Esdras 7:10 - Chuj San Sebastian Bible

¹⁰ Yujto caw 'aych 'a snab'en Esdras scuyn sley Jehová, tzb'eylb'an paxi, tzcuyn pax eb' yit israelal 'a jun ley cha.

Chuj San Mateo Bible

¹⁰ Te ayoch d'a spensar vin̈aj Esdras chi' sc'ayb'an val sc'ayb'ub'al Dios, sb'eyb'alan vin̈ yed' sc'ayb'anpax eb' yetisraelal vin̈ d'a jun c'ayb'ub'al chi'.

Esdras 7:10 Referans Kwoze

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.

Mt 7:24

A eb' tz'ab'n in paxti', toto tzyiclj eb' 'icha tzwala, lajn eb' 'icha jun winc jelan, sb'o yatut 'a yib'n̈ stzatzl lum lu'um.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Jn 13:17

Toto tznachj 'el jun tzo'n̈ tic eyu'uj, tzeyiclni, caw wach' eyico'.

Salmos 1:2

A yic eb', to tzchamc'ojlej eb' sley Jehová, nab'iln̈ej yuj eb' 'a sc'ual, yac'wlil.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

Dt 33:10

Tzyac' eb' cuyxoc a ley 'a scal eb' yit chon̈ab', atn eb' yin̈tl Jacob, ax yaln pax eb' 'a scal eb' yit israelal. A eb' tz'a'n tz'a incienso 'a ojltac, ax ya'n pax tz'a eb' no xajmb'al to tz'a smasnil 'a yib'n̈ yet'l xajmb'al.

1 Cr 29:18

Mamin Jehová, qui Diosal ach yet' Abraham, yet' Isaac yet' pax Israel, atn eb' qui mam quichm on̈, 'ac' jawc 'a snab'en eb' a chon̈b' tic, 'el cab' 'a sc'ojl eb' ya'nn̈ej yico', 'ac' wal ya'chn̈ej eb' sc'ojl 'ayach.

Salmos 10:17

Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Tito 2:1

Ach xo, tzach cuywj 'a tas smoj scuyxi. A jun tzo'n̈ cuynb'il caw yel, a tzala.

Salmos 119:45

sec tzaljc'ojlal xoj tzin b'eyq'ui. Man̈x 'a tas tzin na'a, yujto xin yiclj a checnb'il.

Salmos 57:7

Ach in Diosal, caw tzchaj in c'ojl ach in b'itnani, caw tzin nib'j tzach in b'itnej.

2 Cr 30:22

A Ezequías, 'ix yal yuj diosal 'a smasnil eb' levita, to caw xya'ch eb' 'a snab'en ya'n servil Jehová. 'Ix chi eb' no xajmb'al tz'ajx xajmb'al-l 'a jun q'uin̈ to niwn yel'ch 'a uque c'u. 'Ix yac' eb' xajmb'al yic junc'ojlal, 'ix ya'n eb' yuj diosal 'a Jehová qui Diosalec, atn sDiosal eb' qui mam quichmec.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

2 Cr 12:14

Palta an̈j 'ijnoc tu sb'eyb'al Roboam, yujto ma'ix ya'ch wal 'a sc'ojl syiclni tas xyal Jehová.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.

Tito 2:15

Caw tzal-l wal jun tzo'n̈ tic 'a scal eb' creyente ta'. Tzac' wal snab'enoc eb'. Caw tza tench wan eb' maysch'olnil sb'eyb'al, yujto atn opiso chi ta'. Caw wach' tzotj a b'a, sec may eb' tztac' yaln o'oj, to may opiso.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

A Tas Sc'ulejnac Eb' Schecab' Jesús Hechos 1:1

An Lucas in tic, tzin tz'ib'j 'at 'aych Teófilo. 'Ay jun b'ab'l un̈ tz'ib'b'ilx 'at wuj 'ayach. Ata xwala, jantc tas 'ix sb'o Jesús, yet' tas xyac' cuyxoc, yictax syamn 'och scuywji,

Dt 16:12

Nac coti chajtlto 'e'nc on̈c mosoal 'a eb' 'aj Egipto. Yuj cha, yowlal tze b'eylb'ej pax jun tzo'n̈ ley tic.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.

Mt 5:19

'Ay jun tzo'n̈ checnb'il 'a ch'an̈ ley cha, 'icha to may wal yel'chi. Palta tzann̈j eb' matz yiclni smasnil, tzyaln pax eb' 'a eb' 'anma', sec matz yiclj pax eb', toto 'oj c'och eb' 'a yol sc'ab' jun 'aj satcha'an̈, yel xo wal may yel'ch 'oj 'aj eb' ta'. Palta ax eb' tzyiclni tas tzyal jun ley cha, tzyaln pax eb' 'a eb' 'anma', sec tzyiclj pax eb', ax yic 'oj 'och eb' 'a yol sc'ab' jun 'aj satcha'an̈, yel xo wal niwn yel'ch 'oj 'aj eb'.

Job 11:13

Toto ach tic tza tojlb'tzej a nab'en, al a yailal 'a Dios.

Esdras 7:11

Atn scopiail ch'an̈ carta tic xyac' rey Artajerjes 'a Esdras, win ya'mal 'och sti eb' 'anma 'a Dios, to cuywnac 'a schecnb'il jun Dios 'ay yic satcha'an̈, atn cuynb'il 'ac'b'il 'a chon̈b' Israel:

Salmos 119:112

'Ix wa'ch in nab'en in yiclni jun tzo'n̈ a checnb'il tic, masnto 'a slajub'.