Esdras 9:10 - Chuj San Sebastian Bible

¹⁰ Ax ticnec ach qui Diosal on̈, ¿tas wal wach' caln 'aych on̈, yujto tox 'ix 'och qui mul on̈? Ma'ix qui yiclj a checnb'il on̈,

Chuj San Mateo Bible

¹⁰ Axo ticnaic, ach co Diosal, ¿tas val vach' calan d'ayach, yujto toxo ix och co mul? Maj co c'anab'ajej a checnab'il,

Esdras 9:10 Referans Kwoze

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Lm 3:22

Yujn̈ej schamc'ojlal Jehová, yuj cha, matz on̈ satc 'eli, yujto tz'o'chn̈ej sc'ojl 'ayn̈ec.

Josué 7:8

¡'Ay, Mamin! ¿Tas wal to 'oj wutc walni, a ticnec a eb' wit chon̈b' tic, 'ix 'at eb' 'elc 'a eb' 'ajc'ojl cha?

Gn 44:16

Xta'w win Judá 'ixtic: —¿Tasto wal tzcutj ta'wc qui b'a 'aych mamin? ¿Tasto wal tzcutj calni to wach'n̈ on̈? A Dios tox 'ix 'ilchj qui mul yuj on̈. A ticnec caj 'a ojltac on̈, tztac' tzon̈ 'ochcn a checb'oc yet' win 'aj x'ilchj q'uet a vaso cha, xchi winac.

Esdras 9:9

Wach'xam mosoal caji, palta ma'on̈ actjcan on̈. Ach qui Diosal on̈, 'ix a ch'ox a chamc'ojlal 'a q'uib'n̈ 'a sat eb' sreyl Persia. 'Ix 'ac' qui tzatzl on̈ yic tzqui b'on pax sjel atut 'aj pojnc 'ejmi, ach on̈ a tan̈wj 'a Judá yet' 'a Jerusalén tic on̈.

Esdras 9:11

atn tas 'ix 'ac' yal eb' a checab', eb' tzach 'a'n servil. Ach tic 'ix al 'ayn̈ on̈ to jun 'eln̈ej maysch'olnil sb'eyb'al jun tzo'n̈ 'anma cajn 'a sat lum lum tzac' quico'oc on̈, b'ut'jnac 'el smasnil snacion̈ eb' yuj stu b'eyb'al.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Nehemías 9:34

A eb' qui reyl on̈, eb' qui yajlil on̈, eb' ya'mal 'och qui ti 'ayach, eb' qui mam quichm on̈, ma'ix syiclj eb' a ley, ma'ix chaj eb' yab' tas 'ix alx 'a eb'.

Salmos 106:6

Lajn wal x'aj yoch qui mul 'icha ya'jnac eb' qui mam quichm 'a pecti 'on̈; on̈ 'ec' wal 'a yib'n̈ on̈, xqui b'on maysch'olnil.