Ester 4:14 - Chuj San Sebastian Bible

¹⁴ Toto mayn̈ej tas 'oj al ticnec, toto 'ixta', 'ajmn̈ej 'oj cot junc qui colmalec an̈ israel on̈c tic, palta ach xo tic yet' smasnil eb' ecan, c'uxn 'oj qui satli. Toq'ue yuj jun yailal tic, ach si'x 'och reinail yic tzon̈ a coln 'eli, xchi Mardoqueo cha.

Chuj San Mateo Bible

¹⁴ Tope yuj jun sjavi d'a quib'an̈ tic jun, yuj chi' ix ach sic'chajoch reinail, yic tzon̈ a colani. Palta tato malaj tas ol al ticnaic, b'ajam ol cot junoc mach ol on̈ colanoc, palta a ach tic ol ach satel yed' masanil eb' a c'ab'oc, xchib'at vin̈.

Ester 4:14 Referans Kwoze

A Ch'an̈ B'ab'el Libro Samuel 12:22

Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Mt 16:18

An tzwal 'ayach, ach ton Pedro ach. (A Pedro tzyal 'el'chi, q'ue'en.) A 'a yib'n̈ jun niwquil q'uen tic 'oj in b'o wiglesia. A jun wiglesia tic, toxn ma'oj lajwc yuj chamel.

Jeremías 30:11

An Jehová in, an tzwala: 'Aynn̈ej 'ec' eyet'oc, 'oj in satl smasnil jun tzo'n̈ nacion̈ 'aj ex sactzic can 'at wu'uj. Palta ax xo tic, ma'oj ex in satli. Cojn to 'oj ex in b'eyc'ojloc yet' yailal 'a 'icha wal tas smoj e chani. Ma'oj e cann̈j 'ixta', xchi Dios.

Jeremías 46:28

Ex yin̈tl can Jacob, in checb' eyaji, caw man̈ ex xiwoc. 'Aynn̈ej 'och eyet'oc, 'oj in satl smasnil jun tzo'n̈ nacion̈ 'aj ex wac' sactzic can 'ati. Palta ax xo tic, ma'oj ex in satli. Ton̈j 'oj wa'ch yailal 'a eyib'an̈, 'icha wal smoj e chani, ma'oj e cann̈j 'a 'ichn̈jta', xchi Dios.

Esdras 9:9

Wach'xam mosoal caji, palta ma'on̈ actjcan on̈. Ach qui Diosal on̈, 'ix a ch'ox a chamc'ojlal 'a q'uib'n̈ 'a sat eb' sreyl Persia. 'Ix 'ac' qui tzatzl on̈ yic tzqui b'on pax sjel atut 'aj pojnc 'ejmi, ach on̈ a tan̈wj 'a Judá yet' 'a Jerusalén tic on̈.

Ester 2:15

Ax x'aji, a yic xjaw stzol-l yic 'ix Ester, 'ix yisl win Abihail yican Mardoqueo, yic tz'at 'ix wayc yet' win rey, cojn wal tas 'ix yal Hegai win yilmal eb' 'ix 'ix, cojn chi xyij 'at 'ix. Caw wach' 'ix Ester chi 'a sat smasnil eb' tztan̈wni 'ix.

Mt 24:22

Toto a Dios ma'oj yac' c'ochmb'oc jun tiempoal yic yailal cha, may junc mach 'oj colchjoc can 'el 'a yol sc'ab' chamel. Palta yuj eb' sic'b'ilx 'el yu'uj, ax ya'n c'ochmb'oc.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Ester 2:7

A Mardoqueo cha, 'ay jun yisl jun win yican 'ayc' yet'oc, Hadasa sb'i 'ix, mto Ester. Meb'a 'ix 'ix yujto chamnc smam snun 'ix; ax Mardoqueo chi 'ix q'uib'tzani. 'Icha wal yisil, 'ixta xyutej. Caw wal wach' yilx sat, yet' sniwnal 'ix cob's cha.

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

Nehemías 6:11

Yuj cha, xwaln 'a 'ixtic: An tic man̈ in mojc in 'at 'eloc. ¿Tom 'oj c'och 'a yatut Dios in c'ub'c 'el in b'a tza na'a? xin chi 'a 'a.

A Ch'an̈ Schab'il Libro Yic Yab'ixal Eb' Rey 19:3

'Ix yaln eb', to a win rey Ezequías 'ix aln 'ixtic: A ticnec 'ayn̈ 'och 'a cusc'ojlal, 'a yailal, 'a q'uixwc'ojlal. 'Icha junc 'ix 'ix wan yalj yune tz'elcn yip, 'ixta cajc ticnec.

A Ch'an̈ B'ab'el Libro Samuel 17:29

—¿Tas ex wutj pax ticnec jun? An tic 'in ton̈j nant tzin paxtini, xchi David.

Jueces 15:6

'Ix sc'anb'n 'ec' eb' filisteo mach 'ix b'on jun chi 'ixta'. 'Ix alx 'a eb' to a win Sansón, win sn̈i win 'aj Timnat, a 'ixta 'ix 'utni, yuj ya'n spac, yujto 'ix 'ijx 'ec' yistzil, ax 'a jun swach'c'ojl cha, ata x'ajx 'ix. 'Ix jaw eb' filisteo wul sn̈ustz'a 'ix 'ix chi yet' smam.

Job 9:18

Man̈xtzac yac' am wic' jac wip 'a scal in yailal, caw am tzwach' niwtj in yailal chi yu'uj.

Lv 26:42

toto 'ixta', 'oj in na cot in trato yet' Jacob, Isaac yet' Abraham, chajtlto tzwal wac' lum lum 'a yin̈tl eb'.

A Ch'an̈ Schab'il Libro Yic Yab'ixal Eb' Rey 13:5

'Ix ya'n Jehová jun mach 'ix colwj 'a eb'. 'Ixtnta 'ix 'aj yel eb' 'a yol sc'ab' eb' 'aj Siria. Tzaljc'ojlal xoj yaj eb' 'a yatut, 'icha yaj eb' 'a yaln̈taxi.

Ester 4:13

yuj cha, 'ix yaln cot pax 'ixtc 'a 'ix yuj jun tzo'n̈ spaxti cha: Man̈ a na', to yujn̈ej to 'aych 'ec' 'a yatut win rey ax a colchji, ya' sb'a ax smasnil eb' quit israelal 'oj cham eb'.

Ester 4:15

Yuj cha, 'ix yaln pax 'at Ester chi 'a win 'ixtic:

Ester 2:17

Yel xo wal xchamc'ojlax 'ix Ester chi yuj win rey cha. May xon junc 'ix 'aj 'ay schamc'ojlal win 'icha xyutj schamc'ojlan win 'ix Ester. Yel xo niwn swach'c'ojlal win 'a 'ix 'a yib'n̈ jun tzo'n̈ xo eb' 'ix cob'stac cha. Yuj cha, xya'n q'ue win jun corona yic reyl 'a sjolm 'ix. Xlajw cha, xya'n can 'och win 'ix reinail sjelc 'ix Vasti.

Ec 3:7

'Ay yorail tzjat junc tas, 'ay pax yorail snipxi. 'Ay yorail sictac tzon̈ 'ajec, 'ay pax yorail tzon̈ paxtinec.