Ef 6:5 - Chuj San Sebastian Bible

⁵ Ax xo moso eyaji, tzeyiclj tas tzyal e patron̈ 'a yolyib'n̈q'uinl tic. 'Ay cab' yel'ch eb' 'a e sat, tzex xiw 'a eb'. Yelc'ojlal tzex munlj 'a eb', 'icha cab' to wan e munlj 'a Cristo.

Chuj San Mateo Bible

⁵ A exxo checab' eyaji, tze c'anab'ajej tas syal e patrón. Ayocab' yelc'och eb' d'a e sat, tzex xiv d'a eb'. D'a smasanil e c'ool tzex munlaj d'a eb', yujto ichato a d'a Cristo van e munlaji.

Ef 6:5 Referans Kwoze

Ef 5:22

Ax 'istlab'il ex, yiclum tzeyutj e b'a 'a eyichmil, 'icha tzeyutj e b'a 'a Cajlil.

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

A Sb'ab'el Carta San Pedro 3:2

Yujto 'oj yil eb', caw tojl tzeyutj e b'eyb'al, caw 'ay yel'ch Dios 'a e sat.

Filemón 1:16

Man̈x mosoocn̈ej yaj win 'aych ticnec. Yel xo niwn yopiso ticnec, yujto cu'tac xo, caw chamc'ojlb'il wu'uj. Ach xo, yel xo wal caw tza chamc'ojlej, yic 'oj c'och win 'ayach. Man̈ yujocn̈ej to quit 'anma'il tza chamc'ojlani, palta yujto yic xo Cajlil quet'oc.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

Salmos 86:11

Mamin Jehová ch'ox wal a b'e 'ayin, sec yiclum tzin 'aj 'ayach. 'Ac' in te'nal, sec nab'ilchn̈ej wu'uj.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

1 Co 7:22

Yujto 'ay eb' 'aych mosoal 'a junc mach, tzyawtn 'och Cajlilec eb' yico'oc. Wach'xam man̈toc libre tz'aj 'elt eb' 'a yol sc'ab' win 'aj tzmunlj cha, palta libre tz'ijx 'elt eb' 'a yol sc'ab' maysch'olnil yuj Cajlilec. 'Ay pax eb' yic xon sb'a, tzyawtj 'och yico'oc. Palta ax ticnec, 'aych eb' ya'malc servil Cristo.

Mt 8:9

Yujto an tic, 'ay eb' wajlil tzin 'a'n mandar, an̈jtona', 'ay pax eb' soldado tzwac' mandar. Toto 'ay mach 'aj tzwala, to tz'ati, tz'atn̈ej. Toto 'ay pax mach 'aj tzwala, to tzcoti, tzcotn̈ej. An̈jtona', toto 'ay tas tzwac' sb'o junc in moso, tzb'on̈ej, xchi winac.

Mt 6:24

May junc mach tztac' ya'n servil chawn̈oc spatron̈, yujto 'ay jun 'aj 'oj chichnc 'ochi, ax jun 'oj schamc'ojloc, mto 'ay junc 'aj 'oj ya'ch snab'en, ax junc may yel'ch 'a sat. Yuj cha, matz tac' ca'nec servil Dios, tzca'nec pax 'och qui nab'en 'a q'uen tumin.

Gn 16:9

Yuj cha, 'ix yaln jun yángel Jehová chi 'ixtc 'a 'ix: —Meltzjan̈ 'a 'ix a patron̈ cha, yiclum tzotj a b'a 'a 'ix, xchi.

Ef 6:24

Jantcn̈ej eb' tzchamc'ojlan Cajlil Jesucristo 'a smasnil tiempo, 'ay cab' swach'c'ojlal Dios 'a eb'. [Ya' cab'i'.]

Salmos 123:2

Tzon̈ 'och wal q'ueln 'aych Mamin, 'icha wal yiln 'och junc win moso spatron̈, mto 'icha yiln 'och 'ix ya'mal servil junc mach 'aj tz'a'w servil, 'ixta qui tan̈wni yo'ch a c'ojl 'ayn̈ on̈.

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

Josué 24:14

—Ax ticnec jun, 'ay cab' e xiwc'ojlal 'a Jehová yuj smasnil jun tzo'n̈ tic. 'A'c servil yet' wal smasnil e c'ojol. 'Ijec 'el jun tzo'n̈ comn dios 'a e cal, atn jun tzo'n̈ ya'jnac servil eb' qui mam quichmec, jun tzo'n̈ 'ayc' 'a sc'axpil 'ec' a Eufrates, yet' 'a Egipto. Cojn cab' Jehová tzeyac' servil.

2 Co 7:15

A Tito tic, caw niwn schamc'ojlal 'ayx ticnec, yujto tzna coti, chajtl eyutjnac eyiclni tas xyal 'ayex. Tznan cot paxi, to caw 'emmquilal eyutj e b'a yic e chan sc'och ta', xiwc'ojlal eyutjnac e b'a.

1 Co 2:3

A yic wec' ta', may wel'ch 'a sat junc 'anma'. 'Ib'xnacn yuj xiwlal.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

Mt 6:22

A yol qui satec, lajn 'icha junc cantil, 'ixta yaj 'a qui niwnalec. Yuj cha, toto an̈j 'a tas wach' 'aj 'aych qui satec, sacq'uinl cajc tzyal cha, caw wach'n̈j tzcutjec qui b'a yet' qui niwnal.

Ro 9:3

Q'uinloc to tztac' in c'ann cot yowl sc'ojl Cristo 'a wib'n̈ ticnec, yic tzin 'el 'a yol sc'ab', sec tzcolchj 'el eb' wit chon̈b' cha. Q'uinloc 'ixta', tzyal in c'ojl wa'n in b'a yuj eb'.