Ester 7:7 - Chuj San Sebastian Bible

⁷ Yuj cha, 'ix q'ue wan win rey, caw wal 'ay cot yowl si'mb'il. 'Ix 'elt win 'a yol n̈a 'a 'aj tzwa eb' cha, x'el-l 'a 'aj 'ay te nichte 'a sti sdespacho. Palta ax Amán, a yic xyilni to 'oj 'ajxoc 'och chaml 'a yib'n̈ yuj win rey, 'ix cancn 'a yol n̈a cha, 'ix tew 'och 'a 'ix reina Ester, sec tzcolchji.

Chuj San Mateo Bible

⁷ Ix q'ue van vin̈ rey chi', ix te cot yoval vin̈, ix elta vin̈ d'a yol pat b'aj van sva eb' chi'. Ix el vin̈ b'aj ay yamaq'uil spalacio. Palta axo vin̈aj Amán chi', ix yilan vin̈ to van yac'jioch chamel d'a yib'an̈ vin̈, ix cann̈ej vin̈ b'aj ix va eb' chi', ix tevioch vin̈ d'a ix reina Ester chi' to tz'ac'ji nivanc'olal vin̈ yuj ix.

Ester 7:7 Referans Kwoze

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Ester 1:12

Palta ma'ix schaj cot sb'a 'ix reina cha, stenc' 'ix schecnb'il win rey x'at yal ewin schecb' cha. Yuj cha, caw wal xcot yowl win rey chi si'mb'il.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.

Dn 3:19

A wal yic xyab'n win rey Nabucodonosor jun tzo'n̈ spaxti ewin quelmtac cha, caw wal xjuw yilx sat win scot yowal, xya'n win 'ajxoc 'och sc'a'l jun jorna chi uc 'ejm xo 'a yib'n̈ 'icha xon tz'ajch sc'aq'uil.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Pr 14:19

A eb' maysch'olnil sb'eyb'al, tz'em n̈ojn eb' 'a yojltac eb' wach'; tzlaj tewc 'och eb' 'a smac yatut eb' tojl snab'en.

Salmos 112:10

Ax yic 'oj yilnc sb'a eb' maysch'olnil snab'en 'a eb', 'oj cot yowl eb', caw 'oj juch'ch'oc ye eb' scot yowal, palta jab'jnal 'oj sat 'ejm eb'. A snib'b'en eb', 'oj lajwc can 'ejmi.

A Ch'an̈ B'ab'el Libro Samuel 25:17

Palta a win echmil, caw tu snab'en winac, caw matz tac' qui paxtin yet'oc. Yuj cha, na ach tic, tzel tas tzotej, wal yel 'ay tas 'oj jawc 'a quib'n̈ eyet'oc, xchi.

A Ch'an̈ B'ab'el Libro Samuel 20:9

—Caw man̈ a na 'ixta'. Toto 'ix wab' in b'a, chajtlto a 'in mam tznib'j tzach smil chamoc, toto 'ixta', tox am xwal 'ayach, xchi Jonatán.

A Ch'an̈ B'ab'el Libro Samuel 20:7

Toto tzyal 'ixtic: 'Ixta cab'i', toto xchi, wach' wic tzyal cha. Palta toto tzcot yowal, tzyal 'el'chi, to nab'iln̈ej yu'uj yic tzin smiln chamoc.

Ester 1:5

Xlajw cha, 'ix ya'n 'och win rey chi uque xo c'u q'uin̈ 'a yamq'uil sti jun despacho cha, atn 'a 'aj 'awb'il te 'awb'ente'. Smasnil eb' cajn 'ec' 'a yol chon̈b' Susa, eb' niwn yel'chi, yet' eb' may yel'chi c'uxn 'ix 'awtx cot eb'.

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Pr 14:35

A eb' checb' caw 'ay snab'en, caw tzalj win rey yet' eb', ax eb' checb' to tz'i'n 'el sq'uixwel winac, caw tzcot yowl win 'a eb'.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.