Ef 6:19 - Chuj San Sebastian Bible

¹⁹ Tzex leslwi pax wu'uj, sec 'oj yac' Dios nachjoc 'el wu'uj, tas 'oj wala', sec an̈ja te'n 'oj wutc waln 'el wach' 'ab'ix, atn jun ch'oxb'il yuj Dios 'ayn̈ec.

Chuj San Mateo Bible

¹⁹ Tzex lesalvi pax vuuj, yic ol yac'pax Dios nachajel vuuj tas ol vala', sec yuj chi' an̈eja' tec'an ol vutoc in b'a valanel vach' ab'ix, aton jun ch'oxb'il yuj Dios d'ayon̈.

Ef 6:19 Referans Kwoze

A Scarta San Pablo D'a Eb' Aj Colosas 4:3

An̈jtona', tzex leslwi pax cuj on̈, sec 'oj 'och Cajlilec quet' on̈, sec 'oj stac' caln 'el spaxti 'on̈, yet' yab'xil Cristo, atn jun 'ac'b'il cojcoquec 'eli. Ax ticnec, yuj waln 'el yab'xil tic, preso waji.

A Tas Sc'ulejnac Eb' Schecab' Jesús Hechos 4:29

Al ticnec Mamin, 'ilt wal eb' tic, caw tzcot yowl eb' 'ayn̈ on̈. Yuj cha, 'ac' qui te'nal on̈, sec matz on̈ xiw caln 'el a paxti on̈, yujto a checb' caj on̈.

2 Ts 3:1

A ticnec, ex wu'tac, ex wanab', caw tzex leslwi cuj on̈, sec 'oj pucl spaxti Cajlilec 'a scal eb' 'anma smasnil muc'uc. Ax schan eb' 'a smasnil sc'ojol, 'icha eyutjnac e chani.

1 Ts 5:25

Ex wu'tac, ex wanab', caw tzex leslwi cuj ta 'on̈.

A Ch'an̈ Carta D'a Eb' Hebreo 13:18

Leslwan̈c cuj on̈, yujto tzqui na'a, to wach' tzcutj qui nab'en on̈. Tzqui nib'j on̈, caw wach' tzcutj qui b'eyb'al 'a smasnil tiempo on̈.

A Tas Sc'ulejnac Eb' Schecab' Jesús Hechos 4:31

Yic 'ix lajw sleslwi eb', ax jun n̈a 'aj 'ayc' eb' cha, caw 'ix tzicb'tan̈x yuj Dios. 'Ix wach' 'och Yespíritu 'a junjn eb'. Yuj cha, caw te'n xyutj sb'a eb' yaln 'el spaxti Dios.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

2 Co 8:7

Til wal wach'l tze b'o'o, caw tzeya'ch 'a e c'ojol, caw cuywjum ex, jeln ex xo, yelc'ojlal tzeyutj e b'on junc tas, tzon̈ e chamc'ojlan pax on̈. Yuj cha, comnoc tze ch'ox pax e wach'l eya'n eyofrenda.

Ef 1:9

'Ay wal jun tas snajnac can Dios, to tzb'o 'a yolyib'n̈q'uinl tic 'icha tznib'ej. May xon mach 'ojtnac jun tic 'a pecti'. Palta ticnec, a tz'a'n cojcoquec 'el tas tznib'j tzb'o cha.

1 Co 4:1

Yuj cha, yel xo wach' man̈oc 'ayn̈ tzeya'ch e nab'en on̈. Yujto ton̈j ya'mal servil Cristo caj on̈. A copiso on̈, to tzcac' cuyxoc jun tzo'n̈ cuynb'il yic Dios on̈, atn jun tzo'n̈ ch'oxb'il yuj 'ayn̈ec.

