Esdras 7:23 - Chuj San Sebastian Bible

²³ Smasnil tas tzc'an Dios 'ay yic satcha'an̈, yajn̈ej tzeya'n mu'c 'a yatut Dios cha, sec wach' matz cot yowl 'a wib'n̈ an reyn tic yet' eb' wunnal, yet' pax 'a yib'n̈ eb' 'anma 'ay 'a yol in macb'en.

Chuj San Mateo Bible

²³ Masanil tas sc'an sDiosal satchaan̈ yuj scajnub', elan̈chamelocab' tz'ac'chaji, yic vach' max cot yoval sc'ol d'a vib'an̈ yed' d'a yib'an̈ eb' val vuninal yed' d'a yib'an̈ masanil in macb'en.

Esdras 7:23 Referans Kwoze

Salmos 119:4

Mamin, ach 'ix al 'a eb', to yowlal tz'acn tzb'eylb'ej eb' a checnb'il.

Zacarías 12:3

A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén.

Esdras 7:18

Ax jantcto q'uen plata yet' q'uen oro tzcani, 'oj eyil tas 'aj tz'och yopiso eyu'uj, a tzyal 'ixta tz'el 'a sc'ojl e Diosal.

Esdras 7:13

Tox 'ix wal 'a smasnil eb' et chon̈b' 'ayc' 'a yol in macb'en tic, toq'ue tzyal sc'ojl eb' tz'at et' 'a Jerusalén: atn eb' ya'mal 'och sti eb' 'anma 'a e Diosal, yet' jun tzo'n̈ xo eb' levita.

Esdras 7:22

Tztac' eya'n junc 75 quintal q'uen plata 'a 'a, 'oxe ciente quintal trigo, nan̈lswacl ciente galón yal uva, nan̈l ciente galón aceite yet' smasnil 'atz'm tzc'ana.

Jeremías 29:7

Munljan̈c yuj swach'loc jun chon̈b' 'aj ex wa'cn 'at cha. C'anc in colwal 'a yib'an̈, q'uinloc caw wach' yajc' jun chon̈b' cha, to 'ixta', caw wach' 'oj eyajc' pax ax tic.

Ex 5:3

'Ix yaln pax eb' 'ixtc 'a winac: —A qui Diosal an̈ israel on̈ tic on̈, 'ix sch'ox sb'a 'ayn̈ on̈, yuj cha, to tzon̈ a chaj 'at 'a lum cusltac lum chi 'on̈, yic tz'at ca'nc qui xajmb'al 'a Jehová qui Diosal on̈, 'oxe c'u ste'nb'il jun lugar cha. Toto matz on̈ 'at on̈, axta laj x'aji, on̈ chamt yuj junc yab'il on̈, mto 'oj qui xicx cham yet' q'uen espada on̈, xchi eb' 'a win rey cha.