Ester 10:3 - Chuj San Sebastian Bible

³ A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

Chuj San Mateo Bible

³ A vin̈aj Mardoqueo chi', ix ochcan vin̈ schab'il yajalil d'a vin̈aj rey Asuero chi'. Te nivan ix aj yelc'och vin̈ d'a scal eb' yetisraelal. Te xajan ix ilji vin̈ yuj eb' yetchon̈ab' chi', yujto ix sayjiec' svach'il eb' yuj vin̈, ix yac'an val yip vin̈ yic vach' tzalajc'olal yed' junc'olal tz'aj eb'.

Ester 10:3 Referans Kwoze

Nehemías 2:10

Palta 'ay chawn̈ eb' yajal, atn Sanbalat 'aj Horón yet' Tobías yajl yaj 'a eb' 'aj Amón, a yic 'ix yab'n eb' to in c'och colwjoc 'a eb' wit israelal cha, ma'ix schaj sc'ojl eb'.

Ro 14:18

Toto 'ixta tzcutjec ca'n servil Cristo, 'oj tzaljoc Dios quet'ec. Ax yiln pax eb' quit 'anma'il, to wach' qui b'eyb'alec.

Ro 10:1

Ex wu'tac, ex wanab', caw tzin nib'j tzcolchj eb' wit israelal. Atn wal jun tic tzin c'an 'a Dios.

Dn 5:29

Xlajw cha, xya'n win rey Belsasar 'ajxoc 'och te pichl púrpura 'a Daniel. Xya'n pax win 'ajxoc 'och jun q'uen cadena nab'a oro 'a sjaj 'icha ton̈. 'Ix yaln win 'a smasnil eb' 'anma', to tz'ochcn Daniel 'a yoxl reyal.

2 Cr 28:7

Ax win Zicri, atn jun soldado caw 'ay yip 'a scal eb' yin̈tl Efraín, a 'ix miln cham Maasías yunnal win rey, yet' Azricam, atn yajl yaj 'a sdespacho winac, yet' pax Elcaná, sat yajl yaj yuj win rey.

Gn 41:40

Ach tzach wa'ch yajlilc 'a in despacho tic. Smasnil eb' in chon̈ab', 'oj syiclc eb' tas 'oj ala', cojxn̈ej in niwn wel'ch 'a eb'an̈, yujto rey in.

Dn 5:16

Ach xo tic, xwab'i chajtlto tznachj 'el o'oj, tztac' alni tas tzyal 'el'ch jun tzo'n̈ paxti 'ajltac snachj 'eli. Yuj cha, toto tztac' awtn jun tzo'n̈ letra tz'ib'b'il 'och tic, tzaln pax 'ayin tas tzyal 'el'chi, toto 'ixta', caw 'oj 'ajxoc 'och te pichl púrpura 'ayach. 'Oj 'ajxoc 'och jun q'uen cadena nab'a oro 'a a jaj 'icha ton̈, ax och yoxloc reyl 'ayin, xchi winac.

Ester 3:2

'Ix yal win rey to smasnil eb' yajal yet' eb' tz'a'n servil 'a sdespacho, yowlal tz'em cumn eb', tz'em pax n̈ojn eb' 'a yojltac win Amán cha, ax pax win Mardoqueo, ma'ix syiclj jun checnb'il cha.

A Ch'an̈ B'ab'el Libro Samuel 23:17

'Ix yaln Jonatán 'ixtic: —Man̈ ach xiwoc, yujto ma'oj elchj yuj in mam. Ach tic 'oj och xon qui reyloc an̈ Israel on̈c tic, an xo 'oj woch schab'l yajlil. An̈jtona yojc xo in mam, xchi Jonatán.

Dn 6:3

Yajn̈j wal cha, 'ix checlj 'el Daniel 'a scal jun tzo'n̈ xo eb' yit gobernadoral cha, yujto wach'n̈j tzyutj sb'a. Yuj cha, snib'n win rey chi ya'ch 'a sat yajlil 'a snacion̈.

Gn 45:10

Ata 'oj a can cajn 'a lum Gosén, sec wach' la'n cajn ach 'ec' 'a in tz'ey yet' smasnil eb' onnal, yet' eb' eachiquin, yet' pax a cajb'en noc', yet' smasnil tas 'ay 'ayach.

Gn 45:11

A 'a tic 'oj wac' smasnil tas tza c'ux yet' smasnil eb' onnal, yet' smasnil mach 'ayc' et'oc, yujto o'eto ab'il 'oj yac' jun wejl tic, xchi na, xe chi 'a 'a.

A Ch'an̈ B'ab'el Libro Samuel 18:16

Palta smasnil eb' israel, yet' eb' 'aj Judá caw tzchamc'ojlej eb' David, yujto a tzjucb'tzan eb' soldado 'a owal.

Ester 2:5

A 'a chon̈b' Susa cha, ata cajn jun win israel Mardoqueo sb'i, yunnal Jair, yixchicn Simei. Ax Simei cha, cotnc 'a yin̈tl Cis, ax Cis cha, cotnc 'a yin̈tl can Benjamín.