Ex 10:26 - Chuj San Sebastian Bible

²⁶ Yuj cha, a smasnil no qui cajb'en noc' chi 'on̈, 'oj quic' no smasnil quet' on̈. Man̈x 'a junc no 'oj stac' scani, yujto a 'a scal no 'oj qui sic' 'elt no 'oj ca' qui xajmb'alc 'a Jehová qui Diosal on̈. Yic mantzac on̈ c'och 'a jun lugar cha, mantzac nachj 'el cu'uj, 'aj 'ay no 'oj cac' qui xajmb'alc 'a Jehová qui Diosal chi 'on̈, xchi.

Chuj San Mateo Bible

²⁶ Masanil noc' co noc' chi' ol quic'b'at qued'oc, man̈xo junoc noc' ol cactejcani, yujto d'a scal noc' ol co siq'uel noc' ol cac' co silab'oc d'a Jehová co Diosal. Ayic manto on̈ c'ochlaj ta', maxto nachajel-laj cuuj mach noc' ol cac' co silab'oc chi', xchi vin̈aj Moisés chi'.

Ex 10:26 Referans Kwoze

A Ch'an̈ Carta D'a Eb' Hebreo 11:8

A Abraham, caw ya'jnac 'och Dios 'a sc'ojol. Yuj cha, a yic yawtx yu'uj, syicljnac. 'Atnc 'a jun lugar ya'jnac Dios yico'oc. Wach'xam mant yojcoc 'aj tz'ati, palta yactjnac can slu'um, s'ati.

2 Co 8:5

Xqui na on̈, jantc tzyac' eb', palta yel xo wal niwn xyac' eb', yujto b'ab'l xyac' sb'a eb' 'a Cajlil. Xlajw cha, xya'n pax sb'a eb' 'ayn̈ on̈, 'icha tznib'j Dios.

Zacarías 14:20

A wal 'a yic jun c'ul cha, a 'a q'uen cotc campana 'aych 'a sjaj e no chej, 'oj tz'ib'xoc 'och 'a q'uen 'ixtic: Yic xo Jehová yaji, 'oj xchioc. Yet' smasnil chen 'oj c'anxoc 'a yatut Jehová 'a 'aj tztaj no chib'ej, yic pax 'oj 'ajoc, 'icha jun tzo'n̈ niwc vaso tzc'anlb'ax 'a yet'l xajmb'al.

Os 5:6

'Oj eyac' e calnelu yet' e wacx xajmb'al-l 'ayn an Jehová in yuj e c'ann in colwal, palta man̈x 'oj wab' tas tzeyala, 'oj wi'l in b'a 'a e cal.

Is 23:18

Palta a jantc tas 'oj yac' ganar eb', 'oj 'ochcn yico'oc Jehová, may tas ton̈j 'oj molxoc, to 'oj 'ajxoc 'a eb' tz'a'n servil Jehová, yic wach' niwn tas tzman eb' sc'uxu', tzmann pax eb' spichl to caw wal wach'.

Pr 3:9

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li.

Ex 12:32

'Ijec 'at smasnil e cajb'en noc' chi eyet'oc: e calnelu, e wacax, e chiwo. 'Ixquec muc'uc, tzex tew 'a Jehová wu'uj, xchi win rey cha.

Ex 10:9

'Ix ta'w Moisés, xyaln 'ixtic: —Qui masnil 'oj qui 'at on̈. 'Oj 'at eb' 'unn q'uet on̈, eb' 'ichmtac winac, eb' cunnal on̈, eb' 'ix quisl on̈; yet' smasnil qui calnelu, qui wacax, qui chiwo. Smasnil qui cajb'en noc' on̈, 'oj 'at no quet' on̈, yujto caw wal niwquil q'uin̈ 'oj qui b'o ta 'on̈, yic tzqui'n chan̈ sb'i Jehová qui Diosal chi 'on̈, xchi Moisés.

Ex 10:25

'Ix yaln pax Moisés 'ixtc 'a winac: —Yowlal tzon̈ a chaj 'at yet' qui cajb'en noc', yujto a no 'oj cac' qui xajmb'alc 'a Jehová qui Diosal on̈.

Ex 8:27

Yuj cha, yowlal tzon̈ 'at 'a cusltac lum on̈, ata 'oj 'at cac' qui xajmb'al 'a Jehová qui Diosal on̈, 'icha yutjnac yalni. 'Oxe c'u ste'nb'il jun lugar 'aj tzon̈ 'at chi 'on̈, xchi Moisés.