Esdras 9:5 - Chuj San Sebastian Bible

⁵ Ax 'a yorail yic yajx xajmb'al cha, in q'ue wan 'aj wocn in 'ejm yuj in cusc'ojlal. In 'em cumn in leslwi, xwi'n chan̈ in c'ab' 'a yojltac Jehová qui Diosal, tzilquintac yaj in pichl in jatni.

Chuj San Mateo Bible

⁵ A val d'a jun rato chi', ix in q'ue vaan b'aj c'ojaninem chi', n̈ic'chimtac in pichul chi'. Ix in em cuman in lesalvi. Ix vic'anq'ue in c'ab' d'a yichan̈ Jehová in Diosal.

Esdras 9:5 Referans Kwoze

A Ch'an̈ B'ab'el Libro Yic Yab'ixal Eb' Rey 8:54

Cumn 'ejm Salomón 'a yojltac jun yet'l xajmb'al, mojn q'ue sc'ab' 'a satcha'an̈, a yic xlajw sleslwi 'a Jehová, yuj smasnil jun tzo'n̈ tas sc'an chi 'a 'a.

A Ch'an̈ B'ab'el Libro Yic Yab'ixal Eb' Rey 8:22

Xlajw cha, x'och lin̈n Salomón 'a yojltac jun yet'l xajmb'al Jehová 'a sat smasnil eb' chon̈ab', xya'n q'ue sc'ab' 'a satcha'an̈,

Ex 9:29

'Ix ta'w Moisés 'a win rey chi 'ixtic: —Cojn wal tzin 'el 'a yol chon̈b' tic, ax in mojnq'ue in c'ab' in leslwi 'a Jehová. Ax in c'ann 'a 'a, sec 'oj 'och wan ya'n q'uen sacb'at tic, man̈x 'oj smac' sb'a c'u. 'Ixta 'oj 'aj snachj 'el 'oj ach tic, chajtlto a Jehová yajl yaj 'a smasnil yolyib'n̈q'uinl tic.

Ef 3:14

Yuj cha, tzin 'em cumn 'a yojltac Dios, [atn 'a Smam Cajlil Jesucristo.]

Salmos 143:6

A 'aych tzin moj q'ue in c'ab', caw wal tzach in nib'j 'icha tzyac' lum tacn̈ lum yet' a a'.

Salmos 141:2

Wach' cab' tz'aj sq'ue'ch in lesl 'aych Mamin, 'icha tz'aj sq'ue'ch stab'l incienso tz'a 'a ojltac. Ax in c'ab' mojb'il q'ue 'ayach, lajn cab' yilx 'a yol a sat 'icha junc ofrenda tz'ajx 'aych 'a yemc'ual.

Salmos 95:6

Cotn̈ec, 'em coyc cuman yic tzon̈ 'ochc 'emmquilal 'a Jehová, 'em coyc cumn 'a 'a, yujto a b'ojnacn̈ec.

A Tas Sc'ulejnac Eb' Schecab' Jesús Hechos 21:5

Ax yic xlajw uque c'u cha, on̈ 'atx on̈. Ax eb' creyente chi smasnil, yet' yistl eb', yet' yunnal eb', c'uxn x'at eb' quet' on̈, masnto xit' on̈ ya'cn eb' 'a sti 'el chon̈ab'. Ata on̈ 'em cumn 'a sti a mar, on̈ leslwi yet' eb' on̈.

Lc 22:41

Xlajw cha, 'ix sb'esn 'el sb'a 'a eb'. 'Icha snajtil tz'at junc q'uen tzjulx 'ati, 'ixta x'ati. Ata x'em cuman, 'ix leslwi.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Dn 10:2

Yuj cha, xyaln Daniel 'ixtic: A 'a yic jun tiempoal cha, caw wal cusc'ojlal waj 'a 'oxe seman.

Nehemías 1:4

A yic xwab'n jun tzo'n̈ paxti cha, in 'emwocn woq'ui, caw in cus jaye c'ual, in 'och 'a c'ajb'c'ojlal, in leslwi 'a Dios 'ay yic satcha'an̈.