Esdras 8:36 - Chuj San Sebastian Bible

³⁶ Xlajw cha, xca'n ch'an̈ scarta win rey 'a eb' gobernador yet' 'a eb' capitan̈ yaj 'a sc'axpil 'e't a Éufrates. Ax x'aji xcolwj eb' 'ayn̈ on̈, locn xo pax eb' scolwj quet' 'a yatut Dios.

Chuj San Mateo Bible

³⁶ Ix lajvi chi', ix ac'chaj b'aj tz'ib'ab'il schecnab'il vin̈ rey d'a eb' ayoch yajalil d'a stojolal b'aj tz'em c'u d'a a' Éufrates, yuj chi' a eb' ix colvaj qued'oc d'a munlajel d'a stemplo co Diosal.

Esdras 8:36 Referans Kwoze

Apoc 12:16

Palta a lum lum xcolwj 'a 'ix. 'Ix jacw jun niwquil xab' oln 'a lu'um. An̈jta 'ix satcn 'ejm jun niwquil a chi x'elt 'a yol sti cha.

A Tas Sc'ulejnac Eb' Schecab' Jesús Hechos 18:27

Xlajw cha, x'el 'a sc'ojl Apolos chi x'at 'a yol yic Acaya. Yuj cha, ax eb' creyente, 'ix colwj eb' 'a 'a. 'Ix stz'ib'n eb' jun carta tzyij 'at 'a eb' creyente, sec caw wach' tzyutj eb' schan sc'ochi. Yic 'ix c'och 'a yol yic Acaya cha, caw 'ix sjucb'tzej eb' ya'jnac 'och sc'ojl 'a Jesucristo yuj swach'c'ojlal Dios.

Ester 9:3

Smasnil eb' niwc yajl 'ay yopiso 'a junjn chon̈ab', yet' eb' to niwc yel'ch yopiso 'a yol smacb'en win rey, c'uxn xya'ch sb'a eb' yet' eb' israel, yujto caw tzxiw eb' 'a Mardoqueo,

Esdras 6:13

Ax win Tatenai gobernador yaj 'a sc'axpil 'e't a Éufrates, yet' Setar-boznai, yet' pax eb' yitb'eym sb'a yet'oc, caw 'ix syiclj eb' sb'on 'icha 'ix yutj rey Darío yalni.

Nehemías 2:7

An̈jtona', xwaln pax 'a win rey 'ixtic: Toto wach' tzab' mamin rey, 'a't junc carta 'a eb' gobernador 'ay 'a sc'axpil 'ec' a Éufrates, sec wach' libre tzin schaj 'ec' eb', masnto tzin c'och 'a Judá.

Ester 3:12

A 'a yic yoxlajn̈il yoch b'ab'l 'uj 'a jun ab'il cha, 'ix 'awtx smasnil eb' yajtz'ib' win rey, ax eb' stz'ib'n jun ley 'ix yac' Amán b'o'oc, yic tz'ajx 'at 'a junjn eb' yajl 'ay 'a junjn niwc chon̈b' 'ay 'a yol smacb'en win rey. A jun ley cha, 'ix tz'ib'x 'a sti', yet' 'a sletra junjn chon̈b'al eb' 'anma', 'ix 'och seyo win rey 'a 'a, yujto locn win 'ix alni.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.