Ester 2:21 - Chuj San Sebastian Bible

²¹ A yic 'aych Mardoqueo chi 'a yopiso 'a sdespacho win rey cha, 'ix yab'n spaxtin chawn̈ winc 'aych stan̈malc spuertail jun despacho cha, atn win Bigtán yet' Teres. Caw wal ow ewin 'a win rey, smol aln ewinac tas 'oj yutc ewin smiln cham win rey cha.

Chuj San Mateo Bible

²¹ A junel, ayic ix c'och stzolal d'a yib'an̈ vin̈aj Mardoqueo d'a yopisio d'a palacio vin̈ rey chi', ay chavan̈ eb' vin̈ stan̈van b'aj ay vin̈ rey chi', aton vin̈aj Bigtán yed' vin̈aj Teres. Te aycot yoval eb' vin̈ d'a vin̈ rey chi', van yalan eb' vin̈ tas syutej eb' vin̈ smilancham vin̈ rey chi'.

Ester 2:21 Referans Kwoze

Ester 6:2

'Ix 'ilchj 'a yojl ch'an̈, 'a 'aj tzyala to a Mardoqueo 'ix alni tas 'ix yal win Bigtán yet' win Teres, atn eb' stan̈mal spuertail sdespacho win rey, ata 'ix smol alj eb' tas tzyutj eb' smiln cham win rey cha.

Salmos 144:10

Ach wal tzac' sjelnal eb' rey, yic tzya'n ganar eb' owal. Ach in a col an a checb' David in tic 'a q'uen espada tzmilwji. Coln 'a yol sc'ab' eb' chuc chon̈b'al, atn eb' tzlaj aln junc tas man̈ yeloc, eb' tzya'cn sti 'a junc tas yic tzya'n 'es.

A Ch'an̈ Schab'il Libro Yic Yab'ixal Eb' Rey 21:23

Ax eb' 'aych yajlil yet' Amón cha, 'ix meltzj 'och eb' 'ajc'ojlal 'a 'a, 'ix smiln cham eb' 'a yol sdespacho.

A Ch'an̈ Schab'il Libro Yic Yab'ixal Eb' Rey 12:20

'Ix smol aln eb' 'aych yajlil yet' Joás, yuj tas tzyutj eb' smiln chamoc, yuj cha, axta smil cham eb' 'a yatut 'ay 'a Milo, jun 'ay 'a sti b'e tz'eml 'a chon̈b' Sila.

A Ch'an̈ B'ab'el Libro Yic Yab'ixal Eb' Rey 16:9

Palta 'ay jun win syajlil nan̈l eb' soldado tz'ec' yet' te caruaje yic owal, Zimri sb'i winac. 'Ix sc'ultac naj win 'a spatc win Ela. 'Ay jun c'u 'ix c'och win Ela 'a yatut win Arsa 'a Tirsa cha, smayltoma win rey yaj winac, ax x'aji, 'ix yu'n win rey 'an̈ yet' winac, caw xq'ue te 'an̈ chi 'a sjolom.

A Ch'an̈ Schab'l Libro Samuel 16:11

'Ix yaln David 'ixtc 'a win Abisai yet' 'a smasnil eb' 'ay yopiso yet' cha: —'Intax to wunnal win tzin nib'n milnoc, ax pax win tic, yin̈tl eb' yic Benjamín winac. Sb'ajquin cab' winac, lemb'il a Jehová a tz'a'n yala'.

Esdras 4:6

Pecti x'el yich jun snab'en eb' cha yic 'ix schan 'el Asuero yich ya'n reyal, 'ix stz'ib'n pax 'at eb' 'ajc'ojl chi smul eb' cajn 'a Judá yet' 'a Jerusalén yic tz'ajx queja eb' 'a winac.

Ester 2:19

'Ay jun c'ual, 'a yic 'ix molb'tzax jun tzo'n̈ xo eb' 'ix cob'es, ax Mardoqueo 'ayx yopiso 'a sdespacho win rey.

Dn 2:49

'Ix sc'ann Daniel yopiso jun tzo'n̈ eb' yitb'eym chi 'a win rey. Yuj cha, xya'n 'och win rey chi yopiso win Sadrac, win Mesac yet' win Abed-nego 'a yol smacb'en Babilonia cha. Ax Daniel ata 'aych yopiso 'a sdespacho win rey cha.

Ester 6:1

A wal 'a yic jun 'ac'wl cha, caw ma'ix cot xon swayn̈ win rey. Yuj cha, 'ix yaln winac, to tz'ijx cot ch'an̈ un̈ 'aj tz'ib'b'il smasnil tas 'e'nc xo 'a yib'n̈ jun nacion̈ cha, 'ix 'awtx ch'an̈ 'a yojltac winac.