Ef 5:18 - Chuj San Sebastian Bible

¹⁸ Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

Chuj San Mateo Bible

¹⁸ Man̈ ex och uc'uman̈il, yujto tz'ixtaxel co pensar yuj an̈. Más vach' a Yespíritu Dios tze vach' chaejoch yac' yajalil d'ayex.

Ef 5:18 Referans Kwoze

Pr 20:1

A eb' tz'u'w 'an̈, tzlaj b'ajwj eb', tzq'ue somnjoc eb' ya'n owal, a mach 'ay snab'en, matz ya't sb'a 'a scal 'u'l 'an̈ cha.

Ro 13:13

'Icha eb' wach' tzyutj sb'a 'a c'ual, 'ixta tzcutjec qui b'a. Tojl tzcutjec qui b'eyb'al yil eb' 'anma'. Caw matz tac' cu'nec 'an̈, mto tzon̈ b'uyljiec. Matz tac' qui b'onec 'ajmulal, yet' junc xo tzann̈j maysch'olnil yet' qui niwnalec. Man̈ ca'c owl yet' junc xo mach. Matz tac' qui chichnec pax 'och 'a junc mach yuj tastc 'ay 'a 'a.

Lc 1:15

Caw niwn 'oj 'aj 'el'ch 'a sat Dios. May xon 'aj 'oj yuc' yal uva. May 'aj 'oj yuc' pax 'an̈. A yic 'oj 'aljoc, ax yochcn Yespíritu Dios 'a 'a.

Is 5:22

'Oltac wal eb' cob' jeln yu'n 'an̈, to caw 'ay snab'en eb' yalni. Yuj cha, tzlaj cob' ya'nc eb' scalc sb'a te 'an̈ cha.

1 Co 5:11

Palta a jun waljnacx 'at 'ayex, tzyal 'el'chi, toto 'ay eb' tzalni, to creyente eb', palta maysch'olnil sb'eyb'al eb', man̈xtzac stac' jun tzon̈ 'e'c yet' eb'. Atn eb' tic tzwala: Eb' 'ajmul, eb' tznib'n 'och tas 'ay 'a junc xo mach, eb' tzyal sb'a 'a jun tzo'n̈ tzalx 'och diosal, eb' b'ajwjum, eb' 'u'm 'an̈, yet' pax eb' 'elc'um. A eb' 'ixta sb'eyb'al cha, toto tzyal eb', to creyente eb', wach'xam ton̈j tzon̈ wac jac yet' eb', caw wal matz tac'a.

A Tas Sc'ulejnac Eb' Schecab' Jesús Hechos 11:24

Yujto a Bernabé cha, caw wach' snab'en, caw 'aych Yespíritu Dios 'a 'a. Caw tzya'ch wal sc'ojl 'a Cristo. Yuj cha, til wal eb' 'aj chon̈b' chi xya'ch sc'ojl 'a Cajlil yu'uj.

1 Ts 5:7

A eb' 'anma cha, 'icha to waync eb'. 'Icha to 'u'm 'an̈ eb', yujto yic 'ac'wl yaj eb', q'uic'q'uinl to yaj spixn eb'.

Lc 12:45

Palta q'uinloc tzna jun moso cha, to mant 'oj jawc spatron̈ cha. Yuj cha, tzyamn 'och sma'n eb' yit mosoal, yet' eb' yit munljumal cha. Ton̈j tzya'ch snab'en swa'i, tz'och pax 'u'm 'an̈il.

Lc 11:13

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' a eb' eyunnal. Ax qui Mamc 'ayc' 'a satcha'an̈, yel xo wal 'oj yac' Yespíritu 'a eb' tzc'ann 'a 'a, xchi Jesús 'a eb'.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

Tito 1:6

Tic 'oj walb't 'ayach, tas yowlal tzb'eylb'ej eb' tz'och ancianoal cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Ax yunnal eb', yowlal creyente cab' eb' smasnil, man̈ comnoc tzb'o eb' 'unnab'il chi maysch'olnil, man̈ tenmtacc tzyutj sb'a eb', yiclum cab' tzyutj sb'a eb' 'a smam snun cha.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

Is 55:1

Xyaln pax Dios 'ixtic: E masnil ax 'ay e tacn̈ti'al, cotn̈ec wul 'u'jec a', ax may e tumin cotn̈ec 'a tic, wul chajec tas tze c'ux 'a nab'an̈ej, wul chajec yal uva yet' lech tzeyuq'uej, may stojl tzc'anx 'ayex.

