Ester 3:9 - Chuj San Sebastian Bible

⁹ Yuj cha, toto tzchaj a c'ojl mamin rey, 'a'l junc ley sec tzyab' smasnil chon̈ab' chajtlto 'oj lajwc 'el eb' smasnil. Toto chaj a c'ojl tzsatl eb' smasnil, an xo an tic 'oj wac' junc nan̈l swajxquil mil quintal q'uen tumn plata 'a win tzmoln 'a tumn mamin rey, yic tz'och q'uen eco'oc, xchi winac.

Chuj San Mateo Bible

⁹ Yuj chi' mamin rey, tato scha a c'ool, aq'uelta junoc ley yic syab' masanil chon̈ab' to satel juntzan̈ anima chi'. Tato icha chi' ol vac' junoc 7,500 quintal q'uen plata b'aj smolchaj q'uen tz'ac'ji d'ayach, xchi vin̈.

Ester 3:9 Referans Kwoze

Gn 23:16

'Ix schaj sc'ojl win Abraham sjeln stojl lum lum cha, 'icha xyutj win yaln 'a sat smasnil ewin hitita cha. 'Ix yechtan Abraham chan̈e ciente q'uen tumn plata cha, lajn x'aj yal-l q'uen 'icha yic eb' chon̈wjum.

Mt 18:24

A yic wan syamn 'och sb'onyaj jun tzo'n̈ cuenta cha, tz'ijx cot jun smoso chi 'a 'a, caw man̈x b'ischjb'enoc sb'oc 'a win patron̈ cha.

Ester 3:8

Yuj cha, 'ix yaln Amán 'a win rey Asuero 'ixtic: —A 'a smasnil chon̈b' 'ayc' 'a yol a macb'en 'ach mamin rey, 'ay wal jun macn̈ 'anma chuc yeli; chuc yel sley 'a yib'n̈ jun tzo'n̈ xo chon̈ab', matz yiclj xon a ley mamin rey. Caw man̈ smojc cajnn̈ej 'ec' eb' 'a yol a macb'en 'aj tzac' reyal.

Ester 3:10

Xlajw cha, 'ix yi'n 'elt win rey scolc'ab' 'aj 'aych seyo, 'ix ya'n 'a win Amán, win 'ajc'ojl yajch 'a eb' israel.

Ester 4:7

'Ix yaln Mardoqueo smasnil tas tzalx cha, 'ix yaln pax yuj jantc sb'isl q'uen tumn plata tzyal win Amán yac' 'a win tzmoln stumn win rey yic wach' tzmilx eb' israel smasnil.

Ester 7:4

Yujto an tic yet' eb' in chon̈ab', on̈ chon̈xi, sec tzon̈ milx cham qui masnil on̈. Comnoc ton̈j on̈ chon̈x 'at mosoal on̈ mto 'a'j servil, to 'ixta', may tas tzwal ab'i'; nab'a am tzwij 'ec' a tiempo. Ocxo jun, to 'oj qui satx 'el 'a jun 'ejmn̈ej on̈, xchi 'ix Ester cha.

Dn 3:8

A 'a yic cha, 'ay jun tzo'n̈ ewin caldeo 'ix wul 'a'nc 'och sc'a'l eb' 'aj Judá 'a win rey.