Ester 3:13 - Chuj San Sebastian Bible

¹³ Wal 'a yajn̈ej, 'ix 'ajx 'at eb' checb' 'a smasnil chon̈b' 'ay 'a yol smacb'en win rey cha. A 'a jun ley cha, ata tzyala chajtlto junn̈j c'u 'oj satxoc 'el eb' israel smasnil, tzyal 'el'chi smasnil eb' winac, eb' 'ix 'ix, eb' 'ichmtac 'anma' yet' smasnil eb' 'unin; tzlajw cha, tz'ijx can 'ec' smasnil tas 'ay 'a eb'. A jun cha, tz'el'ch 'a yol jun 'uj Adar sb'i.

Chuj San Mateo Bible

¹³ Elan̈chamel ix checjib'at eb' vin̈ checab' d'a masanil yol smacb'en vin̈ rey chi'. Syalan jun ley chi' to junn̈ej c'ual ol satjiel masanil eb' israel yed' masanil eb' yuninal eb'. Axo tastac ay d'a eb', ol ic'chajcanec' smasanil. A jun c'u ix checlaj chi', aton d'a 13 yoch slajchavil uj scuch Adar.

Ester 3:13 Referans Kwoze

Ester 9:10

yunnal win Amán eb' slajn̈wan̈il, atn win 'ochnc 'ajc'ojl 'a eb' israel. May xon wal jac tas 'ay 'a eb' xcham chi 'ix yij 'at eb' israel cha.

2 Cr 30:6

Xlajw cha, 'ix 'at eb' schecb' win rey 'a smasnil yol yic Israel yet' 'a yol yic Judá yet' ch'an̈ scarta win rey yet' eb' yajl yaj yet'oc. Xchi 'a ch'an̈ carta chi 'ixtic: Ex quit israelal on̈, meltzjan̈c 'a Jehová qui Diosalec, atn sDiosal Abraham, Isaac yet' Israel, sec 'oj meltzjoc pax cot Dios 'ayex, ex to 'atnc 'ex 'elc 'a yol sc'ab' eb' sreyl Asiria.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Ro 3:15

Yajn̈ej, tz'at eb' milj 'anma'.

Jeremías 51:31

Tzoltzni 'oj jawc eb' checb' wul yal 'a win sreyl Babilonia chajtlto wan yejm schon̈b' chi 'a jun 'ejmn̈ej.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Job 9:25

A jab' in q'uinl tic, caw wal ji'lti yec' muc'uc, may xon pax 'aj xwil jac tzaljc'ojlal.

Ester 7:4

Yujto an tic yet' eb' in chon̈ab', on̈ chon̈xi, sec tzon̈ milx cham qui masnil on̈. Comnoc ton̈j on̈ chon̈x 'at mosoal on̈ mto 'a'j servil, to 'ixta', may tas tzwal ab'i'; nab'a am tzwij 'ec' a tiempo. Ocxo jun, to 'oj qui satx 'el 'a jun 'ejmn̈ej on̈, xchi 'ix Ester cha.

A Ch'an̈ B'ab'el Libro Samuel 22:19

Xlajw cha, x'och pax 'a yol chon̈b' Nob, atn schon̈b' eb' ya'mal 'och sti eb' 'anma 'a Dios. 'Ix smiln cham win eb' winac yet' eb' 'ix 'ix, eb' 'unin yet' eb' tz'ulc 'unn tot 'aljnac, smiln cham pax win no wacax, no b'uru yet' pax no calnelu.

Ester 8:5

Xyaln pax 'ix 'ixtic: —Toto wach'n 'a a sat mamin rey, toto tojl tas tzwal 'aych tic tzab'i, toto caw 'ay a chamc'ojlal 'ayin, 'ac' tz'ib'xoc junc a carta 'aj tzyala to tzsatx 'el tas tz'ib'b'il 'a ch'an̈ carta ya'jnac 'at win Amán, win yunnal Amedata 'a junjn chon̈b' 'ay 'a yol a macb'en, 'a 'aj tzyala to tzmilx cham smasnil eb' wit israelal.

Ester 9:1

A 'a yic yoxlajn̈il c'u yoch slajchwil 'uj, 'a jun 'uj Adar sb'i, atn jun c'u chi checlxon yaji, yic tz'el'ch tas tzyal jun ley alb'il yuj win rey, palta atn 'a jun c'u chi sc'ul slajw 'el eb' israel chi yuj eb' 'ajc'ojl cha. Ax x'aji ma'ix 'el'ch 'ixta', palta to a eb' x'ejm yuj eb' israel cha.

Ester 9:5

'Ix stzu'n cham eb' israel chi eb' 'ajc'ojol cha. C'uxn 'ix satl eb' smasnil, 'ix sb'o wal eb' 'icha tas snib'ej.