Ef 3:1 - Chuj San Sebastian Bible

¹ Yuj wal jun tzo'n̈ xwal tic, tzin leslwi eyu'uj. An Pablo in tic, preso waji, yujto tzwac' servil Cristo Jesús 'a e cal ax man̈ ex israeloc.

Chuj San Mateo Bible

¹ Yuj val juntzan̈ ix val tic, tzin lesalvi eyuuj. A in Pablo in tic, preso vaji, yujto svac' servil Cristo Jesús d'a e cal a ex man̈ ex israeloc.

Ef 3:1 Referans Kwoze

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

2 Ti 1:8

Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

Ef 6:20

A Dios 'a'jnac wopiso waln 'el jun 'ab'x tic. Preso waj ticnec, yujto tzwal-li. Yuj cha, tzex leslwi wu'uj, sec an̈ja te'n 'oj wutc in b'a waln 'eli, 'icha tznib'ej.

Filemón 1:9

Palta man̈toc tzach wac' mandar. Ton̈j tzin tew 'ayach, sec 'oj checljoc a chamc'ojlal. Yujto an Pablo in tic, 'ichm in xo. A ticnec, preso waji, yujto tzwa'ch in nab'en 'a Cristo Jesús.

A Scarta San Pablo D'a Eb' Aj Filipos 1:7

Caw smoj tzin na jun tzo'n̈ tic eyuj e masnil, yujto caw tzex in chamc'ojlej. Wach'xam 'aynto 'och 'a preso tic, wach'xam tzin c'och 'a yojltac eb' yajal, yic tzwalni chajtlto caw yel jun wach' 'ab'x tic, palta junn̈j tzeyutj e chan swach'c'ojlal Dios wet'oc.

Filemón 1:1

An Pablo in tic preso waji, yujto tzwa'ch in nab'en 'a Cristo Jesús. An yet' cu'tac Timoteo, tzwa't jun in carta tic 'aych Filemón. Chamc'ojlb'ilch cuj on̈, yujto quitb'eymec qui b'a 'a smunljel Dios.

A Tas Sc'ulejnac Eb' Schecab' Jesús Hechos 23:18

Ax win capitan̈ chi x'i'n 'at 'a win comandante cha. Xlajw sc'och eb', 'ix yaln win 'ixtc 'a winac: —A jun Pablo 'aych 'a preso, in yawtj cot 'a 'a. 'Ix yaln 'ayin, yic tzwul wa'nc jun win quelm tic 'ayach. Tolab' 'ay tas tznib'j tzyal 'ayach, xchi win capitan̈ cha.

Lc 21:12

Palta a yic mantzac jaw jun tzo'n̈ cha, 'ay eb' 'oj eyamni, ax ya'n eb' stul 'ayex. 'Oj ex yi't eb' ex sb'eyc'ojloc 'a scapiya, ax ex ya'n 'och eb' 'a preso. 'Oj ex yi't eb' 'a yojltac ewin rey, yet' 'a ewin gobernador, yujto 'aych e nab'en 'ayin.

Filemón 1:23

A cu'tac Epafras tic tzya't stzatzl a c'ojol. 'Ay 'oxt 'a preso tic wet'oc, yujto tzya'ch pax snab'en 'a Cristo Jesús.

A Tas Sc'ulejnac Eb' Schecab' Jesús Hechos 26:29

—Comnoc 'icha 'ajnc in woch creyenteal, comnoc 'ixta tzyal sc'ojl Dios tzach 'aj 'ochi. Comnoc tz'och pax eb' wan yab'xni tic smasnil. A tzyala, toto yuj jab' tic tzex 'ochi, mto yuj niwnto 'oj alxc 'ayex. Comnoc wal lajn tzex 'aj e masnil 'icha in tic, palta matz ex pixx yet' q'uen cadena, xchi Pablo 'a eb'.

2 Ti 1:16

Palta caw tzin nib'j tz'o'ch sc'ojl Cajlil 'a eb' 'ay 'a yol yatut Onesíforo, yujto niwn 'ejm xwul yac' sniwnal in c'ojol. Wach'xam preso waji, palta ma'ix q'uixw sjaw 'ayin.

A Scarta San Pablo D'a Eb' Aj Colosas 4:18

An Pablo in tic, caw an tzin tz'ib'j 'at stzatzl e c'ojl. Tzin e na coti, chajtlto preso waj 'a tic. Tzin nib'j tzyac' Dios swach'c'ojlal 'ayx ta'. [Ya' cab'i'.]

A Scarta San Pablo D'a Eb' Aj Colosas 4:3

An̈jtona', tzex leslwi pax cuj on̈, sec 'oj 'och Cajlilec quet' on̈, sec 'oj stac' caln 'el spaxti 'on̈, yet' yab'xil Cristo, atn jun 'ac'b'il cojcoquec 'eli. Ax ticnec, yuj waln 'el yab'xil tic, preso waji.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

A Tas Sc'ulejnac Eb' Schecab' Jesús Hechos 21:33

Ax xc'och winac, 'ix syamn cot win Pablo cha. 'Ix ya'n win 'ajxc 'och chab' cadena 'a 'a. Xlajw cha, 'ix sc'anb'n win 'ixtc 'a eb' 'anma': —¿Mach jun winc tic? ¿Tas smul win tzeyila? xchi winac.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

Gl 5:11

An xo tic, ex wu'tac, ex wanab', q'uinloc an̈j 'ijnoc walni, to yowlal tz'ajx circuncidar junjn mach, to 'ixta', tecn am matz ya'ch eb' wit israelal yailal 'a wib'an̈. Q'uinloc tzwal 'ixta', ax eb' cha, matz chichn 'och eb' 'a yab'xil schaml Cristo 'a spenc culus.

Gl 5:2

Caw tzeyab'i. An Pablo in tic, an tzwalb't junx tic 'ayex. Toto tze chaj 'och jun yechl circuncisión 'a e niwnal, toxn may jac tas 'oj e cha 'a Cristo.

A Tas Sc'ulejnac Eb' Schecab' Jesús Hechos 9:15

Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.

2 Co 1:6

Yuj cha, a yic tzcab'n syal on̈, 'ixta tzon̈ 'aj on̈, sec wach' tztac' ca'n sniwnal e c'ojl on̈, sec 'oj e colchji. An̈jtona', a yic tzya'n Dios sniwnal qui c'ojl on̈, 'ixta tzon̈ 'aj pax on̈, sec wach' tztac' ca'n pax sniwnal e c'ojl on̈. Yuj cha, 'oj stac' e te'wtzan e b'a eya'n techjoc jun tzo'n̈ tas 'oj 'ajxc 'och 'a eyib'n̈ 'icha tz'aj yajx 'och 'a quib'n̈ on̈.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Ef 3:11

Yictax mantzac sb'o Dios yolyib'n̈q'uinl tic, snajnac cani tas tzon̈ yutjec. Yuj Cajlil Jesucristo 'ix 'el'ch jun snajnac can cha.