Ef 6:23 - Chuj San Sebastian Bible

²³ Ex wu'tac, ex wanab', ya' cab' qui Mam Dios yet' Cajlil Jesucristo, sjunc'ojlal yet' schamc'ojlal 'ayex. Tzin nib'j tzyac' pax e wach' 'a'c 'och e c'ojl 'a 'a.

Chuj San Mateo Bible

²³ Yac'ocab' sjunc'olal co Mam Dios yed' Cajal Jesucristo d'ayex ta', tze xajanan e b'a. In gana tze vach' aq'uejoch Dios chi' d'a e c'ool.

Ef 6:23 Referans Kwoze

Gl 6:16

Jantc eb' tzb'eylb'an jun tzo'n̈ cuynb'il tic, atn eb' yel israel 'a sat Dios, yujto schon̈b' yaj eb'. Ya' cab' Dios sjunc'ojlal 'a eb', tz'o'ch pax sc'ojl 'a eb'.

A Sb'ab'el Carta San Pedro 5:14

A yic tzlaj e chanc e b'a, tzlaj eya'lac stzatzl e c'ojol, yuj e ch'oxn 'eli, to 'ay e chamc'ojlal. Ax xo e masnil ex yic xo Jesucristo, ya' cab' Dios sjunc'ojlal 'ayex. [Ya' cab'i'.]

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

1 Ti 1:14

Caw niwn swach'c'ojlal Cajlil sch'ox 'ayin. Ya'jnac wa'ch in c'ojl 'a 'a, ya'jnac pax in chamc'ojlal, 'icha tzyutj ya'n 'ayn̈ junjn on̈, yujto junxn̈ej caj yet' Cristo Jesús.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

1 Ti 1:3

Caw tzin nib'j tzach wach' can 'a chon̈b' Éfeso cha, 'icha wutj in tew 'ayach, yic in 'at 'a Macedonia. Yujto tzin nib'ej, tzcham wal aln 'a eb' tzcuywj 'a jun tzo'n̈ chuc cuynb'ilal, to caw yowlal tzyactj eb' yalni.

2 Ts 3:16

A Cajlilec 'a'm junc'ojlal. Tzin nib'ej, c'uxn tzyac' sjunc'ojlal 'ayx 'a smasnil tiempo. 'Och cab' eyet' e masnil ta'.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.

1 Ts 5:8

Palta an̈ec tic, yic on̈c xo c'ual. Yuj cha, caw te'n tzcutjec qui nab'en. Yowlal tzqui wach' 'a'jec 'och Cristo 'a qui c'ojol. An̈jtona', 'ay cab' pax qui chamc'ojlalec. Toto 'ixta', lajn on̈c 'icha eb' soldado tzcol sb'a yet' sq'uen pichl 'aych 'a sn̈i sc'ojol. Yowlal tzca'c 'och yipc qui c'ojol, to colchjnacn̈ec. Toto 'ixta', lajn on̈c 'icha eb' soldado c'oxb'il sq'uen xumpiln yu'uj. 'Ixta tzcutjec qui coln qui b'a.

1 Co 1:3

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

A Ch'an̈ B'ab'el Libro Samuel 25:6

Tzeyal 'a win 'ixtic: Junc'ojlal cab' aji, yet' smasnil onnal yet' pax smasnil tastc 'ay 'ayach.

Gn 43:23

Xyaln win mayltoma chi 'ixtic: —Man̈ ex 'och 'il yuj jun cha, man̈ ex xiwoc. A e Diosal yet' e mam, a x'a'n 'ejm q'uen 'a yol sti e coxtl chi jun 'ejm xo. An xin chaj q'uen e tumn xeyac' stojloc 'ixm e trigo xeyij cha, xchi win 'a ewinac. Xlajw cha, xyi'n 'elt win mayltoma win Simeón 'a preso, x'el-l win 'a 'aj 'ayc' eb' 'u'tacab'il cha.

1 Ti 5:8

Toto 'ay eb' creyente matz colwj 'a smam snun, 'a smam yu'tac, yet' 'a eb' 'ay 'a yol yatut, may jac yel'ch scuynb'il Cristo 'a eb'. 'Ec'b'al xo stul eb' 'a yib'n̈ eb' man̈ creyenteoc xoni.

Ro 15:33

A Dios 'a'm junc'ojlal, tzin nib'ej a tz'och eyet' e masnil ta'. 'Ixta cab' tz'aji.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

Ef 6:24

Jantcn̈ej eb' tzchamc'ojlan Cajlil Jesucristo 'a smasnil tiempo, 'ay cab' swach'c'ojlal Dios 'a eb'. [Ya' cab'i'.]

3 Jn 1:14

Yujto tzin na'a, toq'ue 'oj stac' in 'at ach wila'. Atta 'oj in wach' alc can jun tzo'n̈ xo tas 'ayach.