Esdras 3:1 - Chuj San Sebastian Bible

¹ 'Ix sb'on pax 'ejm sb'a eb' israel 'a yol schon̈b' jun 'ejm xo, ax 'a yic xtz'acw yucl 'uj, 'ix syamn sb'a smasnil eb' chon̈b' 'a Jerusalén.

Chuj San Mateo Bible

¹ Toxo ix laj ajxi cajan eb' israel d'a schon̈ab'cani, axo yic ix javi jun yuquil uj, ix smolb'an sb'a eb' masanil d'a Jerusalén.

Esdras 3:1 Referans Kwoze

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

Lv 23:24

Al jun tzo'n̈ tic 'a eb' et israelal to an tzwal 'ixtic: A 'a b'ab'l c'u yic yucl 'uj, ata tzex 'ilji. Tzeyamn e b'a yic tzex 'och 'emmquilal 'ayin. Tzeyutz'n q'uen trompeta yic tzin e nan coti.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

Sofonías 3:9

A yic 'oj jawc jun c'ul cha, cojxn wach' paxti 'oj wac' yal eb' 'anma smasnil, sec smasnil chon̈b' 'oj yal sb'a eb' 'ayin, junxn̈ej 'oj yutc eb' in ya'n servil.

Nehemías 8:14

X'ilchj 'a yojl ch'an̈ un̈ yic ley 'ac'b'il yuj Jehová 'a Moisés, to a 'a yucl 'uj, tz'och eb' israel 'a yol chinama yic tznan eb' q'uin̈ chinama cha.

Nehemías 7:73

A eb' ya'mal 'och sti eb' 'anma 'a Dios, eb' levita, eb' tan̈m puerta, eb' tzb'itni yet' eb' 'anma 'ay 'a chon̈b' cha, eb' ya'mal servil yatut Dios yet' smasnil eb' israel, 'ix sb'on pax 'ejm sb'a eb' 'a yol schon̈ab'. A yic 'ix 'el yich yic yucl 'uj, tox 'ix tz'acw c'och eb' quit israelal 'a slugar.

Jueces 20:1

Yuj cha, 'ix syamn sb'a eb' israel 'a yojltac Jehová 'a Mizpa. 'Ix cot eb' 'a smasnil yol yic Israel, a chon̈b' Dan 'ay a stojlal norte masnto 'a Beerseb'a 'ay 'a stojlal sur yet' 'a Galaad 'a stojlal 'a 'aj tzq'uel c'u. Junxn̈ej xyutj sb'a eb'.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Nehemías 8:1

'Ix syamn sb'a smasnil eb' chon̈b' 'a plas; junn̈j xyutj sb'a eb' 'a sti puerta 'aj tz'elt eb' 'ix 'ix cuchj a'. 'Ix alx 'a win cuywjum Esdras, to tzyij cot win ch'an̈ libro yic ley Moisés, atn jun ley ya'jnac Jehová 'a chon̈b' Israel.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.