Ester 3:7 - Chuj San Sebastian Bible

⁷ A yic b'ab'l 'uj 'a jun ab'il cha, atn 'a jun 'uj Nisán sb'i 'a yic slajchwil xo ab'il yoch win Asuero reyal, 'ix 'och suerte 'a yojltac Amán yic tzyojcan 'eli tas c'ual yet' tas tiempoal tz'el'ch tas tzna cha. Ax x'aji, 'ix 'el'ch jun suerte chi 'a yic 'oxlajn̈e yoch slajchwil 'uj, atn 'a jun 'uj Adar sb'i.

Chuj San Mateo Bible

⁷ A d'a b'ab'el uj scuch Nisán, yic slajchavil ab'il yoch vin̈aj Asuero reyal, ix och suerte d'a yichan̈ vin̈aj Amán yic syil vin̈ tas c'ual, ma tas tiempoal ol elc'och jun tas sna vin̈ chi'. Axo ix aji, a d'a 13 yoch slajchavil uj scuch Adar, ix checlaj sc'ual.

Ester 3:7 Referans Kwoze

Esdras 6:15

A yatut Dios cha, 'ix lajw sb'o 'a yoxl xo c'u yoch 'uj Adar, yic swacl xo ab'il yoch Darío reyl 'a Persia.

Pr 16:33

Wach'xam tzca'c 'och suerte 'a yib'n̈ junc tas, palta a Jehová, a 'ojtnac tas snab'en 'a yib'an̈.

Mt 27:35

Xlajw cha, xya'n 'och ewin 'a spenc culus. Ax ewin soldado cha, 'ix yac' ewin b'ul, yic tzpojn 'ec' ewin spichl Jesús 'a scal. ['Ixta x'aj yel'ch tas tz'ib'b'il can yuj jun schecb' Dios pecti, yic yaln 'ixtic: 'Ix spojc' eb' in pichl 'a 'a, xya'n 'och eb' b'ul 'a yib'an̈, xchi 'a Ch'an̈ U'un̈.]

Ester 9:21

'Ix yaln 'ati, to a 'a junjn ab'il 'a yic chan̈lajn̈e' yet' 'a yic olajn̈e yoch jun 'uj Adar, yowlal tznax q'uin̈ ta'.

Ester 9:5

'Ix stzu'n cham eb' israel chi eb' 'ajc'ojol cha. C'uxn 'ix satl eb' smasnil, 'ix sb'o wal eb' 'icha tas snib'ej.

Ester 9:1

A 'a yic yoxlajn̈il c'u yoch slajchwil 'uj, 'a jun 'uj Adar sb'i, atn jun c'u chi checlxon yaji, yic tz'el'ch tas tzyal jun ley alb'il yuj win rey, palta atn 'a jun c'u chi sc'ul slajw 'el eb' israel chi yuj eb' 'ajc'ojl cha. Ax x'aji ma'ix 'el'ch 'ixta', palta to a eb' x'ejm yuj eb' israel cha.

Ester 2:16

A 'a yic slajn̈il 'ujal, 'a jun 'uj Tebet sb'i, 'a yic yucl ab'il xo yoch win Asuero reyal, ata 'ix 'ijx 'at 'ix Ester 'a win rey, yic tz'at 'ix wayc yet' winac.

Ester 1:3

A yic stz'acw yoxl ab'il yoch win Asuero chi reyal, 'ix ya'n 'och win jun niwn wa'el, yet' jun niwquil q'uin̈ yet' smasnil ewin niwc yajal, ewin 'ay yopiso yet' winac, eb' syajlil eb' soldado 'aj Persia, yet' eb' 'aj Media; eb' gobernador, yet' pax eb' yajl yaj 'a junjn niwc chon̈b' cha.

Nehemías 2:1

A 'a yic jun c'ual 'a yol 'uj Nisán, 'a yic sjunc'lil ab'il yoch Artajerjes reyal, yic wan wa'n 'ejm yal uva 'a yojltac win rey, xyilni to cusltac in sat, palta may 'aj 'ixta wilxi.

Esdras 4:6

Pecti x'el yich jun snab'en eb' cha yic 'ix schan 'el Asuero yich ya'n reyal, 'ix stz'ib'n pax 'at eb' 'ajc'ojl chi smul eb' cajn 'a Judá yet' 'a Jerusalén yic tz'ajx queja eb' 'a winac.