Ester 3:4 - Chuj San Sebastian Bible

⁴ Junjn c'u tzlaj sc'anb'noc eb' 'a 'a, palta matz chaj yab' tas tzyal eb', yujto tox 'ix yal 'a eb' to israel. Yuj cha, x'at yalnc eb' 'a Amán, yic tzyiln eb' toto 'oj cann̈j yuj win 'a 'ichn̈jta'.

Chuj San Mateo Bible

⁴ Junjun c'u syalan eb' vin̈ d'a vin̈, palta max schalaj yab' vin̈ tas syal eb' vin̈ chi', yujto toxo ix yal vin̈ d'a eb' vin̈ to israel vin̈. Yuj chi' ix b'at yalan eb' vin̈ d'a vin̈aj Amán chi' yic syilan eb' vin̈ tato ton̈ej ol yiloch vin̈ vin̈aj Amán chi'.

Ester 3:4 Referans Kwoze

Gn 39:10

'Ix 'och tecn 'ix yaln 'a José, 'a junjn c'u tznib'j 'ix tzway win yet'oc, palta jun 'ejmn̈ej ma'ix yal sc'ojl win jun cha, matz nib'j win tzc'och 'a stz'ey 'ix.

Jonás 1:9

'Ix ta'w Jonás, 'ix yaln 'a ewin 'ixtic: —An tic hebreo in. A 'a Jehová sDiosal satcha'an̈, ata tzwal in b'a, atn jun b'ojnac a mar yet' lum lu'um, xchi.

Dn 6:13

Xlajw cha, syamn 'och eb' yaln 'ixtc 'a win rey cha: —A win Daniel, win yamchjnac can cot 'a Judá, caw matz yiclj win tas tzal mamin rey. May yel'ch jun ley tic 'a sat. 'Ix quila 'ox 'ejm tzleslwi win 'a junjn c'u, xchi eb'.

Dn 3:12

Palta 'ay jun tzo'n̈ eb' 'aj Judá, eb' a'jnac yopiso ya'n yajlil 'a yol yic Babilonia tic; atn win Sadrac, Mesac yet' Abed-nego, a ewin tic, caw matz yiclj eb' tas tzala. May yel'ch a diosal 'a eb', yuj cha, matz yac' 'ejm sb'a eb' 'a jun yechl nab'a oro 'ix ac' b'o'oc, xchi eb'.

Esdras 1:3

Yuj cha, tzann̈j ex to schon̈b' Jehová eyaji, colwjan̈ec, 'ixquec 'at b'oc chan̈ yatut Jehová e Diosal 'a Jerusalén 'a yol yic Judá.

Ester 3:3

Xlajw cha, sc'anb'n jun tzo'n̈ xo eb' yajl chi 'a Mardoqueo tas yuj matz yiclj jun checnb'il cha.

Ester 3:5

A yic xyiln Amán to caw yel matz 'em cumn Mardoqueo cha, matz 'em pax n̈ojn 'a yojltac winac yic tz'ec' win 'a stz'ey, yuj cha, caw xcot yowlal.