Ester 7:3 - Chuj San Sebastian Bible

³ —Toto 'ay wal a chamc'ojlal 'ayn mamin rey, toto wach'n 'a a sat, a tas tzin nib'j tzin c'ana, to tzac' niwnc'ojlal 'ayn yet' eb' wit chon̈ab', comnoc matz in cham yet' eb'.

Chuj San Mateo Bible

³ Ix tac'vi ix Ester chi' icha tic: —Mamin rey, tato vach' in d'a yol a sat, tato scha a c'ool tas tzin c'an d'ayach, an̈ej val tas tzin c'an d'ayach to max in a cha miljocchamoc, max champaxlaj eb' vetchon̈ab'.

Ester 7:3 Referans Kwoze

Jeremías 38:26

Palta 'oj al 'a eb' to ton̈j tzach tew 'och 'ayin, yic wach' man̈xtzac ach wa't presoal 'a yatut Jonatán, sec wach' matz ach cham ta', xa chi, xchi Sedequías.

Job 2:4

'Ix ta'w win 'ajc'ojl chi 'ixtc 'a Jehová: —A junc 'anma to man̈oc 'a sniwnal tz'och yailal, toc 'ay tas tzna'a, tzyaln̈j sc'ojl tzsat 'ejm smasnil tas 'a 'a, cojn toto tzcolchj cani, may tas tzna'a.

Ester 7:7

Yuj cha, 'ix q'ue wan win rey, caw wal 'ay cot yowl si'mb'il. 'Ix 'elt win 'a yol n̈a 'a 'aj tzwa eb' cha, x'el-l 'a 'aj 'ay te nichte 'a sti sdespacho. Palta ax Amán, a yic xyilni to 'oj 'ajxoc 'och chaml 'a yib'n̈ yuj win rey, 'ix cancn 'a yol n̈a cha, 'ix tew 'och 'a 'ix reina Ester, sec tzcolchji.

Ester 4:8

An̈jtona', 'ix ya'n pax Mardoqueo jun ch'an̈ scopiail jun ley chi 'a win Hatac, yic tzya'n win ch'an̈ 'a 'ix Ester, sec tzyojquej 'el 'ix smasnil tas wan yuj 'a yol chon̈b' Susa cha. 'Ix yaln pax 'at winac, to tztew 'ix Ester chi 'a win rey, sec toq'ue wal tztac' to yec' jun paxti chi 'a yib'n̈ eb' yit chon̈ab'.

A Ch'an̈ Schab'il Libro Yic Yab'ixal Eb' Rey 1:13

Xlajw cha, 'ix schecn pax 'at win rey chi junx scapitan̈ yet' junx 50 soldado 'a yox'ejmal. Palta ax jun yoxl capitan̈ cha, 'ix q'ue'ch 'a 'aj 'ayc' Elías cha, 'ix 'em cumn 'a yojltac, 'ix tew 'och 'a 'a, 'ix yaln 'ixtic: —Ach schecb' Dios, tzin tew 'ayach, niwn cab' yel'ch in q'uinl 'a a sat yet' eb' 50 soldado a'mal servil tic.

A Ch'an̈ B'ab'el Libro Yic Yab'ixal Eb' Rey 20:31

Yuj cha, ax eb' 'aych yajlil yet'oc, 'ix yaln eb' 'a 'ixtic: —'Ix cab'i to a eb' sreyl Israel, to wach' snab'en eb'. Comnoc tzchaj a c'ojol, tzca'ch qui pichl n̈achtac sat tzqui sut'n 'och lasu 'a qui jaj on̈, tzlajw cha, tz'at qui ch'oxnc qui b'a 'a yojltac win sreyl Israel chi 'on̈. Lemb'il tzyac' win niwnc'ojlal 'ayn̈ec, xchi eb' 'a Ben-adad.

Ester 5:8

Toto yel 'ay a chamc'ojlal 'ayn mamin rey, tzyaln̈j a c'ojl a'n tas tzin c'ana, scha cab' a c'ojl a cotx q'ui'n jun 'ejm xo yet' win Amán yic tzex wa wet'oc, yujto caw niwn el'ch 'a in sat. At q'ui'n chi 'oj wal 'ayach tas tzin nib'j in c'an 'aych mamin rey, xchi 'ix.

Ester 8:5

Xyaln pax 'ix 'ixtic: —Toto wach'n 'a a sat mamin rey, toto tojl tas tzwal 'aych tic tzab'i, toto caw 'ay a chamc'ojlal 'ayin, 'ac' tz'ib'xoc junc a carta 'aj tzyala to tzsatx 'el tas tz'ib'b'il 'a ch'an̈ carta ya'jnac 'at win Amán, win yunnal Amedata 'a junjn chon̈b' 'ay 'a yol a macb'en, 'a 'aj tzyala to tzmilx cham smasnil eb' wit israelal.