Ester 8:3 - Chuj San Sebastian Bible

³ Xlajw cha, x'atx Ester chi paxtinc yet' win rey jun 'ejm xo. X'em cumnjoc sc'ochx 'a yojltac winac, syamn 'och 'ix yoq'ui, 'ix yaln 'ix 'ixtic: Mamin rey, comnoc to tzsatx 'el jun ley caw tu sb'ojnac win Amán yin̈tl Agag, comnoc matz 'el'ch tas tzyal chi 'a yib'n̈ eb' wit israelal, xchi.

Chuj San Mateo Bible

³ Ix lajvi chi' ix c'ochxi ix Ester d'a yichan̈ vin̈ rey chi'. Ix em cuman ix, ix och ijan ix yoq'ui. Ix tevi ix to tz'ic'jiel yopisio jun ley te chuc ix sb'o vin̈aj Amán chi'. Ix yalan ix to max elc'och tas syal jun ley chi' d'a eb' israel.

Ester 8:3 Referans Kwoze

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Os 12:4

Xya'lj yip yet' jun ángel, masnto xyac' ganar. 'Ix 'oc' Jacob, 'ix sc'ann swach'c'ojlal jun ángel chi 'a yib'an̈. A 'a Bet-el, ata sch'oxjnac sb'a Dios 'a 'a, ata xpaxtin yet' ta'.

Is 38:2

Xlajw cha, 'ix meltzj 'och q'ueln Ezequías 'a sat yich n̈a cha, 'ix leslwi 'ixtc 'a Jehová:

Ester 7:4

Yujto an tic yet' eb' in chon̈ab', on̈ chon̈xi, sec tzon̈ milx cham qui masnil on̈. Comnoc ton̈j on̈ chon̈x 'at mosoal on̈ mto 'a'j servil, to 'ixta', may tas tzwal ab'i'; nab'a am tzwij 'ec' a tiempo. Ocxo jun, to 'oj qui satx 'el 'a jun 'ejmn̈ej on̈, xchi 'ix Ester cha.

A Ch'an̈ Schab'il Libro Yic Yab'ixal Eb' Rey 4:27

Yajn̈ej 'ix c'och 'ix mu'c 'a 'aj 'ayc' Eliseo win schecb' Dios 'a lum jolm witz cha, 'ix 'och la'njoc 'ix 'a yoc winac. 'Ix 'och yamn Giezi 'a 'ix yic tzyi'n 'eli, palta ax win schecb' Dios cha, 'ix yaln win 'ixtic: —Yilx 'ix, yujto cusc'ojlal yaj 'ix, mantzac yal Jehová 'ayin tas yuj 'ix cot 'ix, xchi winac.

A Ch'an̈ B'ab'el Libro Samuel 25:24

'Ix c'och 'ix 'a yojltac, 'ix yaln 'ixtic: —Ach wajlil, a smul win wichmil cha, can cab' 'a wib'an̈. Tzin tew 'ayach, to tzac' 'in permiso in paxtin jac et'oc, tzab'n tas 'oj wal an a checb' in tic.

Ester 3:1

'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Ester 8:2

Xlajw cha, xyi'n 'elt win rey q'uen colc'ab' 'aj 'aych seyo, atn q'uen xyijcan 'ec' win 'a win Amán, xya'n win q'uen 'a Mardoqueo. Ax jun tzo'n̈ tas 'ay 'a win Amán x'ajx yico'oc 'ix Ester, xya'cn 'ix 'a yol sc'ab' Mardoqueo yic tzya'n cuenta winac.

Ester 8:4

'Ix ya'n cot win rey chi sc'ab' yet' sc'occh nab'a oro 'a 'ix Ester cha, 'ix q'ue lin̈njoc 'ix 'a yojltac win rey cha.