Esdras 2:70 - Chuj San Sebastian Bible

⁷⁰ A eb' ya'mal 'och sti eb' 'anma 'a Dios yet' eb' levita, yet' pax eb' chon̈ab', 'ix can cajn eb' 'a Jerusalén, yet' eb' tzb'itni, eb' tan̈m puerta, yet' pax eb' tz'a'n cuenta yatut Dios. Ax smasnil eb' yit israelal eb', 'ix japx can cajn junjn eb' 'a 'aj 'aycn schon̈ab'.

Chuj San Mateo Bible

⁷⁰ A eb' sacerdote, eb' levita sb'itani, eb' tan̈vum puerta yed' eb' smunlaj d'a templo yed' juntzan̈xo eb' chon̈ab', ix cajnajcan eb' d'a Jerusalén chi'. Axo masanil eb' yetisraelal eb' chi', ix b'at cajnajxican junjun eb' b'aj ec'nac eb' smam yicham eb' d'a peca'.

Esdras 2:70 Referans Kwoze

Nehemías 7:73

A eb' ya'mal 'och sti eb' 'anma 'a Dios, eb' levita, eb' tan̈m puerta, eb' tzb'itni yet' eb' 'anma 'ay 'a chon̈b' cha, eb' ya'mal servil yatut Dios yet' smasnil eb' israel, 'ix sb'on pax 'ejm sb'a eb' 'a yol schon̈ab'. A yic 'ix 'el yich yic yucl 'uj, tox 'ix tz'acw c'och eb' quit israelal 'a slugar.

1 Cr 11:2

A 'a yic yaln̈taxi, wach'xam 'aych Saúl reyal, palta ach on̈ a jucb'tzej an̈ israel on̈ tic, yic qui 'atc 'a owal. An̈jtona', 'ix yaln pax Jehová qui Diosalec 'ayach, to ach 'oj on̈ a jucb'tzoc, ax a'n pax reyl 'a quib'n̈ an̈ israel on̈ec tic, xchi eb' 'a 'a.

1 Cr 9:2

A eb' israel b'ab'l meltzjnac cot pax 'a slu'um yet' 'a schon̈ab', atn eb' ya'mal 'och sti eb' 'anma', eb' ya'mal servil yatut Dios, yet' jun c'aj xo eb' levita.

A Ch'an̈ Schab'il Libro Yic Yab'ixal Eb' Rey 7:10

Xlajw cha, 'ix 'at eb'. Ax yic xc'och eb', 'ix 'awj eb' 'a eb' tztan̈wni spuertail chon̈ab', 'ix yaln eb' 'ixtic: —An̈ tic on̈, on̈ xit'c 'a scamplamento eb' sirio on̈. Man̈x 'a junc mach 'ayq'ui, man̈x 'a junc mach tzcab' spaxtini. Cojxn̈ej no chej, no b'uru pixn cani, ax scamplamento eb', yajn̈j yaj 'icha xon yaj sb'on chan̈ eb', xchi eb'.

Esdras 2:1

Atn sb'isl eb' 'aj Judá 'ijxnac 'at 'icha presoal 'a Babilonia yuj rey Nabucodonosor. A yic 'ix lajw stiempoal yajc' eb' 'a jun lugar cha, 'ix meltzj eb' 'a Jerusalén, yet' 'a jun tzo'n̈ xo lugar 'a yol yic Judá. Junjn eb', xlaj c'ochx can eb' 'a 'aj 'aycn schon̈ab'. Ax eb' xjucb'tzan eb': Atn Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum yet' Baana.