Esdras 8:22 - Chuj San Sebastian Bible

²² Tox 'ix calc 'a win rey cha, to a qui Diosalec a tztan̈wni mach tz'och 'emmquilal 'a 'a, palta tzcot yowl sc'ojl 'a mach matz yiclni tas tzyala. Yuj cha, tzin q'uixw in c'ann in soldado 'a win rey, atn eb' tzb'ey 'a yoc, yet' eb' tzq'ue 'a yib'n̈ chej yic tzon̈ stan̈wni eb' 'a yol b'e, xin chi 'a eb'.

Chuj San Mateo Bible

²² Ix in q'uixvi in c'anan eb' soldado d'a vin̈ rey, aton eb' sb'ey d'a yoc yed' eb' ayq'ue d'a yib'an̈ chej, yic tzon̈ stan̈van eb' d'a eb' ajc'ol d'a yoltac b'e, yujto toxo ix cal d'a vin̈ rey chi' to a co Diosal stan̈van masanil mach tz'ac'anoch yipoc sc'ool, palta scot yoval, syac'ancot yaelal d'a yib'an̈ mach max c'anab'ajani.

Esdras 8:22 Referans Kwoze

A Sb'ab'el Carta San Pedro 3:12

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a, palta 'ay cot yowl sc'ojl 'a yib'n̈ eb' tzb'on maysch'olnil, xchi 'a Ch'an̈.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Lm 3:25

Caw wach' Jehová 'a eb' to tzya'ch sc'ojl 'a 'a, atn eb' tzya'ch sb'a 'a yol sc'ab'.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

Salmos 34:22

A Jehová a tzcoln 'el eb' schecab'. Ma'oj 'ajxoc 'och syailal eb', yujto a 'aych yipc sc'ojl eb'.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

A Ch'an̈ Carta D'a Eb' Hebreo 10:38

Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Esdras 7:28

Yuj schamc'ojlal Jehová, yuj cha, wach'n 'a sat win rey, 'a sat eb' ya'mal 'och snab'en winac, yet' 'a sat smasnil eb' niwc yel'ch yopiso yet' win rey cha. Yuj scolwal Jehová qui Diosalec 'a wib'an̈, yuj cha, xin te'wtzan in b'a, 'ix wa'n syam sb'a smasnil eb' yajl yaj 'a yib'n̈ yin̈tl eb' wit israelal, sec tzmeltzj eb' wet'oc, xchi Esdras.

Josué 23:16

Toto ma'oj eyiclc jun strato Jehová qui Diosalec, jun xya'cn 'ayn̈ec, ax 'a jun tzo'n̈ comn dios 'aj 'oj eyac' 'emmquilal, tzex 'em n̈ojn 'a yojltac eb'; toto 'ixta', caw 'oj cot yowl 'ayex, yajn̈ej ax ex satn 'el 'a sat jun lum caw wach' tic, xchi Josué.

2 Co 7:14

A 'a jun 'el, ex wal wach'l 'a Tito tic, al ticnec, matz in q'uixw yuj tas waljnac cha. Jantcn̈ej tas caljnac 'ayx on̈, caw yel. An̈jtona', yic caln e wach'l 'a Tito on̈, caw yel xcal on̈.

1 Co 9:15

An tic, wach'xam 'ay waln wic yet' eb', palta mant 'a 'aj xin c'an jun tic jun 'ejmoc. Ton̈j tzwal't jun tzo'n̈ tic 'ayex. Man̈ yujoc in c'ann in gasto tzin tz'ib'n 'at jun tzo'n̈ tic. Tzin na'a, yel xom wach' tzin chami, 'a yib'n̈ to tzin c'an in gasto 'ayex. Yuj jun tic 'ay waln wic in tzalj 'a sat Dios. May mach tztac' yi'n 'ec' jun in tzaljc'ojlal tic.

Salmos 90:11

¿Tom 'ay junc mach 'ojtnac jantc wal yipl yowl a c'ojol? ¿Toc cojc on̈ jantc wal smay a c'a'lc'ojlal cha?

Josué 22:16

—An̈ tic on̈, tzwul cal smasnil tas 'ix yal eb' schon̈b' Jehová eyu'uj: ¿Tas jun man̈ wach'c xe b'o 'a qui Diosalec? ¿Tas yuj xe patquilj 'el can Jehová, xe b'on jun yet'l xajmb'al yic tzex meltzj 'och 'ajc'ojlal 'a 'a?

Esdras 8:31

A yic lajchwe yoch b'ab'l 'uj, on̈ 'el 'a sti a Ahavá, 'a yol yic Babilonia yic on̈ 'at 'a Jerusalén. A qui Diosalec caw 'ix colwj quet' on̈, a on̈ coln 'el 'a yol sc'ab' eb' 'ajc'ojol yet' 'a eb' 'elc'm 'a yol b'e.

Nehemías 2:9

A yic in jaw 'a eb' gobernador 'ay 'a sc'axpil 'e't a Éufrates, 'ix wa'n ch'an̈ carta xya' cot win rey 'ayin. Ajun pax eb' soldado xya' cot win rey wet'oc, eb' tzb'ey 'a yoc, yet' eb' 'aych 'a yib'n̈ chej.