Ester 7:4 - Chuj San Sebastian Bible

⁴ Yujto an tic yet' eb' in chon̈ab', on̈ chon̈xi, sec tzon̈ milx cham qui masnil on̈. Comnoc ton̈j on̈ chon̈x 'at mosoal on̈ mto 'a'j servil, to 'ixta', may tas tzwal ab'i'; nab'a am tzwij 'ec' a tiempo. Ocxo jun, to 'oj qui satx 'el 'a jun 'ejmn̈ej on̈, xchi 'ix Ester cha.

Chuj San Mateo Bible

⁴ Yujto a in tic yed' eb' vetchon̈ab' chi', ix on̈ chon̈chaji yic tzon̈ satjiel d'a juneln̈ej. Comonoc val ton̈ej on̈ chon̈chajb'at checab'oc, tato icha chi' tecan man̈ smojoc to sviq'uec' a tiempo, ocxo jun, to ol on̈ satjoquel d'a juneln̈ej, xchi ix.

Ester 7:4 Referans Kwoze

Ester 3:9

Yuj cha, toto tzchaj a c'ojl mamin rey, 'a'l junc ley sec tzyab' smasnil chon̈ab' chajtlto 'oj lajwc 'el eb' smasnil. Toto chaj a c'ojl tzsatl eb' smasnil, an xo an tic 'oj wac' junc nan̈l swajxquil mil quintal q'uen tumn plata 'a win tzmoln 'a tumn mamin rey, yic tz'och q'uen eco'oc, xchi winac.

Dt 28:68

Wach'xam a Jehová 'ix yal 'ayex, to man̈x 'a b'a'n̈ tzex meltzj jun 'ejm xo 'a sb'el Egipto, palta 'oj ex ya'x meltzjoc 'a yol barco. Ata 'oj cob' e chon̈ch e b'a mosoal 'a eb' 'ajc'ojl yajch 'ayx cha, palta may xon junc eb' 'oj e manni, xchi Moisés.

Ester 3:13

Wal 'a yajn̈ej, 'ix 'ajx 'at eb' checb' 'a smasnil chon̈b' 'ay 'a yol smacb'en win rey cha. A 'a jun ley cha, ata tzyala chajtlto junn̈j c'u 'oj satxoc 'el eb' israel smasnil, tzyal 'el'chi smasnil eb' winac, eb' 'ix 'ix, eb' 'ichmtac 'anma' yet' smasnil eb' 'unin; tzlajw cha, tz'ijx can 'ec' smasnil tas 'ay 'a eb'. A jun cha, tz'el'ch 'a yol jun 'uj Adar sb'i.

Ester 8:11

A 'a ch'an̈ carta cha, ata xyalb't win rey chajtlto tztac' scoln sb'a eb' israel yaln̈j tas chon̈b'al 'aj 'ayc' eb'. Yowlal jun yamn tz'aj eb' yic tztan̈wni sb'a eb'. Toto 'ay eb' 'ajc'ojl tzc'och 'a eb', tztac' smilx cham eb' 'ajc'ojl chi yuj eb', tzsatx 'el eb' yuj eb' 'a jun 'ejmn̈ej. Ax eb' tz'i'n can tas 'ay 'a eb' 'ajc'ojl cha, atn eb' tzyac' owl yet' eb', yaln̈j tas chon̈b'al tz'och 'ajc'ojlal 'a eb', tojln̈ej scham eb' yet' yistzil yet' pax yunnal eb'.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Jl 3:6

Caw najt xeyij 'at eb' 'anma 'ayc' 'a Judá yet' eb' cajn 'a Jerusalén, xe chon̈n can 'at eb' smosooc eb' griego.

Ester 7:6

—A jun 'ajc'ojl tu snab'en cha, atn ton win Amán tic, xchi 'ix. A wal yic xyab'n win Amán jun paxti cha, caw wal sacb'el sat win yuj xiwlal 'a yojltac win rey yet' 'a yojltac 'ix reina Ester.

Nehemías 5:5

A ticnec, an̈ec tic yet' eb' quit chon̈b'ec tic, junn̈j quin̈tlec, may mach chuc yilx yunnal, lajn yilx cunnalec yet' yunnal eb'. ¿Tas yuj a eb' cunnalec 'aych mosoal 'a eb'? 'Ayn̈ec 'ayx 'och quislec ya'mal servil eb', man̈x 'a wach' tas tzcutj qui colnec qui b'a, yujto yic xo eb' qui lumec, yet' cawb'ente', xchi eb'.

A Ch'an̈ B'ab'el Libro Samuel 22:23

Palta cann̈ wet' 'a tic, man̈ ach xiwoc, yujto a jun tzach nib'n milnc chamoc, an̈jtona', tznib'j tzin smil paxi. Toto tzach can wet'oc, 'oj a colchji, xchi David.

Josué 9:23

A ticnec b'i'an, yujn̈ej jun e nab'en tic, tz'ochcn jun catb' tic 'a eyib'an̈. Tzex 'ochcn 'a'j servil 'a smasnil tiempo 'ayn̈ on̈, ax 'oj e tzu'l te c'atzitz, ax eyi'n cot a a 'oj c'anxoc 'a yatut qui Diosal on̈, xchi Josué chi 'a eb'.

Lc 12:45

Palta q'uinloc tzna jun moso cha, to mant 'oj jawc spatron̈ cha. Yuj cha, tzyamn 'och sma'n eb' yit mosoal, yet' eb' yit munljumal cha. Ton̈j tzya'ch snab'en swa'i, tz'och pax 'u'm 'an̈il.

Ester 7:5

Yuj cha, sc'anb'n win rey Asuero chi 'a 'ix 'ixtic: —¿Mach wal jun cha? ¿'Ajtil 'ay jun chi tznib'n b'onc jun tzo'n̈ chi tzal cha? xchi winac.

Ester 8:6

Yujto caw ma'oj techjoc wu'uj, yic 'oj wilnc tas 'oj jawc 'a yib'n̈ eb' wit chon̈ab', yet' 'a yib'n̈ eb' wican, yuj tas tzon̈ satn 'el qui masnil on̈, xchi 'ix.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Dn 6:2

Xya'n pax 'och win 'oxwn̈ xo eb' gobernador yel xo niwn yel'ch yopiso 'a yib'n̈ jun tzo'n̈ xo eb' gobernador cha, yuj yiln eb' yet' stan̈wni eb' smasnil tas, sec tz'acn tz'aj yajx smasnil tojlb'al 'a win rey cha. A 'a scal eb' 'oxwn̈ tic, ata 'aych Daniel.