Ester 6:6 - Chuj San Sebastian Bible

⁶ Yuj cha, x'och win Amán cha, 'ix sc'anb'n win rey chi 'a win 'ixtic: —¿Tas smoj tz'aj junc winac, toto tzin nib'j tzwij chan̈ sb'inab'ilal? xchi winac. 'Ix snan Amán chi 'a yol yic 'ixtic: ¿Mach to wal junc xo 'oj yi' chan̈ win rey sb'i, an toni? xchi.

Chuj San Mateo Bible

⁶ Ix och vin̈aj Amán chi' b'ian, ix sc'anb'an vin̈ rey chi' d'a vin̈ icha tic: —¿Tas smoj tz'utaj junoc vin̈ vinac, tato tzin nib'ej svic'chaan̈ vin̈? xchi vin̈. Ix snaan vin̈aj Amán chi' d'a spensar icha tic: ¿Machto val junoc ol yic'chaan̈ vin̈ rey tic? A inn̈ej toni, xchi vin̈.

Ester 6:6 Referans Kwoze

Abdías 1:3

A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Pr 18:12

A b'an̈quinal, tzon̈ yijec 'ejmi, ax 'emmquilal tzon̈ 'ijxec chan̈ yu'uj.

Pr 1:32

A eb' mant 'a snab'en, 'oj cham eb' yuj sman̈ nab'enal; ax eb' tu snab'en, 'oj lajwc 'ejm eb', yujto may yel'ch junc nab'en tz'ajx 'a eb'.

Salmos 35:27

Palta ax eb' tznib'j 'ilnoc tas tzin 'aj 'el'chi, tzalj cab' chan̈ eb', b'itn cab' eb' yet' tzaljc'ojlal. Nachji tzyaln cab' eb' 'ixtic: A Jehová caw niwn ton yel'chi, 'ay cab' stzaljc'ojlal yuj swach'l jun schecb' tic, xchi cab' eb'.

Ester 6:11

Yuj cha, xyi'n 'at win Amán chi jun te pichl cha, 'ix ya'n 'och 'a Mardoqueo. Xlajw cha, syamn 'och win squetzn b'eyc'oc no chej chi 'a yaln̈ Mardoqueo 'a yoltc caye 'a yol chon̈ab' cha. Tz'awj chan̈ win 'a yojltac winac, tzyaln win 'ixtic: 'Ixtc wal tz'aj junc winc to tznib'j win rey tzyij chan̈ sb'i, xchi.

Ester 6:9

Ax jun pichl cha, yet' no chej cha, tz'ajx 'a junc eb' yajl tic to yel xo niwc yel'ch yopiso, ax tz'a'n 'och te pichl chi 'a junc mach tza nib'j tzej chan̈ sb'i cha. Tz'ajx q'ue pax 'a yib'n̈ no chej cha, tzlajw cha, tzquetzx b'eyc'oc no chej chi yet' win 'a yol caye 'a yol chon̈ab'. Tzyaln 'a yojltac win 'ixtic: 'Ixtc wal tz'aj junc winc to tznib'j win rey tzyij chan̈ sb'i, xchi cab'i', xchi win Amán cha.

Ester 6:7

Yuj cha, xta'w win 'ixtic: —A wal tas smoj tz'aj junc mach cha,

Ester 5:11

'Ix syamn 'och sb'an̈n sb'a 'a sat eb', yujto caw wal rico win si'mb'il, caw niwn pax yunnal winac. 'Ix yaln paxi to 'ix si'x 'elt yuj win rey 'a scal jun tzo'n̈ xo eb' 'aych yajlil yet'oc, 'ix 'ajx 'och wal yopiso sat yajlil 'a yib'n̈ jun tzo'n̈ xo eb' cha.

Pr 30:13

'Ay mach tznani to caw wal niwn yel'chi, yuj cha, niwquil cob' tzyutj sb'a 'a yit 'anma'il.

Ester 6:5

—A win Amán 'ayq'ui, xchi ewin schecb' win cha. 'Awtjec 'oxt winac, xchi win rey cha.

Ester 1:15

'Ix sc'anb'n win rey chi 'a eb' 'ixtic: —A tzyal qui leyec, nac wet'oc tas tz'aj 'ix reina Vasti cha, yujto ma'ix syiclj 'ix in checnb'il, 'ix 'at wac' yal eb' in checb' 'a 'ix, xchi winac.

Lc 14:9

Ax win tzex 'awtn 'at cha, 'oj yal win 'ayx 'ixtic: 'Eln̈ec 'a jun yet'l win tic, 'oj schic winac. Yuj cha, yowlal 'oj e c'och 'a 'aj 'ay eb' may jac yel'chi, caw 'oj eyac' e q'uixwloc.