Esdras 8:25 - Chuj San Sebastian Bible

²⁵ Wal 'a sat eb' 'ix wechtan q'uen plata, q'uen oro yet' jun tzo'n̈ xo yamc'ab' 'ix yac' win rey, yet' yic eb' ya'mal snab'en winac, yic eb' 'aych yajlil yet'oc, yet' yic smasnil eb' quit israelal 'ayc' ta', atn scolwal eb' chi 'ix yac' yuj sb'omb'ilc yatut qui Diosalec.

Chuj San Mateo Bible

^25-27 Ix lajvi chi', ix vechtan juntzan̈ silab' ix ac'chaj yuj sb'ochajxi stemplo co Diosal, ix in pucanb'at d'a lajchavan̈ eb' vin̈ sacerdote ix in siq'uel chi'. A juntzan̈ silab' chi', ay q'uen plata, q'uen oro yed' juntzan̈ yamc'ab' ix yac' vin̈ rey yed' eb' tz'ac'an srazón vin̈ yed' eb' ay yopisio yed' vin̈ yed' pax tastac ix yac' eb' quetisraelal ayec' ta'. A d'a smasanil, ay 500 quintal q'uen plata. Yed' juntzan̈xo yamc'ab' nab'a plata, 75 quintal yalil yed' 75 quintal q'uen oro yed' pax 20 uc'ab' oro, 17 libra yalil yed' chab'xo yamc'ab' bronce te vach' yaj sb'oi, lajan stojol icha yamc'ab' oro.

Esdras 8:25 Referans Kwoze

Esdras 8:33

Ax 'a schan̈l c'ual on̈ 'at 'a yatut qui Diosalec. Yajn̈ej 'ix quechtan q'uen plata, q'uen oro yet' jun tzo'n̈ xo yamc'ab'. 'Ix ca'n 'a yol sc'ab' eb' wit ya'mal-l 'och sti eb' 'anma 'a Dios, atn win Meremot, yunnal Urías. 'Ayc' pax Eleazar yet'oc, atn yunnal Finees, yet' jun tzo'n̈ xo eb' levita, atn Jozabad, yunnal Jesúa yet' Noadías yunnal Binuy.

Esdras 1:8

'Ix yaln win 'a win Mitrídates molm tumn yaji, to tzyij 'elt jun tzo'n̈ yamc'ab' cha, tzb'isni, tzlajw cha, tzya'n 'a Sesbasar win gobernador 'a Judá.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.

Esdras 2:69

A tzyal wal tas tztechj ya'n eb', a 'ix yac' eb' 'a jun mach tzchan colwal yic jun munljel cha. 'Ix yac' eb' 1,030 libra q'uen oro, 5,740 libra q'uen plata, yet' jun ciente jucn pichl yic eb' ya'mal 'och sti eb' 'anma 'a Dios.

Nm 7:85

A junjn q'uen plato cha, 'ay 1,430 gramos yalil, ax junjn xalu cha, 'ay 770 gramos yalil. Yuj cha, a q'uen plata x'och 'a jun tzo'n̈ plato cha, yet' 'a jun tzo'n̈ xalu, 'ay 26,400 gramos yalil, a tzyal 'echtab' tzc'anlb'ax 'a scajnub' Dios.