A Tas Sc'ulejnac Eb' Schecab' Jesús Hechos 28:31

Caw te'n xyutj sb'a yaln 'eli, tas tz'aj eb' 'anma yoch 'a yol sc'ab' Dios, 'ix yaln 'el jun tzo'n̈ cuynb'il yic Cajlil Jesucristo, toxn may mach xtenn 'och wa'an.

A Tas Sc'ulejnac Eb' Schecab' Jesús Hechos 19:8

'Oxe 'uj xit' yal-l Pablo spaxti Dios 'a yol scapiya eb' yit israelal. Caw te'n xyutj sb'a yaln 'el 'a eb'. 'Ix ya'lj ya'n nachjc 'el yuj eb', tas tzyutj eb' yoch 'a yol sc'ab' Dios.

A Tas Sc'ulejnac Eb' Schecab' Jesús Hechos 13:46

Yuj cha, 'ix ste'wtzan sb'a Pablo chi yet' Bernabé. 'Ix yaln eb' 'ixtic: —Yowlal a 'ayx quit israelal tzqui b'ab'l alj 'el spaxti Dios on̈. Palta 'in matz e nib'j tzeya'ch e c'ojl 'a 'a. Am tze na'a, to man̈ smojc tze chaj e q'uinl 'a jun 'ejmn̈ej. Yuj cha, a ticnec, 'oj cal-l jun 'ab'x tic 'a eb' man̈ israeloc on̈.

Filemón 1:22

Yet' pax junx tic tzwalb't 'ayach, tzac' lista jac in posada ta'. Toq'ue 'oj 'el 'a sc'ojl Dios 'oj in ya't 'ayx ta', 'icha tzeyutj e leslwi.

A Scarta San Pablo D'a Eb' Aj Colosas 2:2

Tzin nib'ej, caw tz'ajx ste'nal e nab'en yet' eb', junxn̈ej tzlaj eyutc e chamc'ojlan e b'a e masnil. Tzin nib'j tzex jelnb'i 'a yic Dios, sec 'oj e wach' te'nb'i. Toto 'ixta', 'oj wach' nachjc 'el eyu'uj, tas yaj jun man̈ 'ojcab'ilc 'a yic pecti', atn Cristo. Ax ticnec, a Dios tz'a'n cojcoquec 'eli.

2 Co 3:12

Yujto tzca'c 'och jun tic yipc qui c'ojol, yuj cha, caw matz on̈ xiwc caln 'eli.

1 Co 1:5

Man̈ jantcoc swach'c'ojlal Dios tzyac' 'ayex, yujto junxn̈ej tzex 'aj yet' Cristo. Yuj cha, c'uxn xyac' nachjc 'el eyu'uj, 'aj 'ay tas yel. An̈jtona', c'uxn xyac' eyal-l pax jun tzo'n̈ cha.

A Tas Sc'ulejnac Eb' Schecab' Jesús Hechos 14:3

Ax Pablo yet' Bernabé, niwn tiempo 'ix 'ochcn wan eb' 'a jun chon̈b' cha. Caw te'n xyutj sb'a eb' yaln 'eli, yujto xya'ch eb' Cajlil yipc sc'ojol. Yic xyaln 'el eb' yab'xil schamc'ojlal Cajlil, a x'och yet' eb', sec tzcheclj 'eli, to yel tzyal eb'. 'Ix ya'n spoder 'a eb', sec tztac' sch'oxn eb' jun tzo'n̈ milagro.

A Tas Sc'ulejnac Eb' Schecab' Jesús Hechos 9:27

Palta ax Bernabé 'ix 'i'n 'at Saulo chi 'a eb' schecb' Jesús, 'ix yaln 'a eb' 'ixtic: —'Ix yil Saulo tic Cajlil 'a yol b'e. 'Ix paxtin yet'oc. Yuj cha, caw 'ix ste'wtzej sb'a yaln 'el yab'xil Jesús 'a chon̈b' Damasco, xchi Bernabé 'a eb'.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

2 Co 7:4

Caw tzex wa'ch yipc in c'ojol, tzex waln wach'il. Wach'xam niwn tas tz'ajx 'och 'a quib'n̈ on̈, palta caw tz'ajx sniwnal in c'ojol. Caw tzin tzalj si'mb'il.