Dt 21:20

Tzyaln cab' eb' 'ixtic: A jun cunnal tic on̈, caw maysch'olnil snab'en, caw tu tas tzb'o'o, matz on̈ syiclj xon jac on̈, caw juwnacx 'el snab'en, 'u'm 'an̈ paxi, xchi eb'.

1 Co 11:21

Yujto a yic wan sc'och yorail jun cena cha, ton̈j tze comn yamj 'och e wan eyic junjn ex muc'uc. Yuj cha, 'ayx matz e chaj eyico', tz'och e wejel. 'Ayx pax caw tzex 'och 'u'm 'an̈il yu'uj.

Cantares 1:4

'Ij in 'at 'a atut ach rey, c'olep, con̈ muc'uc, xchi 'ix. Caw 'oj cac' tzaljoc qui c'ojl et'oc; 'oj qui na cot a chamc'ojlal cha, yujto 'ec'b'al swach'l 'a yib'n̈ te yal uva. 'Into yuj cha, tzach snib'n eb' 'ix 'ix tic, xchi eb'.

Gn 9:21

'Ay jun c'ual, 'ix yu'n win yalil te uva cha, xq'ue te 'a sjolm winac, 'ix sat sc'ojl win yu'uj. Xyi'n 'el win spichul, 'ix 'e'cn t'ocn win 'a yol smantiado.

Mt 23:25

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Tzcob' e b'icl spatquil e vaso yet' spatquil eyuc'ab', palta ax 'a yojol, b'ut'n yet' jun tzo'n̈ tas tzeyelc'j yet' e maysch'olnilal.

Is 25:6

A Jehová tztac' yuj smasnil, a 'a tzaln Sión ata 'oj sb'o jun niwn wa'el. 'Oj yac' wa smasnil eb' nacion̈ ta', a jun schib'l wal cha, caw wal wach', ax ya'n yuc' eb' yal uva jawnac sti', atn jun yal uva to caw wach' yaj sb'o'i.

Salmos 69:12

An xoj tzin yalb'tan̈j eb' wocn 'ec' 'a sti spuertail chon̈ab', ax eb' 'u'm 'an̈, tzin laj sb'itnoc eb'.

Mt 24:49

Yuj cha, tzyamn 'och eb' sma'n eb' yit mosoal. Ton̈j tz'ec' eb' wac yet' eb' 'u'm 'an̈, tz'u'w 'an̈ pax eb' yet' eb'.

Cantares 7:9

A wal yol a ti', lajn wal schil 'icha yal uva man̈x jantcoc schil tzwab'i, xchi winac. Yuc' cab' ni quelm chi te yal uva, tz'och 'a sti' masnto tzc'och 'a yip ye.

Lv 10:9

A yic 'oj ocht ach tic, mto eb' onnal 'a yol Mantiado tic, man̈ eyuc' yal uva, mto junc xo tas jawnc xo sti', sec matz ex chami. A jun tic ley tz'ajcn 'a e cal 'a smasnil tiempo yet' 'a eb' eyin̈til.

Jn 2:10

'Ix yaln win 'a win 'ixtic: —A sley eb' 'anma', a jun yal uva wach', a tzyac' eb' 'u'xoc b'ab'el. Ax 'a slajub', a jun yal uva tzyal wal yu'xi, a tzyac' eb'. Palta ach tic, xa mol jun yal uva wach'. Ax ticnec wanto a'n 'elt 'u'xoc, xchi win tz'a'n cuenta cha.