Ester 1:19 - Chuj San Sebastian Bible

¹⁹ Yuj cha, toto wach' tzab' mamin rey, 'ac' b'o junc ley, tz'ib'x can 'a yol yun̈al qui leyl an̈ 'aj Persia yet' an̈ 'aj Media on̈ tic, sec man̈x 'a b'a'n̈ 'oj jelxoc: Man̈x 'a cab' b'a'n̈ 'oj jawc 'ix reina Vasti 'a yojltac win rey, xchi cab' jun ley cha. Ax junc 'ix 'ix yel xo wal wach' 'a yib'n̈ 'ix, a 'ix tz'ochx can reinail sjelc 'ix cha.

Chuj San Mateo Bible

¹⁹ Yuj chi' jun mamin rey, tato vach' scan jun tic d'ayach, ac' tz'ib'chaj junoc ley yic scan leyal d'a Persia yed' d'a Media tic, to maxtzac yal yec'b'ati: Man̈xa b'aq'uin̈ sjavi ix reina Vasti d'a yichan̈ vin̈ rey, xchiocab' jun ley chi'. Axo junocxo ix ec'to svach'il d'a yichan̈ ix chi', a ix tz'ochcan reinail sq'uexuloc ix.

Ester 1:19 Referans Kwoze

Ester 8:8

A ticnec, tz'ib'jec 'at 'icha wal tas tze na'a, yuj e wach'loc yet' smasnil eb' eyit chon̈b' cha. Tzeya'n 'och in b'i, yet' pax in seyo yic wopiso 'a ch'an̈, yujto a junc ch'an̈ un̈ 'aj 'aych in b'i, 'aych pax in seyo 'a 'a, caw matz tac' stenx 'ec' tas tzyala, xchi winac.

A Ch'an̈ B'ab'el Libro Samuel 15:28

Yuj cha, xyaln Samuel 'ixtc 'a winac: —'Icha wal 'ix otj a jatn 'el sti in potl tic, 'ixta 'oj yutc Jehová ach yi'n 'el reyl 'a qui chon̈ab'. Ax ya'n can pax opiso chi 'a yol sc'ab' junc xo et chon̈ab', junc yel xo wach' 'a eb'an̈.

Ester 8:5

Xyaln pax 'ix 'ixtic: —Toto wach'n 'a a sat mamin rey, toto tojl tas tzwal 'aych tic tzab'i, toto caw 'ay a chamc'ojlal 'ayin, 'ac' tz'ib'xoc junc a carta 'aj tzyala to tzsatx 'el tas tz'ib'b'il 'a ch'an̈ carta ya'jnac 'at win Amán, win yunnal Amedata 'a junjn chon̈b' 'ay 'a yol a macb'en, 'a 'aj tzyala to tzmilx cham smasnil eb' wit israelal.

Dn 6:17

A yic tox xjulx can 'ejm Daniel 'a scal e no león cha, 'ix yi'n cot eb' jun q'uen q'ue'en, xya'n can q'ue eb' smacloc sti jun xab' cha. Xlajw cha, xya'n can 'och win rey chi seyoal q'uen yet' seyo win yic yopiso, yet' pax eb' niwc yajl 'aych yet' winac. C'uxn xya'cn 'och eb' seyo chi 'a q'ue'en, sec wach' a jun ley 'ix alx 'a yib'n̈ Daniel, matz tac' sma'x 'eq'ui.

Ester 3:9

Yuj cha, toto tzchaj a c'ojl mamin rey, 'a'l junc ley sec tzyab' smasnil chon̈ab' chajtlto 'oj lajwc 'el eb' smasnil. Toto chaj a c'ojl tzsatl eb' smasnil, an xo an tic 'oj wac' junc nan̈l swajxquil mil quintal q'uen tumn plata 'a win tzmoln 'a tumn mamin rey, yic tz'och q'uen eco'oc, xchi winac.

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

Ester 1:21

A jun nab'en 'ix yac' win Memucán cha, caw wal schaj sc'ojl win rey chi yet' eb' 'ayc' 'a jun c'umjb'a cha. 'Ix 'och jun nab'en chi 'a yopiso yuj win rey cha.

Ester 1:18

A wal eb' yistzil ewin niwc yajl 'a Persia yet' 'a Media, a yic 'oj yab'nc eb' 'ix yuj tas xyutj sb'a 'ix reina tic, 'oj yal am eb' 'ix jun tic 'a yichmil, yujn̈ej cha, ax spatquiln 'el eb' 'ix yichmil, ax scot am yowl ewin 'a eb' 'ix.

Ester 2:1

'Ix 'ec' junc tiempoal, 'ix sicb' yowl win rey Asuero cha, 'ix snan cot win 'ix Vasti yuj tas sb'ojnac, yet' pax yuj ley tox x'ajx 'el 'a yib'n̈ 'ix.