Ester 8:4 - Chuj San Sebastian Bible

⁴ 'Ix ya'n cot win rey chi sc'ab' yet' sc'occh nab'a oro 'a 'ix Ester cha, 'ix q'ue lin̈njoc 'ix 'a yojltac win rey cha.

Chuj San Mateo Bible

⁴ Ix yac'anelta sc'ococh vin̈ rey chi' nab'a oro d'a ix, ix q'ue lin̈an ix d'a yichan̈ vin̈.

Ester 8:4 Referans Kwoze

Ester 5:2

Ax yic xyiln 'elt win rey to 'ayc' Ester 'a sti 'elt sdespacho, caw x'o'ch sc'ojl win 'a 'ix, yuj cha, xya'n 'elt sc'ab' yet' sc'occh nab'a oro 'a 'ix. 'Ix 'ochch Ester 'a stz'ey winac, syamn cot 'ix sn̈i te c'occh cha.

Ester 4:11

Smasnil mach 'aych schecb'oc win rey, yet' pax smasnil eb' chon̈b' 'ay 'a yol smacb'en winac, yojc eb' to a smasnil mach tz'och 'a yol sti sdespacho winac, 'ay jun ley tzalni chajtlto tojln̈ej schami. Wach'xam winac, mto 'ix, toto man̈oc win tz'awtni, yowlal tzchami. Cojxn toto tzyij chan̈ win rey chi jun sc'occh nab'a oro, tzch'oxn 'elt win 'a 'a; toto 'ixta', a jun cha, matz chami. An tic, 'ayx jun 'uj man̈x 'a 'aj tzin yawtj 'at win rey 'a 'a, xchi 'ix.

Ester 8:3

Xlajw cha, x'atx Ester chi paxtinc yet' win rey jun 'ejm xo. X'em cumnjoc sc'ochx 'a yojltac winac, syamn 'och 'ix yoq'ui, 'ix yaln 'ix 'ixtic: Mamin rey, comnoc to tzsatx 'el jun ley caw tu sb'ojnac win Amán yin̈tl Agag, comnoc matz 'el'ch tas tzyal chi 'a yib'n̈ eb' wit israelal, xchi.