Ex 10:2 - Chuj San Sebastian Bible

² 'Oj eyal cot yab' eb' eyunnal yet' eb' eyiechicn jun tzo'n̈ tic, yujto an tzwac' jawc smasnil jun tzo'n̈ tic 'a yib'n̈ Egipto tic, atn tas to satjub'tac yilx tzin b'o'o. 'Ixta tzeyutj eyojcan 'eli, chajtlto an ton Jehová in, xchi Dios.

Chuj San Mateo Bible

² yic vach' syal eyalan d'a eb' eyuninal yed' d'a eb' eyi e chiquin masanil tastac ix aj vixtan eb' aj Egipto tic yed' juntzan̈ satub'tac ix in c'ulej d'a scal eb'. Icha val chi' tz'aj eyojtaccaneli to a in ton Jehová in, xchi d'a vin̈.

Ex 10:2 Referans Kwoze

Jl 1:3

Alc jun tzo'n̈ tic 'a eb' eyunnal, ax eb' 'oj alnc 'a yunnal, ax pax eb' chi 'oj alnc 'a eb' 'oj 'aljoc yic b'aq'uin̈.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Salmos 44:1

Ach qui Diosal on̈, 'ix cab' wal yet' qui chicn on̈, 'ix yaln pax eb' qui mam quichm 'ayn̈ on̈, yuj tas 'ix a b'o yet' eb' 'a yic pecti'.

Ex 7:17

Yuj wal cha, xyaln Jehová oj 'ixtic: A ticnec, yuj tas 'oj in ch'ox ela', ax ojcan 'eli chajtlto an Jehová in. A yic 'oj in ma'nc 'ejm in c'occh 'a yib'n̈ a a tic, yajn̈ej ax yoch a a tic chic'al.

Ef 6:4

Ax xo mamb'il ex, man̈ e comn tzuntzc cot yowl sc'ojl eb' eyunnal. A yic tze q'uib'tzan eb', tzeyac' cuenta eb'. Tze cuyn pax eb', sec tzya'ch eb' sc'ojl 'a Cajlil.

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 20:26

'Ix wa'n yixtc 'el sb'a eb' yet' xajmb'al, to a sb'ab'l 'unnal eb' tzyac' tz'a xajmb'alil. 'Ixta 'ix wutj eb', sec tzxiw chan̈ eb', ax yojcan 'el eb' to an ton Jehová in, to cojn in ton Dios in, xchi Dios, xa chi 'a eb' 'ichmtac winc cha.

Salmos 71:18

Man̈ in actc can in ch'ocoj, wach'xam 'ichm in xo, sacx xil in jolom, palta an̈j 'ijnoc 'oj wal-l a jelnal, yet' a tojlal 'a eb' tot 'oj 'aljoc.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Ex 7:5

A yic tox xin ch'ox in poder yet' 'a yic tox ex wij 'elt 'a jun nacion̈ tic, 'ixta to b'i'an, ax snachj 'el yuj eb' 'aj Egipto tic, to an ton Jehová in, xchi Dios 'a Moisés.

A Ch'an̈ Schab'l Libro Samuel 7:22

Mamin man̈x jantcoc a jelnal, yujto may junc 'anma tztac' slajb'tzan sb'a et'oc. Caw may junc xo Dios lajn et'oc, cojxn ach ton Dios ach, a tzyal 'ixta tzcutj cab'ni.

Ex 8:6

Xlajw cha, 'ix ya'n 'at Aarón sc'occh 'a yib'n̈ smasnil a a 'ay 'a yol yic Egipto. Yajn̈j wal cha, 'ix q'uel tzicn̈joc no pajtza', 'ix laj pucb't no 'a smasnil yol yic Egipto cha.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 14:18

At wal yic 'oj lajwc 'ejm eb' wuj smasnil, 'ixta to b'i'an, ax yojcan 'el eb', to an Jehová in cojn in ton Dios in, xchi Dios.

Salmos 44:2

Yet' a poder 'ix a pechn can 'el eb' chuc chon̈b'al 'a slu'um. 'Ix a satn can 'el jun tzo'n̈ niwc chon̈b' cha. Ax eb' qui mam quichm on̈, a eb' 'ix ac' cajnc jun lugar tic.

Salmos 78:3

A jun tzo'n̈ cha, cab'jnac yalx eb', caw cojquec eb' si'mb'il; atn jun tzo'n̈ alb'il can 'ayn̈ec yuj eb' qui mam quichmec.

Is 38:19

Cojn mach pitzan, atn eb' chi tztac' yaln swach' paxti 'ayach, 'icha tzwutj in b'a 'aych ticnec. Ax eb' mamb'il yet' nunb'il, a eb' tzaln yab' eb' yunnal, to tz'el'ch tas tzala.