Ef 4:4 - Chuj San Sebastian Bible

⁴ Yujto an̈ec tic, 'icha to junn̈j 'anmal cajec. Junn̈j Espíritu 'aych 'ayn̈ec. Junn̈j tas tzca'c 'och yipc qui c'ojol, atn jun 'aj 'awtb'iln̈ec 'ochi.

Chuj San Mateo Bible

⁴ Yujto a on̈ tic, ichato junn̈ej animail caji. Junn̈ej Espíritu ayoch d'ayon̈. Junn̈ej tas ayoch yipoc co c'ool, aton b'aj avtab'il on̈ och yuj Dios.

Ef 4:4 Referans Kwoze

Ef 2:18

Yuj cha, wach'xam israel on̈ec, wach'xam ma'ay, yuj Cristo 'ayx calnec quic caln qui b'a 'a qui Mam Dios ticnec, yujto junn̈j Yespíritu xya' cot 'ayn̈ec.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

1 Co 12:20

Cojquec, niwn tas 'ay 'a qui niwnalec tic, palta junn̈j yaji.

A Scarta San Pablo D'a Eb' Aj Colosas 1:5

'Ixta tzeyutj e b'a, yujto wan e tan̈wni jun eyic molb'il 'a satcha'an̈. Atxo 'a yic eyab'n jun wach' 'ab'x caw yel, eyamn 'och eya'n 'och jun chi yipc e c'ojol.

Ef 5:30

yujto 'icha to caw sniwnal cajec.

1 Jn 3:3

Jantcn̈ej eb' tzya'ch Cristo yipc sc'ojl yuj jun xwal tic, wan swach' tojlb'tzan eb' snab'en, sec caw wach' eb' 'icha Jesucristo.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.

A Scarta San Pablo D'a Eb' Aj Colosas 3:15

A Dios a 'awtjnacn̈ec 'och yico'oc, sec junc'ojlal tzon̈ 'ajc qui masnil, yujto junxn̈ej cajc 'a yol sc'ab' Cristo. Yuj cha, caw wach' tzlaj cutquec qui b'a 'a qui cal, sec tzyac' Cristo sjunc'ojlal 'a qui pixnec. An̈jtona', tzca'nec yuj diosal 'a 'a.

Ef 2:22

Ax xo, man̈ ex 'ichcta 'a yic yalan̈. Al ticnec, junxn̈ej eyaj yet'oc. Ex 'och yatutoc qui Mam Dios quet' on̈, yujto a x'och cajn 'ayn̈ec qui masnil yet' Yespíritu.

Ef 2:16

Yujto a yic xcham Cristo 'a spenc te culus, 'ix ya'n lajwc jun owl 'a qui calec. Yuj cha, junxn̈ej cajc qui masnil ticnec. An̈jtona', yujto xchami, yuj cha, junc'ojlal xoj cajc yet' Dios ticnec.

Mt 28:19

Yuj cha, 'ixquec cuywjoc 'a junjn chon̈ab', sec 'oj laj 'och eb' in cuywumoc. Tzlaj eyac' bautisar eb' 'a sb'i Dios Mamb'il, 'a sb'i Dios 'Unnab'il, an ton tic, yet' 'a sb'i Yespíritu Dios.

Jeremías 14:8

Cojn ach tzach ca'ch yipc qui c'ojl on̈, cojn pax ach qui colmal aji yic 'ayn̈ 'och 'a qui yailal on̈. ¿Tas yuj 'icha xoj chuc chon̈b'al tzotj a b'a 'a yol qui chon̈b' tic on̈, 'icha xoj junc b'eymal 'anma to jun wal 'ac'wal tz'ec' wayoc? 'Ixta tzotj a b'a.

Tito 3:7

sec wach' yuj wal swach'c'ojlal, on̈ 'och wach'l 'a sat. Yuj cha, 'oj yac' qui q'uinl 'a jun 'ejmn̈ej, atn jun tzca'ch yipc qui c'ojol.

1 Ti 1:1

An Pablo in tic, schecb' in Jesucristo, yujto 'ixta yaj yaln can Dios qui Colmal, yet' Cajlil Jesucristo, atn tzca'c 'och yipc qui c'ojol.

1 Co 10:17

Wach'xam niwn on̈ec, junn̈j jun pan chi tzqui wajec qui masnil. Yuj cha, 'icha junc pan junn̈ej, 'ixta 'on̈ec. Yujto 'icha to sniwnal Cristo cajc qui masnil.

2 Co 11:4

Yujto 'ay eb' tz'ec' alnc 'el junx chuc cuynb'ilal 'ayex. 'Icha to chuc junc xo Jesús tz'ec' yal-l eb' yab'xil, man̈oc jun tz'ec' cal-l on̈, man̈oc chi tz'ec' yal-l eb', palta wan cob' e chanc eyab' 'a eb'. Wan e chan junc xo espíritu 'a eb', palta man̈ 'icha'oc jun chab'ilx eyu'uj. Wan eya'n pax 'och e c'ojl 'a jun 'ab'x yic colnb'il cob'i', palta man̈oc jun eyab'jnac 'ayn̈ on̈.

A Tas Sc'ulejnac Eb' Schecab' Jesús Hechos 15:11

Caw man̈ e b'o 'ixta', yujto cojquec, yujn̈ej swach'c'ojlal Cajlil Jesús, tzon̈ colchjec. An̈jtona', 'ixta pax eb' man̈ israeloc cha, xchi Pedro 'a eb'.

Jeremías 17:7

Palta ax wal eb' 'anma tzin 'a'n 'och yipc sc'ojl an Jehová in tic, caw wach' yic eb'.

Ro 11:29

Yujto a tas tzyac' Dios, jun 'ejmn̈ej tzyac'a. Man̈xtzac yij 'ec' jun 'ejm xo. A eb' tzyawtj 'och Dios yico'oc, jun 'ejmn̈ej tzyawtj 'och eb' yico'oc.

Salmos 122:8

Yuj eb' wit chon̈ab' yet' eb' in wach'c'ojol, yuj cha, ax waln 'ixtic: 'Ay cab' junc'ojlal 'a jun chon̈b' tic, xin chi.