Ex 10:13 - Chuj San Sebastian Bible

¹³ 'Ix ya'n 'at Moisés te sc'occh chi 'a yib'n̈ Egipto cha. Ax Jehová 'ix 'a'n cot jun niwquil 'ic' 'a yib'n̈ smasnil yol yic Egipto, 'ix cot jun 'ic' chi 'a stojlal 'aj tzq'uel c'u; jun c'u jun 'ac'wl 'ix yac' jun niwquil 'ic' cha. Ax yic sacb' 'el 'a junx c'u cha, man̈x yalnb'ilc no c'ulb' xyij cot jun 'ic' cha.

Chuj San Mateo Bible

¹³ Icha chi' ix aj yic'anchaan̈ sc'ococh vin̈aj Moisés chi' d'a yib'an̈ Egipto chi', ix yac'ancot jun nivan oval ic' Jehová, ix cot d'a stojolal b'aj sjavi c'u. Jun val c'u yed' jun ac'val ix yac' jun oval ic' chi', axo d'a junxo c'ual, a jun ic' chi' ix ic'ancot noc' c'ulub' chi'.

Ex 10:13 Referans Kwoze

Mt 8:27

Caw 'ix sat sc'ojl eb' yuj si'mb'il, 'ix laj yal-lanc eb' 'ixtic: —¿Tas laj sb'o jun winc tic? 'In tzyiclj 'ic' yet' a mar tas xyala, xchi eb'.

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.

Jonás 1:4

Palta ax Jehová x'a'n cot jun niwquil 'ic' caw ow 'a yib'n̈ a mar cha, caw wal 'ijn tzpoj te barco chi yuj jun 'ic' cha.

Salmos 148:8

raya, sacb'at, sacb'acum, 'asun, yet' 'ic'n̈ab', yiclumn̈ej cab' eb' 'a tas tzyala,

Salmos 105:34

Xyaln paxi to tzpitzw chan̈ no c'ulub', no tzc'uxn 'ejm smasnil 'awb'en. 'Ix c'och secnjoc e no', man̈x 'a yalnb'il sb'isl e no'.

Salmos 78:26

A 'ic' tzcot 'a stojlal 'aj tzq'uel c'u, yet' jun tzcot 'a stojlal sur, a 'ix jaw jommoc 'a satcha'an̈, a Dios x'i'n cot yet' spoder.

Ex 14:21

'Ix ya'n cot Moisés sc'ab' yet' sc'occh 'a yib'n̈ a mar, ax Jehová 'ix 'a'n cot jun niwquil 'ic' caw ow. 'Ix cot jun 'ic' chi 'a stojlal 'aj tzq'uel c'u, jun 'ac'wl xyac' jun 'ic' cha. A x'a'n spoj sb'a a mar, 'ix ya'n checljoc lum tacn̈ lum 'a snan̈l a'.

Gn 41:6

Ax xyiln pax winac, a 'a spenc stel 'ixm b'ab'l cha, ata x'elt uque xo 'ixm sjolm trigo caw may sat, mac'b'il tacjoc yuj 'ic'.

Salmos 78:46

'ix ya'n 'och e no c'ulb' 'a scal yawb'en eb', c'uxn xlajw 'el smasnil smunljel eb' yuj no'.

Pr 30:27

no c'ulub', may syajlil e no', palta stzol-l sb'ey e no';