Ex 1:17 - Chuj San Sebastian Bible

¹⁷ Palta ax eb' 'ix wetz'wjum cha, caw wal 'ay xiwc'ojlal eb' 'ix 'a Dios, yuj cha, ma'ix syiclj eb' 'ix 'icha xyutj win sreyl Egipto chi yalni, ton̈j tzyil eb' yic tz'alj eb' winc 'unn cha.

Chuj San Mateo Bible

¹⁷ Palta a eb' ix vetz'vajum chi', xiv eb' ix d'a Dios. Maj sc'anab'ajejlaj eb' ix icha ix yal vin̈ rey chi', ton̈ej syiloch eb' ix ayic tz'alji eb' vinac unin chi'.

Ex 1:17 Referans Kwoze

A Tas Sc'ulejnac Eb' Schecab' Jesús Hechos 5:29

Palta 'ix ta'w Pedro chi 'ixtc yet' jun tzo'n̈ xo eb' schecb' Jesús: —Yowlal a tas tzyal Dios, a tzqui yiclj on̈. Ax jun tzo'n̈ schecnb'il 'anma', toto matz chaj sb'a yet' yic Dios, matz qui yiclj on̈.

Lc 12:5

Palta 'oj wal 'ayex, mach 'aj smoj tzex xiwi: Xiwn̈ec 'a Dios, atn jun 'oj lajwc ex smilni, 'ay pax spoder ex ya'n pax 'at 'a infierno. Atn wal jun chi 'aj smoj tzex xiwi.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Dn 6:13

Xlajw cha, syamn 'och eb' yaln 'ixtc 'a win rey cha: —A win Daniel, win yamchjnac can cot 'a Judá, caw matz yiclj win tas tzal mamin rey. May yel'ch jun ley tic 'a sat. 'Ix quila 'ox 'ejm tzleslwi win 'a junjn c'u, xchi eb'.

Pr 16:6

Toto tzqui chamc'ojlejec eb' quit 'anma'il, toto yiclum tzcutjec qui b'a, to 'ixta', tz'ajx niwnc'ojlal qui mulec; toto 'ay yel'ch Jehová 'a qui satec, yajn̈ej tzon̈ 'elc 'a scal maysch'olnil.

Ec 8:12

Wach'xam 'ay 'anma 'ipn ya'n 'och smul, palta najtl pax tzyila, cojn tas wojtac, to a eb' 'ay yel'ch Dios 'a sat, caw wach' 'oj 'el'choc eb' 'a yib'n̈ eb' maysch'olnil cha.

Salmos 31:19

Caw niwn a wach'c'ojlal tzac' 'a eb' 'ay el'ch 'a 'a. Sat wal eb' 'anma', tza pojn 'ec' a wach'c'ojlal chi 'a scal eb' tzach 'a'n 'och yipc sc'ojol.

Gn 42:18

Ax 'a schab'jial xyaln José 'a ewin 'ixtic: —An tic tzin xiw 'a Dios; toto tzeyiclj jun xwal 'ayx tic, tzex colchj 'eli.

Os 5:11

A chon̈b' Efraín cha, tox 'ix jaw 'a yib'an̈. Man̈x 'a tas 'ay 'a 'a, yujto 'ix ya'ch wal 'a sc'ojl yoch tza'n yuj jun tzo'n̈ comn dios.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Nehemías 5:15

Palta 'icha eb' gobernador 'e'nc 'a yaln̈taxi, caw wal 'icha 'ictz yaj eb' 'a eb' chon̈ab', junjn c'u tzya'n eb' 40 q'uen tumn plata yuj tas tzc'ux eb', yet' yuj yal uva tzyu'j eb'. An̈jtona', caw wal tz'ixtx eb' chon̈b' yuj eb' schecb' eb'. Palta an xo tic, man̈ 'ixta'oc tzwutej, yujto caw niwn yel'ch Dios 'a in sat.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Gn 20:11

'Ix ta'w Abraham 'ixtc 'a winac: —A xwutj in nani, to a 'a jun lugar tic may junc mach 'ay xiwc'ojlal 'a Dios, yuj cha, toq'ue tzin milx cham yuj 'ix wistzil tic in nani.

Ex 1:18

A yic 'ix yab'n win rey jun cha, 'ix ya'n win 'awtxoc cot eb' 'ix wetz'wjum cha, 'ix yaln win 'ixtc 'a eb' 'ix: —¿Tas yuj ton̈j tzeyila tz'alj jun tzo'n̈ winc 'unn cha? xchi winac. 'Ix yaln eb' 'ix 'a win 'ixtic:

A Ch'an̈ B'ab'el Libro Samuel 22:17

Xlajwn̈ej cha, xyaln win rey 'a eb' soldado oyn 'och 'a stz'ey stan̈woc: —Milc cham smasnil eb' ya'mal 'och sti eb' 'anma tic 'a Dios. Yujto caw 'aych eb' yet' jun David cha, yojc wal eb', chajtlto tz'elc' jun David chi wu'uj, palta ma'ix yal eb' wab'i', xchi. Palta a eb' soldado win rey cha, ma'ix ya'ch eb' sc'ab' smiln Ahimelec yet' eb' yican cha.

A Ch'an̈ Schab'l Libro Samuel 24:4

Palta tox 'ix ste'wtzej sb'a win rey yaln 'a Joab, yet' 'a eb' syajlil eb' soldado, to yowlal tzyiclj eb' jun cha, yuj cha, 'ix 'elt eb' 'a yojltac win rey cha, 'ix 'at eb' 'a 'aj 'ix alx cha.

Ester 3:3

Xlajw cha, sc'anb'n jun tzo'n̈ xo eb' yajl chi 'a Mardoqueo tas yuj matz yiclj jun checnb'il cha.