Esdras 7:14 - Chuj San Sebastian Bible

¹⁴ Yujto an reyn tic yet' eb' ucwn̈ ya'mal 'och in nab'en, tzach ca't ela', chajtl wal yaj Judá yet' Jerusalén, tzam yiclx sley a Diosal 'aycn 'a yol a c'ab'.

Chuj San Mateo Bible

¹⁴ A in tic yed' ucvan̈ eb' tz'ac'an in razón, tzach cac'b'at ila' tas val yaj Judá yed' Jerusalén chi', van am sc'anab'ajan schecnab'il e Diosal ayec' d'a yol a c'ab' chi' eb'.

Esdras 7:14 Referans Kwoze

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Dn 6:20

A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic: —¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Esdras 8:25

Wal 'a sat eb' 'ix wechtan q'uen plata, q'uen oro yet' jun tzo'n̈ xo yamc'ab' 'ix yac' win rey, yet' yic eb' ya'mal snab'en winac, yic eb' 'aych yajlil yet'oc, yet' yic smasnil eb' quit israelal 'ayc' ta', atn scolwal eb' chi 'ix yac' yuj sb'omb'ilc yatut qui Diosalec.

Esdras 7:28

Yuj schamc'ojlal Jehová, yuj cha, wach'n 'a sat win rey, 'a sat eb' ya'mal 'och snab'en winac, yet' 'a sat smasnil eb' niwc yel'ch yopiso yet' win rey cha. Yuj scolwal Jehová qui Diosalec 'a wib'an̈, yuj cha, xin te'wtzan in b'a, 'ix wa'n syam sb'a smasnil eb' yajl yaj 'a yib'n̈ yin̈tl eb' wit israelal, sec tzmeltzj eb' wet'oc, xchi Esdras.

Esdras 7:15

A q'uen plata, yet' q'uen oro to tz'el 'a qui c'ojl ca'n 'ayach, 'ij 'at 'a e Diosal ax israel ex cha, atn jun 'ay yatut 'a Jerusalén.

Esdras 6:12

A Dios 'ix si'n 'el 'aj tz'och 'emmquilal 'a sb'i 'a Jerusalén, a cab' tzsatn 'el smasnil eb' rey yet' eb' chon̈b' tzya'ch sc'ab' sjeln 'el jun ley tic, mto tzmac' 'ejm lan̈chjoc yatut Dios cha. An Darío in tic, an tzwac' jun checnb'il tic. Smasnil tastc tz'ib'x can tic, yowlal tzyiclx muc'uc, xchi win rey cha.

Esdras 1:3

Yuj cha, tzann̈j ex to schon̈b' Jehová eyaji, colwjan̈ec, 'ixquec 'at b'oc chan̈ yatut Jehová e Diosal 'a Jerusalén 'a yol yic Judá.

Esdras 6:8

An rey Darío in, an tzwal 'ayex, to tzex colwj yet' eb' israel tzjucb'tzan eb' tzb'on sjel yatut Dios. A 'a q'uen tumn tz'ajx yac' eb' 'ay 'a sc'axpil 'e't a Éufrates 'a win rey, a 'a q'uen tz'elt stojl eb' tzmunlj cha, matz 'ec' tiempo yajxi, sec wach' matz 'och wan jun munljel cha.

Zacarías 6:10

Chaj junc ofrenda 'a eb' paxn̈cta 'a Babilonia, eb' xit'nc 'icha presoal 'a jun nacion̈ cha: atn Heldai, Tobías yet' Jedaías. Tzlajwn̈ej cha, tzach 'at 'a yatut Josías, win yunnal Sofonías.