Ex 10:24 - Chuj San Sebastian Bible

²⁴ Yuj cha, 'ix ya'n win rey chi 'awtxoc cot Moisés, 'ix yaln win 'ixtc 'a eb': —Tztac' tzex 'at eyac' 'emmquilal 'a Jehová, 'ijec 'at eyistzil yet' eyunnal; cojn b'i'an, tzeyactj can e calnelu, e wacax yet' e chiwo, xchi.

Chuj San Mateo Bible

²⁴ Yuj chi', ix avtajxicot vin̈aj Moisés yuj vin̈ rey chi', ix yalan vin̈: —Syal b'at eyoch ejmelal d'a Jehová, iq'uecb'at eyetb'eyum yed' eyuninal. An̈ej to tzeyactejcan masanil noc' e molb'etzal noc', xchi vin̈.

Ex 10:24 Referans Kwoze

Ex 8:28

'Ix yaln pax win rey chi 'ixtic: —Tztac' e 'at 'a lum cusltac lum cha, yic tz'at eya'nc e xajmb'al 'a Jehová e Diosal cha, cojn toto man̈ najtoc tzex 'ati. Tzex leslwi pax 'a Dios chi wu'uj, xchi win rey cha.

Ex 9:28

'In caw wal tz'ec' 'a yib'n̈ sma'n sb'a c'u, yet' yejm q'uen sacb'at tic. Yuj cha, man̈x 'oj wi'c tiempo 'ayex, tztac' e 'at 'a 'ajtil tzeyal cha. Leslwan̈c 'a Jehová, sec tzyij 'el jun yailal tic 'a quib'n̈ on̈, xchi winac.

Gn 34:23

A smasnil tastc 'ay 'a eb', yet' smasnil scajb'en noc' ewinac, quic yaj smasnil, cojnto tzqui ta'wjec 'a eb', sec wach' tzcan eb' 'a qui calec, xchi win Hamor yet' win Siquem cha.

Ex 8:8

X'ec' jaye c'u, xlajw cha, 'ix 'awtx 'at Moisés yet' Aarón yuj win rey cha, 'ix yaln win 'a eb' 'ixtic: —Leslwan̈c 'a Jehová, to tzyij 'el e no pajtza tic 'ayn yet' eb' wit chon̈b' tic, sec tzex wa'l 'a libre, yic tz'at eya'nc e xajmb'al 'a Jehová cha, xchi.

Ex 8:25

Yuj cha, 'ix yawtn cot win rey chi Moisés yet' Aarón, 'ix yaln win 'a eb' 'ixtic: —'Ixquec 'at 'a'c e xajmb'al 'a e Diosal cha, palta matz ex 'el 'a yol yic Egipto tic, xchi winac.

Ex 10:25

'Ix yaln pax Moisés 'ixtc 'a winac: —Yowlal tzon̈ a chaj 'at yet' qui cajb'en noc', yujto a no 'oj cac' qui xajmb'alc 'a Jehová qui Diosal on̈.