2 Co 1:11

Caw tzex colwj quet' 'a lesl on̈. Toto niwn ex 'oj e leslwi cuj on̈, an̈jtona', niwn ex 'oj eyac' yuj diosal 'a Dios yuj swach'c'ojlal 'oj yac' 'ayn̈ on̈.

1 Co 2:7

Palta a jun jelnal tzwal-l tic, atn sjelnal Dios. A jun jelnal tic, matz nachj xon 'el yuj eb' 'anma', yujto c'ub'b'il 'el 'a eb'. A Dios najnac can jun tic, yic mantzac sb'o yolyib'n̈q'uinl tic, sec wach' 'oj qui c'ochc 'a 'aj 'ay swach'il.

Ro 15:30

Ex wu'tac, ex wanab', a Yespíritu Dios, a tz'a'n qui chamc'ojloquec qui b'a. Yu'uj, tzin tew 'at 'ayex, caw tzeyac' eyip eyoch wet' 'a lesal. Caw tzex leslwi 'a Dios wu'uj, yujto 'ixta tznib'j Cajlil Jesucristo.

A Tas Sc'ulejnac Eb' Schecab' Jesús Hechos 18:26

Ax 'a jun 'el, x'at yalnc 'el spaxti Dios 'a yol scapiya eb' yit israelal. Caw te'n xyutj sb'a yaln 'eli. Palta yic 'ix yab'n Priscila yet' Aquila, 'ix yi'n 'at eb' yet' sch'ocoj. 'Ix swach' cuyn eb' 'a scuynb'il Dios.

A Tas Sc'ulejnac Eb' Schecab' Jesús Hechos 4:13

Ax 'ix yiln ewin yajl cha, chajtlto caw te'n xyutj sb'a Pedro yaln yet' Juan. 'Ix yiln pax ewinac, to may 'aj cuywnac eb', comn 'anma eb'. Yuj cha, caw sat sc'ojl ewinac. 'Ix nachj 'el yuj ewinac, chajtlto jun 'e'nc eb' yet' Jesús.

A Tas Sc'ulejnac Eb' Schecab' Jesús Hechos 2:4

Caw x'ochcn Yespíritu Dios 'a junjn eb'. 'Ix syamn 'och eb' spaxtin 'a jun tzo'n̈ chucchc ti'al, a tzyal tas 'ix 'ajx yal eb' yuj Yespíritu Dios cha.

A Tas Sc'ulejnac Eb' Schecab' Jesús Hechos 9:29

Caw 'ix ste'wtzej sb'a yaln 'el yab'xil Cajlil. 'Ix stej sb'a yet' eb' yit israelal griego sti'. Palta 'ix smol alj eb', chajtl tzyutj eb' smiln chamoc.

Ro 16:25

A ticnec, calc wach' paxti 'a Dios, yujto a tztac' ya'n qui te'nalec 'a smasnil tiempo. 'Ixta tzyal jun wach' 'ab'x tzwalcn 'eli, atn yab'xil Jesucristo. Yictax mantzac sb'o Dios yolyib'n̈q'uinl tic, molb'il xon yab'xil Cristo yu'uj.

2 Co 6:11

Ax xo ex 'aj Corinto, c'uxn xcalb't qui nab'en 'ayx on̈. Smasnil tas 'ay 'a qui pixn on̈, c'uxn xcalb't 'ayx on̈.

Ef 3:9

A Dios b'ojnac smasnil tas. Palta a yic mantzac sb'o'o, snajnac cani, chajtl 'oj yutc ya'n qui colnb'ilec. Yictax pecti', mant 'ic 'ajx 'ojcaxc 'el wal jun tic. Palta a ticnec, ya'jnac wopiso wa'n 'ojcaxc 'eli.