Ef 3:16 - Chuj San Sebastian Bible

¹⁶ Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

Chuj San Mateo Bible

¹⁶ Man̈ jantacoc svach'il co Mam Dios chi'. Yuj chi' tzin c'an d'ay yic svach' aq'uejoch stec'anil e pensar, yic svach' aq'uej pax spoder d'ayex yuj Yespíritu.

Ef 3:16 Referans Kwoze

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Zacarías 10:12

An 'oj wac' ste'nal eb' in chon̈ab'. Wu'uj, ax sta'n yuj eb'. An Jehová in, an tzwal jun tzo'n̈ paxti tic, xchi Dios.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

2 Co 4:16

Yuj cha, caw may 'aj tzon̈ tzactzj on̈. Wach'xam wan yichmax qui niwnal tic on̈, ax qui pixn on̈, 'ipn ya'tb'i 'a junjn c'u tzcab' on̈.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

2 Co 12:9

Palta 'ixtc yutj yaln Cajlilec chi 'ayin: A in wach'c'ojlal, colb'iln̈ej 'ayach. Yujto a mach may spoder 'a yol yico', ata tzwach' checlj 'el in poder an tic, xchi 'ayin. Yuj cha, wach'xam may wel'ch an tic, palta caw tzin tzalji, sec tzwach' 'a'j Cristo spoder 'ayin.

A Scarta San Pablo D'a Eb' Aj Filipos 4:19

Yuj cha, a qui Diosalec 'oj 'a'nc jantcn̈ej tas 'ay tz'och eyu'uj. Yujto man̈x jantcoc tastc wach' 'ay 'a 'a. Atn jun tzo'n̈ chi tzyac' 'ayn̈ec an̈ yic on̈c xo Cristo Jesús.

Salmos 28:8

Ach 'aych 'och yipc sc'ojl eb' a chon̈ab', tzach colwj pax 'ayin, to sreyl in eb', to sic'b'iln 'el o'oj.

Ro 7:22

A 'in pixan, caw tzalj yet' sley Dios.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

Salmos 138:3

A yic xwaln in b'a 'ayach, in a ta'wej, 'ix a'n in te'nal yic x'ochx wip.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

A Ch'an̈ Carta D'a Eb' Hebreo 11:34

'Ay eb' 'a'jnac tup jun tzo'n̈ c'ac' caw ow. 'Ay pax eb' colchjnac 'eli, yic 'ijn scham eb' yuj q'uen espada. A jun tzo'n̈ eb' may yip, caw 'ajxnac yip eb'. 'Ajxnac pax sjelnal eb' ya'n owal. Yuj cha, a ewin soldado ya'jnac owl yet' eb' cha, caw cannc ewin 'a yaln̈ yuj eb'.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

A Sb'ab'el Carta San Pedro 3:4

Palta a wal e nab'en, a tze chamc'ojlej e b'oni, sec wach' yilx 'a sat Dios. A swach'l cha, may b'a'n̈ tzjuwi. Toto wach' yaj e nab'en, toto 'emmquil yaji, atn chi caw wach' yilx 'a sat Dios, caw niwn yel'ch 'a 'a.

Ef 2:7

'Ixta xyutj Dios 'ayn̈ec, sec wach' a yic 'oj jawc jun tiempoal, an̈j 'ijnoc 'oj sch'oxo', to niwn schamc'ojlal 'ayn̈ec. Ax sch'oxn pax swach'c'ojlal 'ayn̈ec, yujto junxn̈ej cajc yet' Cristo Jesús.

Ro 2:29

Palta a eb' yel 'aych snab'en 'a Dios, atn eb' yel israel 'a sat. Yujto a jun circuncisión yel 'a sat Dios, atn jun 'aych 'a qui nab'en, man̈ yujoc junc ley tz'ib'b'il cani, tz'ajx 'ayon̈, palta a Yespíritu tz'a'n 'ayon̈. Yuj cha, man̈oc eb' 'anma tzon̈ alnec wach'il, palta a cab' Dios tzon̈ alnec wach'il.

Job 23:6

Ma'oj sc'anlb'oc am yip yic tzin stenn 'och wa'an, palta tecn ton̈j 'oj yab' tas 'oj wala'.

Ef 3:15

A Dios qui Mamec. A ch'oxnb'il yaji, tas yopiso junjn c'aj eb' mamb'il 'a yolyib'n̈q'uinl tic, yet' 'a satcha'an̈.

A Scarta San Pablo D'a Eb' Aj Colosas 2:2

Tzin nib'ej, caw tz'ajx ste'nal e nab'en yet' eb', junxn̈ej tzlaj eyutc e chamc'ojlan e b'a e masnil. Tzin nib'j tzex jelnb'i 'a yic Dios, sec 'oj e wach' te'nb'i. Toto 'ixta', 'oj wach' nachjc 'el eyu'uj, tas yaj jun man̈ 'ojcab'ilc 'a yic pecti', atn Cristo. Ax ticnec, a Dios tz'a'n cojcoquec 'eli.