Esdras 8:16 - Chuj San Sebastian Bible

¹⁶ Xlajw cha, xin checn 'at Eliezer, Ariel, Semaías, Elnatán, Jarib, Elnatán, Natán, Zacarías, yet' Mesulam. A eb' tic, caw niwn yel'ch eb', an̈jtona xin checb't Joiarib, yet' Elnatán, caw wal cuywjum eb'.

Chuj San Mateo Bible

¹⁶ Ix in checanb'at vin̈aj Eliezer, vin̈aj Ariel, vin̈aj Semaías, vin̈aj Elnatán, vin̈aj Jarib, vin̈aj Elnatán, vin̈aj Natán, vin̈aj Zacarías yed' vin̈aj Mesulam. A eb' vin̈ tic nivac yelc'och eb' vin̈ yed' pax eb' vin̈ c'ayb'um, aton vin̈aj Joiarib yed' vin̈aj Elnatán.

Esdras 8:16 Referans Kwoze

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

2 Ti 2:7

A jun tzo'n̈ tic tzwalb't 'ayach, tza na wal si'mb'il. Ax Cajlil, a 'oj 'a'nc nachjc 'el oj smasnil.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Pr 28:2

Toto tu tas tzb'o junc chon̈b'al 'anma', tzolmtac yec' eb' syajlil eb', palta toto caw jeln snab'en junc syajlil eb' cha, tztac' yi'n b'ey jun nacion̈ chi 'a swach'il.

Pr 20:5

A tas c'ultac yaj 'a snab'en junc 'anma', lajn wal 'icha a a 'ay 'a yich junc xab', ax junc mach 'ay snab'en, tztac' yojcan 'el junc nab'en cha.

Pr 2:6

A Jehová a tz'a'n qui jelnal, a spaxti tz'a'n cojcoc 'el wach' nab'enal.

Esdras 10:21

'A scal eb' yin̈tl Harim: ata x'elt Maasías, Elías, Semaías, Jehiel yet' Uzías.

Esdras 8:18

Yuj scolwal Dios, 'ix checx cot Serebías yuj eb'. A jun winc cha, caw wal tznachj 'el yu'uj, yin̈tl jun levita tzcuch Mahli. A jun cha, 'ix cot yet' eb' yunnal, yet' eb' yu'tac; wajxclajn̈wan̈ sb'ey eb' 'a smasnil.

2 Cr 2:12

Yuj cha, alx cab' wach' paxti 'a Jehová e Diosal, jun b'ojnac satcha'an̈ yet' lum lu'um, yujto ach 'ix ach si'cn 'el 'a scal eb' o'tac. Ach yunnal rey David, caw jeln ach, caw tznachj 'el o'oj, cuywnacch 'a jeln nab'enal, ach 'oj a b'o chan̈ yatut Jehová, yet' junc a despacho 'aj 'oj ac' reyal.

1 Cr 26:14

A x'aj yel-l suerte Selemías, ata xcan tan̈j puerta 'a stojlal 'aj tzq'uel c'u, ax Zacarías atn yunnal, win tztac' ya'w nab'en, ata xcan tan̈j puerta 'a stojlal norte.

1 Cr 12:32

'A eb' yin̈tl Isacar, 'ay chab' ciente eb' yajal, 'ix jaw eb' yet' smasnil eb' winc tzyac' mandar. A jun tzo'n̈ eb' tic, caw wal tznachj 'el yuj eb' tas yowlal tzb'o chon̈b' Israel, b'a'n̈ pax 'oj 'el'choc.

A Ch'an̈ B'ab'el Libro Yic Yab'ixal Eb' Rey 3:11

yuj cha, 'ix yaln Dios 'ixtic: Yujto a jun tzo'n̈ tic tza c'ana, man̈oc a q'uinal, man̈oc a ricoal, man̈ pax oc schaml eb' 'ajc'ojol, palta to a sjelnal a nab'en 'ix a c'ana, yic tzojcan 'el a'n cuenta in chon̈ab',

Esdras 8:15

An Esdras in tic, 'ix wac' syam sb'a eb' wit chon̈b' tic 'a sti jun a a tzcuch Ahava, 'oxe c'u on̈ 'ec' ta'. A yic x'ec' in saync jun tzo'n̈ xo eb' levita 'a scal eb' 'anma', yet' 'a scal eb' ya'mal 'och sti eb' 'anma 'a Dios, may junc eb' x'ilchj wu'uj.

Esdras 8:17

'Ix wal 'a eb' to tz'at sc'umc eb' win Iddo, yajl yaj 'a jun lugar tzcuch Casifia to tzalx 'a Iddo cha, yet' 'a smasnil eb' yican, atn eb' yin̈tl eb' tz'a'n cuenta yatut Dios cajn 'a Casifia cha, to tzchec cot ewin eb' 'anma tztac' scolwj quet' 'a yatut qui Diosalec.