Esdras 1:11 - Chuj San Sebastian Bible

¹¹ A sb'isl jun tzo'n̈ yamc'ab' oro yet' plata 'ay 5,400 'a smasnil. Smasnil jun tzo'n̈ tic, 'ix yij pax meltzjoc Sesbasar yic 'ix 'elt 'a Babilonia yet' eb' ajun yet'oc, 'ix c'ochx eb' 'a Jerusalén.

Chuj San Mateo Bible

¹¹ A sb'isul juntzan̈ tas nab'a oro yed' nab'a plata d'a smasanil, 5 mil 400. Masanil juntzan̈ chi' ix yic' meltzaj vin̈aj Sesbasar yed' juntzan̈xo eb' ayic ix paxta eb' d'a Babilonia chi', ix jaxcan eb' d'a Jerusalén.

Esdras 1:11 Referans Kwoze

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

Esdras 1:10

ax 30 cotc vaso nab'a oro, 410 jun tzo'n̈ xo comn vaso b'ob'il yet' plata, yet' jun tzo'n̈ xo yamc'ab', tecn am 'ay junc mil.

Esdras 2:1

Atn sb'isl eb' 'aj Judá 'ijxnac 'at 'icha presoal 'a Babilonia yuj rey Nabucodonosor. A yic 'ix lajw stiempoal yajc' eb' 'a jun lugar cha, 'ix meltzj eb' 'a Jerusalén, yet' 'a jun tzo'n̈ xo lugar 'a yol yic Judá. Junjn eb', xlaj c'ochx can eb' 'a 'aj 'aycn schon̈ab'. Ax eb' xjucb'tzan eb': Atn Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum yet' Baana.

Esdras 4:1

'Ix yab'n sb'a eb' 'ajc'ojl yajch 'a eb' paxncta 'a Babilonia, atn eb' yin̈tl Judá yet' eb' yic Benjamín, to wan xo sb'on pax eb' yatut Jehová sDiosal Israel.

Esdras 6:19

An̈jtona pax eb' paxncta 'a Babilonia cha, sna eb' q'uin̈ yic yelt eb' smam yichm eb' chi 'a libre 'a Egipto, 'a yic chan̈lajn̈e yoch b'ab'l 'uj.

Salmos 85:1

Mamin Jehová, yel xo wal wach' a nab'en 'a quib'n̈ an̈ a chon̈b' on̈ tic, yuj cha, 'ix a'n meltzjoc qui tzaljc'ojlal an̈ yin̈tl on̈ Jacob tic jun 'ejm xo.

A Ch'an̈ Schab'il Libro Yic Yab'ixal Eb' Rey 25:15

'Ix yi'n pax 'at eb' jun tzo'n̈ yet'l stzac'ac' yet' jun tzo'n̈ niwc vaso, yet' jun tzo'n̈ xo yamc'ab' to nab'a oro, mto nab'a plata.

Salmos 126:1

A yic sjeln Jehová snab'en 'a yib'n̈ Sión yuj tas 'aych 'a yib'an̈, 'icha ton̈j on̈ waychniec xquila.

Jeremías 27:21

Yuj cha, 'ix yaln Jehová 'ixtic: 'Ab'c tas tzwal an Jehová in tztac' wuj smasnil, sDiosal in Israel, an tzwal yuj jun tzo'n̈ yamc'ab' xcan to 'a watut cha, yet' pax jun tzo'n̈ xcan 'a sdespacho win sreyl Judá yet' 'a Jerusalén.