Esdras 4:8 - Chuj San Sebastian Bible

⁸ A win Rehum a comandante yaji, ax Simsai a 'aj tz'ib', a 'ix tz'ib'n 'at jun ch'an̈ carta 'a win rey Artajerjes cha.

Chuj San Mateo Bible

⁸ Axo vin̈aj Rehum vin̈ sat yajal eb' soldado yed' vin̈aj Simsai vin̈ tz'ib'um, ix stz'ib'ejpaxb'at junxo carta eb' vin̈ d'a vin̈aj rey Artajerjes chi'.

Esdras 4:8 Referans Kwoze

Esdras 4:9

A ch'an̈ carta cha, tzyal ch'an̈ 'ixtic: An comandante Rehum in tic yet' win 'ajtz'ib' Simsai, yet' jun tzo'n̈ xo eb' yajal, eb' juez, eb' gobernador, yet' eb' yajl cotnc 'a Persia, 'a Erec, 'a Babilonia, yet' 'a Susa 'a yol yic Elam, yet' 'a jun tzo'n̈ xo nacion̈, atn eb' 'ix 'ijx 'elt 'a yol schon̈b' yuj win Asnapar jun winc to niwn yel'chi, 'ix 'ijx 'at eb' yuj 'a chon̈b' Samaria, yet' 'a jun tzo'n̈ xo chon̈b' 'a sc'axpil 'e't sti a Éufrates. Tzcaln at 'aych mamin rey Artajerjes: An̈ a checb' on̈ tic on̈, cajn on̈ 'a sc'axpil 'e't sti a Éufrates, tic tzca't stzatzl a c'ojol:

A Ch'an̈ Schab'il Libro Yic Yab'ixal Eb' Rey 18:18

Yajn̈j cha 'ix yawtn eb' win rey. Ax Eliaquim yunnal Hilcías, smayltomail sdespacho winac, yet' Sebna tz'ib'n 'ab'ix, yet' Joa yunnal Asaf, yajtz'ib' win rey, atn eb' tic 'ix wul chanc eb'.

A Ch'an̈ Schab'l Libro Samuel 20:25

A Seva, 'ajtz'ib' yajch 'a win rey cha, ax Sadoc yet' pax Abiatar, ya'mal 'och sti eb' 'anma yaj eb'.

A Ch'an̈ Schab'l Libro Samuel 8:17

Sadoc win yunnal Ahitob, yet' Ahimelec win yunnal Abiatar, sat ya'mal 'och sti eb' 'anma 'a Dios yaj eb'; Seraía, 'ajtz'ib' yajch 'a win rey cha.

Esdras 4:7

Ax 'a yol stiempoal Artajerjes, sreyl Persia, ata 'ix tz'ib'x 'at jun ch'an̈ carta yuj Bislam, Mitrídates, Tabeel, yet' jun tzo'n̈ xo eb' yitb'eym eb'. A ch'an̈ carta cha, tz'ib'b'il ch'an̈ 'a sti eb' arameo.

Esdras 4:17

Xlajw cha, xya'n 'at win rey chi spac spaxti eb' cha, xyaln win 'ixtic: Ach comandante Rehum yet' ach 'ajtz'ib' Simsai, yet' pax jun tzo'n̈ xo eb' eyitb'eym cajn 'a Samaria, yet' jun tzo'n̈ xo chon̈b' 'a sc'axpil 'ec' a cha, tzwac' stzatzl e c'ojol, junc'ojlal cab' eyaji.