Ex 10:22 - Chuj San Sebastian Bible

²² 'Ix yi'n chan̈ Moisés sc'ab' 'a satcha'an̈. Yuj cha, 'ix jaw jun niwquil q'uic'q'uinl 'a yol yic Egipto smasnil.

Chuj San Mateo Bible

²² Ix yic'anchaan̈ sc'ab' vin̈ chi', ix ja jun nivan q'uic'alq'uinal d'a masanil yol yic Egipto chi'.

Ex 10:22 Referans Kwoze

Salmos 105:28

'Ix ya' cot Dios jun niwquil q'uic'q'uinl 'a yib'n̈ eb' 'anma smasnil, palta ma'ix schaj eb' 'aj Egipto chi yab' tas xyal cha.

Apoc 16:10

Xlajw cha, ax jun yol ángel, 'ix secn 'ejm sb'al svaso 'a yib'n̈ sdespacho jun noc' sb'i. Yuj cha, caw q'uic'q'uinl x'aj jantcn̈ej 'aj tzyac' yajlil. Ax eb' 'anma cha, caw xchi eb' yac' yuj yab'n syail.

Am 4:13

'In an b'ojnac eb' lum niwc witz, yet' pax 'ic'. Tzwac' yojcoc 'el eb' 'anma cha tas nab'il wu'uj. An tzin jelmtej 'och sacq'uinl 'a q'uic'q'uinlal, tzin 'ec' pax 'a caw schan̈il yib'n̈ lum lum tic. Jehová Dios tztac' yuj smasnil, 'ixta yalx in b'i, xchi Dios.

Jl 2:31

'Oj 'och q'uic'q'uinl 'a c'u, ax 'uj caw chac 'oj 'aj 'icha chic'. A jun tzo'n̈ tic, 'oj ujoc 'a yic mantzac jaw sc'ul in jaw an Jehová in tic. A jun c'u cha, caw niwn yel'chi, caw 'ay smay.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Dt 5:22

'Ix yaln pax Moisés 'ixtic: Atn jun tzo'n̈ schecnb'il Jehová tic, caw 'ip 'ix yutj yaln 'elt 'a scal c'ac' yet' 'a scal jun q'uic' 'asun, yic yamnon̈c 'a yich lum witz cha, man̈x 'a junc xo checnb'il 'ix yala. Xlajw cha, stz'ib'n can 'och jun tzo'n̈ paxti tic 'a chapachn̈ q'uen q'ue'en, xya'n 'ayin.

Dt 4:11

A yic 'ayn̈ec 'ec' 'a yich lum witz cha, quiljnaquec wal sq'ue n̈iln̈noc sc'a'l lu'um, 'ix q'uic'b' 'och stab'l lum 'a satcha'an̈.

Ex 20:21

Ya' sb'a najt yajl eb' chon̈b' cha, ax Moisés 'ix c'och 'a stz'ey jun q'uic' 'asn 'a 'aj 'ayc' Dios.

Am 4:7

'Ix wi'n pax 'och wan n̈ab' 'a 'oxe 'ujal yic mantzac 'el-l sat eyawb'en. 'Ix wac' 'ejmc n̈ab' 'a yib'n̈ junc chon̈ab', ax 'a junc xo, ma'ay, 'ay 'aj xyac' n̈ab' cha, 'ay pax 'aj ma'ay, yuj cha, xtacj chan̈ 'awb'en.

Job 5:14

Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.

Is 8:22

ax cob' yemx q'ueln eb' 'a sat lum tic. Cojxn cusc'ojlal 'oj scha sb'a eb' yet'oc, atn yailal yet' q'uic'q'uinal. 'Icha to 'oj yamxoc 'ejm eb' yuj q'uic'q'uinl cha. Man̈x 'oj stac' scoln sb'a eb' 'a 'a.

Ez 32:7

A yic 'oj ach in satnc 'el cha, 'oj 'och q'uic'q'uinl 'a satcha'an̈, ax stup yoc c'anal; 'oj 'och 'asn 'a sat c'u, ax stup pax yoc 'uj.

Ez 32:8

An Jehová in, an tzwala. A mulojoc, ax in tupn sc'a'l jun tzo'n̈ tas tzyac' sacq'uinlal 'a satcha'an̈, ax yoch q'uic'q'uinl 'a yol a chon̈ab'.