Esdras 7:1 - Chuj San Sebastian Bible

^1-5 A yic 'aych win Artajerjes reyl 'a Persia, a yic cha, ata 'ayc' jun win ya'mal 'och sti' eb' israel 'a Dios 'a Babilonia, tzcuch Esdras. Ax eb' smam yichm 'aj cotnc yin̈til, atn eb' tic: Seraía, Azarías, Hilcías, Salum, Sadoc, Ahitob, Amarías, Azarías, Meraiot, Zeraías, Uzi, Buqui, Abisúa, Finees, Eleazar, yet' Aarón, win b'ab'l ya'mal 'och sti eb' 'anma 'a Dios.

Chuj San Mateo Bible

^1-5 Ayic ayoch vin̈aj Artajerjes reyal d'a Persia, ay jun vin̈ scuchan Esdras. A sb'i eb' smam yicham vin̈, aton tic: Vin̈aj Seraías, vin̈aj Azarías, vin̈aj Hilcías, vin̈aj Salum, vin̈aj Sadoc, vin̈aj Ahitob, vin̈aj Amarías, vin̈aj Azarías, vin̈aj Meraiot, vin̈aj Zeraías, vin̈aj Uzi, vin̈aj Buqui, vin̈aj Abisúa, vin̈aj Finees, vin̈aj Eleazar yed' vin̈aj Aarón vin̈ b'ab'el sacerdote.

Esdras 7:1 Referans Kwoze

Nehemías 2:1

A 'a yic jun c'ual 'a yol 'uj Nisán, 'a yic sjunc'lil ab'il yoch Artajerjes reyal, yic wan wa'n 'ejm yal uva 'a yojltac win rey, xyilni to cusltac in sat, palta may 'aj 'ixta wilxi.

Esdras 7:21

An rey Artajerjes in, an tzwal ax e masnil ex molm tumn eyaj 'a sc'axpil 'ec' a Éufrates, 'a'c mu'c smasnil tas tzc'an Esdras ya'mal 'och sti eb' 'anma 'a sDiosal, to cuywjum 'a sley jun Dios 'ay yic satcha'an̈.

Esdras 7:12

An Artajerjes in, syajlil eb' rey waji, an tzwac' stzatzl a c'ojl ach Esdras, ya'mal 'och sti eb' 'anma aji, cuywjum ach 'a sley Dios 'ay yic satcha'an̈.

Esdras 6:14

Ax eb' tzjucb'tzan jun munljel cha, x'ochx eb' swach' b'oc yatut Dios, masnto xlajw sb'o'i, 'icha wal yaj yaln can eb' schecb' Dios, atn Hageo, yet' Zacarías yunnal Iddo. 'Ixtnta x'aj swach' b'o yatut Dios cha. 'Ix b'o 'icha 'ix yutj yaln sDiosal chon̈b' israel, yet' tas xyal eb' sreyl Persia, atn Ciro, Darío yet' Artajerjes.

A Ch'an̈ Schab'il Libro Yic Yab'ixal Eb' Rey 22:4

—'Ixc 'a Hilcías win sat ya'mal 'och qui ti 'a Dios, tzaln 'a 'a, to tzyac' syam sb'a q'uen tumn tzwul 'ajxoc 'a yatut Jehová, q'uen tzchaj eb' tztan̈w puerta 'aj tz'och eb' 'anma'.

Nehemías 11:11

win schab'il tzcuch Seraías yunnal Hilcías, yixchicn Mesulam; eb' smam yicham atn Sadoc, Meraiot, Ahitob. A Ahitob cha, a yajl yaj 'a yatut Dios 'a pecti'.

Esdras 7:10

Yujto caw 'aych 'a snab'en Esdras scuyn sley Jehová, tzb'eylb'an paxi, tzcuyn pax eb' yit israelal 'a jun ley cha.

2 Cr 34:15

Xlajw cha, xyaln Hilcías 'ixtc 'a Safán win 'ajtz'ib': 'Ix 'ilchj ch'an̈ libro yic ley wuj 'a yatut Jehová, xchi. 'Ix ya'n Hilcías ch'an̈ libro chi 'a Safán.

2 Cr 34:9

Xlajw cha, x'at eb' tic 'at yil Hilcías sat ya'mal 'och sti eb' 'anma 'a Dios. Xit' ya'nc eb' q'uen tumn 'a 'a, atn q'uen xyij chan̈ eb' levita 'aych stan̈malc spuertail yatut Jehová 'a scal eb' yin̈tl Manasés, yet' 'a scal eb' yin̈tl Efraín, atn smasnil jun tzo'n̈ 'anma cannc can 'a yol yic Israel. An̈jtona', 'ay pax q'uen x'ec' 'ijxoc chan̈ 'a scal eb' yin̈tl Judá, 'a scal eb' yin̈tl Benjamín, yet' pax 'a scal smasnil eb' cajn 'a Jerusalén.

1 Cr 9:11

Azarías, yunnal Hilcías, a Hilcías yunnal Mesulam, a Mesulam, yunnal Sadoc, a Sadoc yunnal Meraiot, a Meraiot yunnal Ahitob. A Azarías cha, a yajl yaj 'a yatut Dios.

A Ch'an̈ Schab'il Libro Yic Yab'ixal Eb' Rey 25:18

A win Nabuzaradán cha, 'ix ya' win yamchjoc win sat ya'mal 'och sti eb' 'anma 'a Dios, atn Seraías, yet' win schab'il, atn Sofonías, yet' 'oxwn̈ eb' 'aych stan̈malc sti yatut Dios.

A Ch'an̈ Schab'il Libro Yic Yab'ixal Eb' Rey 22:8

Xlajw cha, 'ix yaln Hilcías sat ya'mal 'och sti eb' 'anma 'a Dios 'a win 'ajtz'ib' Safán, chajtlto 'ix chax ch'an̈ slibroal ley 'a yol yatut Jehová. 'Ix yac' Hilcías ch'an̈ 'a win Safán yic tzyawtni.

Esdras 4:7

Ax 'a yol stiempoal Artajerjes, sreyl Persia, ata 'ix tz'ib'x 'at jun ch'an̈ carta yuj Bislam, Mitrídates, Tabeel, yet' jun tzo'n̈ xo eb' yitb'eym eb'. A ch'an̈ carta cha, tz'ib'b'il ch'an̈ 'a sti eb' arameo.

Nehemías 8:1

'Ix syamn sb'a smasnil eb' chon̈b' 'a plas; junn̈j xyutj sb'a eb' 'a sti puerta 'aj tz'elt eb' 'ix 'ix cuchj a'. 'Ix alx 'a win cuywjum Esdras, to tzyij cot win ch'an̈ libro yic ley Moisés, atn jun ley ya'jnac Jehová 'a chon̈b' Israel.