzeyi'n chan̈ sb'i Jehová Dios. A 'a jun c'u cha, may mach tzmunlji.

Nm 28:17

A 'a olajn̈e yoch 'uj cha, ata tz'el yich uque c'u q'uin̈ yic tze wan 'ixm pan may yich.

Ex 34:25

A yic tzeya'n no noc' xajmb'al-l 'ayin, man̈ eyac' no schiq'uil, yet' 'ixm pan 'ay yich. A no xajmb'al yic snanb'il cot eyel 'a libre, toto matz lajw schix no', matz tac' smolx can no yico'oc junx c'u.

Ex 12:8

A 'a yic jun 'ac'wl cha, yic 'oj e chinc no chib'j cha, ton̈j 'oj e b'ol no'. 'Oj e chi no chib'j cha, ax e wan pax 'ixm pan may yich, ax e lon te 'itj caw c'a.

Gl 5:12

Palta ax eb' tz'ec' 'a'nc e c'ojloc, sec tzex 'ajx circuncidar, octom tzwach' polj 'el eb' yic cha.

A Tas Sc'ulejnac Eb' Schecab' Jesús Hechos 12:3

Ax xyiln winac, caw tzalj eb' israel yuj jun cha, yuj cha, 'ix ya'n pax win yamchjoc Pedro. A 'a yic jun sq'uin̈ eb' israel, yic tzwan eb' 'ixm pan may yich, ata xyamchji.

Lc 12:1

A 'a jun 'el, til wal smil-l eb' 'anma 'ix syam sb'a 'a Jesús. Caw witz'n x'aj eb', xlaj stec' eb' yoc. Ax Jesús, 'ix b'ab'l aln 'a eb' scuywum chi 'ixtic: Tzeyil wal e b'a 'a yich span ewin fariseo, atn 'a schab'satl ewinac.

Mt 16:12

At yic xyaln Jesús jun tzo'n̈ chi 'a eb', atta xnachj 'el yuj eb', to man̈oc jun caw yich pan 'ay smay xyal 'a eb'. Palta atn jun tzo'n̈ scuynb'il ewin fariseo, yet' ewin saduceo tzyala.

Malaquías 2:12

A Jehová tztac' yuj smasnil, comnoc wal tz'el 'a sc'ojl satn 'el smasnil eb' tzb'on jun tzo'n̈ chi 'a qui nacion̈ec tic, wach'xam cob' tzyij cot to eb' xajmb'al 'a Jehová.

Dt 16:5

A no e xajmb'al yic jun q'uin̈ cha, matz tac' e comn miln no 'a tzann̈j chon̈b'al tzyac' Jehová Dios 'ayex.

Lv 17:14

Yujto a chic', a tz'a'n sq'uinl smasnil tas pitzn 'a yolyib'n̈q'uinl tic. Yuj cha, xwalni to matz chix schic'l no noc', yujto sq'uinl no yaji. Tzann̈j mach tzchin schic'l no noc', yowlal tz'ijx 'el 'a e cal.

Lv 17:10

Caw wal 'ay yowl in c'ojl 'a yib'n̈ eb' israel mto eb' chuc chon̈b'al cajn 'ec' 'a e cal, eb' tzchin schic'l no noc', yaln̈ej tas tzyutj eb' schini. An 'oj woch 'ajc'ojlal 'a eb', ax in satn 'el eb' 'a e cal.

Ex 31:14

A jun c'u cha, niwn cab' yel'ch 'a e sat. A mach matz yiclni jun sc'ul 'iljelal cha, tojln̈ej schami. An̈jtona', toto 'ay mach tzmunlj 'a jun c'u cha, 'ajx cab' 'och 'a yol sc'ab' chamel.

Lc 2:43

A yic xlajw jun q'uin̈ cha, 'ix paxt eb'. Ax Jesús 'ix can 'a Jerusalén, palta man̈ yojcoc eb' smam snun cha, toto xcan ta'.

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.

2 Cr 30:21

Yuj cha, uque c'u 'ix can eb' israel 'a Jerusalén. Caw tzaljc'ojlal 'ix sna eb' sq'uin̈l 'ixm pan may yich. Ax eb' ya'mal 'och sti eb' 'anma 'a Dios yet' eb' yit levitail, tzb'itn eb', tzyaln eb' wach' paxti 'a Jehová 'a junjn c'u yet' jun tzo'n̈ yamc'ab' yic b'it 'a Dios to yic yaji.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 30:38

A mach tzb'on junc xo incienso 'icha jun cha, secn̈ej to wach' yec' sjab' tzyab'i. A jun cha, 'ijx cab' 'el 'a e cal, xchi Dios.