Ex 10:7 - Chuj San Sebastian Bible

⁷ 'Ix yaln ewin 'aych yajlil yet' win rey chi 'ixtic: —¿B'a'n̈ wal 'oj yactc jun winc tic on̈ yixtnec? ¿Tas yuj matz a chaj 'at jun tzo'n̈ 'anma chi 'at yac' 'emmquilal 'a Jehová sDiosal cha? ¿Tom matz a na jab'oc, to wan slajw 'ejm qui nacion̈ec tic? xchi eb'.

Chuj San Mateo Bible

⁷ Ix yalan eb' vin̈ ay yopisio yed' vin̈ rey chi': —¿B'aq'uin̈ ol yactej juntzan̈ vinac tic on̈ stzuntzani? ¿Tas yuj max actejel jun chon̈ab' chi' yic sb'at och eb' ejmelal d'a Jehová sDiosal chi'? ¿Tom max nachajvalel jab'oc uuj, ina toxo ix juvicanb'at co chon̈ab' tic? xchi eb'.

Ex 10:7 Referans Kwoze

A Ch'an̈ B'ab'el Libro Samuel 18:21

'Ix snan Saúl 'ixtic: 'Oj wac' 'ix wisl tic yistloc win David, sec yuj 'ix ax ya'x ganar David yuj eb' filisteo, xchi. Yuj cha, xyaln Saúl chi 'ixtc 'a David 'a scha'ejmal: —A ticnec b'i'an, 'oj och in n̈i'oc, xchi cob' winac.

Ec 7:26

'Ay wal jun tas yel xo wal tu x'ilchj wuj 'a yib'n̈ chamel. Atn 'ix 'ix caw wal 'ay smon yejm win winc yu'uj, man̈xtzac yactj 'el 'ix win winc cha. A win winc yiclum 'a Dios, matz 'ejm win yuj 'ix, palta ax win tzb'on xon maysch'olnil, tzmonchj win yuj 'ix.

Josué 23:13

eyojc xon wal b'i'an, to a Jehová man̈x 'oj yi'l jun tzo'n̈ eb' 'anma chi 'a e cal. 'Oj sc'anlb'oc eb' 'icha junc ch'an̈ ya'al sec tzex 'em yuj eb'. 'Icha no tz'um tz'och 'a yich e patic, 'icha pax te q'uix tz'at 'a yol e sat, 'ixta 'oj ex yutc eb', masnto 'oj e satl 'a sat lum lum caw wach' 'ix yac' Jehová Dios 'ayn̈ec.

Ex 23:33

May cab' eb' tzcan eyet' 'a yol e chon̈ab', sec wach' ma'oj ex sjucb'tzoc eb' 'a tas maysch'olnil 'a in sat. Palta toto tzeyac' servil sdiosal eb' cha, wal yel mun wal ax tzeyixtj 'el e b'a, xchi Dios 'a Moisés.

1 Co 7:35

A jun tzo'n̈ tzwal't 'ayx tic, man̈ yujoc ex in tenn 'och wa'an, tzwaln 'ati. Ma'ay, palta tzwal't jun tzo'n̈ tic 'ayex, sec caw wach' eyico'. Yujto tzin nib'j tze b'eylb'ej 'icha tznib'j Cajlilec, tzeya'n servil 'a smasnil e c'ojol.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Jeremías 51:8

Palta wal 'a yajn̈ej xlan̈chj 'ejm Babilonia tic. 'O'n̈ec yu'uj, 'ijec cot remel yic tzeyan̈tni, ax quilni, toto 'oj b'oxc sc'ojl eyu'uj, xchi Dios.

Jeremías 48:4

A chon̈b' Moab, tox 'ix lajw 'ejmi, tzc'och yab'x yel yaw eb' 'anma 'a chon̈b' Zoar.

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 14:20

Ma'oj a mucx 'icha eb' rey mucb'il 'a yol lu'um, yujto 'ix extj 'el eb' a chon̈ab', til wal eb' et chon̈b' xa mila. Yuj cha, man̈x 'a b'a'n̈ 'oj b'inaxc yin̈tl win tu cha.

Pr 29:6

A mach maysch'olnil sb'eyb'al, a smul cha, 'icha ch'an̈ yal yajch 'a 'a; ax pax mach to wach' snab'en, caw junc'ojlal yaji, tzaljc'ojlaln̈ej yico'.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Ex 8:19

Xlajw cha, 'ix yaln eb' tzyal jelnal sb'a chi 'a win rey chi 'ixtic: —A jun tic, smunljel Dios, xchi ewinac. Palta an̈j 'ijnoc 'ix pitb' 'el snab'en win rey, 'icha wal yutjnac Jehová yalni. Ma'ix chaj win yab' tas 'ix yal Moisés yet' Aarón.

Ex 7:5

A yic tox xin ch'ox in poder yet' 'a yic tox ex wij 'elt 'a jun nacion̈ tic, 'ixta to b'i'an, ax snachj 'el yuj eb' 'aj Egipto tic, to an ton Jehová in, xchi Dios 'a Moisés.

Ex 12:33

Locn eb' 'aj Egipto chi xchecn 'elt eb' israel cha, sec yajn̈ej tz'el eb' 'a yol schon̈b' eb', yujto tzna eb' 'aj Egipto cha, toq'ue tzcham eb' smasnil.

A Ch'an̈ B'ab'el Libro Samuel 5:11

'Ix ya'n 'at eb' schecb' 'a eb' syajlil eb' filisteo cha, 'ix yaln eb' 'a eb' 'ixtic: 'Ijec 'el te scaxail strato sDiosal Israel tic 'a qui calec, tz'at eya'nc can pax 'a yet'l 'aj 'ay, sec ma'oj qui chamc qui masnil yu'uj, xchi eb'. Yujto xniwtj jun yab'il chi 'a scal eb' yuj Dios, yuj cha, 'ix xiw chan̈ eb'.