Ef 2:2 - Chuj San Sebastian Bible

² yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Chuj San Mateo Bible

² Yujto an̈ej jun sgana yolyib'an̈q'uinal tic tze c'anab'ajej, aton sgana vin̈ ay yopisio yac'an mandar d'a scal ic', aton vin̈ Satanás, vin̈ tz'ac'an sc'uloc eb' max c'anab'ajan Dios.

Ef 2:2 Referans Kwoze

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

1 Jn 5:19

Cojquec to yic on̈c xo Dios. Ax eb' yic yolyib'n̈q'uinl tic, c'uxn 'ayc' eb' 'a yol sc'ab' win diablo cha.

Ef 2:3

'Ixta cutjnaquec qui b'a qui masnil 'a yic yalan̈. Qui b'ojnaquec 'icha tzqui nib'ej. Cojn 'a jun tzo'n̈ maysch'olnil tznib'j 'och qui niwnalec tic, ata ca'jnaquec 'och qui nab'en. Yujto mun a qui nab'enec 'a'jnacn̈ec mandar. Yuj cha, smoj tz'ajx jun niwn yailal 'a quib'n̈ec, 'icha 'oj 'aj sjaw 'a yib'n̈ jun tzo'n̈ xo 'anma'.

Jn 12:31

A ticnec, a eb' 'ay 'a yolyib'n̈q'uinl tic 'oj b'eyc'ojlaxc eb'. Ax win tz'a'n yajlil 'a yolyib'n̈q'uinl tic, 'oj can 'a yaln̈ wu'uj.

Ef 5:6

Man̈ e cha 'ixtxoc paxti e b'a yuj eb' tzalni, to may yowlal qui b'onec jun tzo'n̈ tzwal tic. Caw wal may yel'ch tas tzyal eb', yujto atn 'a yib'n̈ eb' tzb'on jun tzo'n̈ tic, 'oj cot jun niwn yailal yuj yowl sc'ojl Dios, yujto matz yiclj eb' tas tzyala.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

1 Jn 5:4

A jun tzo'n̈ tas maysch'olnil 'a yolyib'n̈q'uinl tic, cannc xo 'a yaln̈ cuj an̈ yunnaln̈ec xo Dios tic. Yujto tzca'c 'och qui c'ojl 'a Dios. Yujn̈ej cha, tztac' ca'nec ganar scan jun tzo'n̈ chi 'a yaln̈ cujec.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

A Sb'ab'el Carta San Pedro 1:14

Ax xo, yunnal ex xo Dios wet'oc, yiclum ex 'a 'a. A 'a yic yalan̈, til wal tas e nib'jnac 'ochi, yujto mant eyojcoc Dios ta'. Al ticnec, caw man̈x e b'eylb'oc 'ixta'.

Apoc 20:2

'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.

1 Jn 4:4

Ex chamc'ojlb'il wu'uj, yic on̈c xo Dios ticnec. Tox 'ix can eb' 'a'm 'es chi 'a yaln̈ cujec. Yujto a jun 'aych 'ayn̈ec, 'ec'b'al xo spoder 'a yib'n̈ jun 'aych 'a eb' yic yolyib'n̈q'uinl tic.

A Sb'ab'el Carta San Pedro 4:3

A 'a yic yalan̈, niwn tiempo e b'ojnac jun tzo'n̈ tas 'aj 'aych snab'en eb' man̈ 'ojtnacoc Dios. Palta can cab' jun tzo'n̈ chi ticnec. Yujto a 'a jun tiempoal cha, cojxn 'ajmulal e b'ojnac, cojn maysch'olnilal e nib'jnac 'ochi. 'U'm ex 'an̈, toxn̈ej tzex laj somlji ta'. Til wal 'an̈ eyu'jnac. An̈jtona', eyaljnac e b'a 'a jun tzo'n̈ tzalx 'och diosal, a jun tzo'n̈ cha, caw man̈ smojoc.

A Scarta San Pablo D'a Eb' Aj Colosas 1:21

Ax xo, caw 'ajc'ojl eyajch 'a Dios 'a yic yalan̈. Caw tu eyutjnac e nab'en 'a sat, yujto maysch'olnil e b'eyb'al ta'. Palta ax ticnec, junc'ojlal xoj eyaj yet'oc,

Gl 1:4

A Jesucristo wul ya'jnac cham sb'a, yic tzyi'n 'el qui mulec. 'Ixta 'on̈ yutjec on̈ scolnec 'el 'a yol sc'ab' maysch'olnil 'a yolyib'n̈q'uinl tic, yujto 'ixta x'el 'a sc'ojl Dios, atn qui Mamec.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

1 Co 5:10

Man̈ yujocn̈ej eb' 'ajmul to man̈ creyenteoc waln 'at jun tic. An̈jtona', waljnac 'at yuj eb' tznib'n 'och tas 'ay 'a junc xo mach, eb' 'elc'um, yet' pax eb' tzyal sb'a 'a jun tzo'n̈ tzalx 'och diosal. Toto man̈ creyenteoc eb', man̈ yujoc eb' walni, chajtlto matz tac' jun que'c yet' eb'. Ya' sb'a 'ayn̈ec 'ec' 'a yolyib'n̈q'uinl tic, 'oj qui c'umquecn̈ej qui b'a yet' eb', yujto 'ayn̈ec 'ec' 'a scal eb'.

A Tas Sc'ulejnac Eb' Schecab' Jesús Hechos 5:3

Ax Pedro 'ix aln 'a win 'ixtic: —Ananías, ¿tas yuj xyac' win satanás a c'ojloc, yuj cha, tza'n 'es 'a Yespíritu Dios? 'In 'ix ejcan 'el nan̈l ec 'a stojl jun a lum cha.

Jn 15:19

Q'uinloc yic ex yolyib'n̈q'uinl tic yet' eb', toto 'ixta', tecn tzex schamc'ojlej eb'. Palta man̈x ex yico'oc yolyib'n̈q'uinl tic, yujto tox ex in si'cn 'elt 'a scal eb'. Yuj cha, tzchichn 'och eb' 'ayex, yujto man̈x eyitb'eymoc e b'a yet' eb'.

Jn 14:30

Man̈x niwnoc tas 'oj wal 'ayex, yujto wan sjaw win syajlil yolyib'n̈q'uinl tic. A win cha, may yaln win yic 'ayin.

Is 30:1

A Jehová a tzaln 'ixtic: 'Oltac wal eb' 'anma 'e'nc 'a yib'an̈, til wal tas tzna eb' sb'on 'a mun yol yico'. Matz yal eb' wab'i', tzcomn b'on eb' junc strato 'a mun yol yico', palta man̈oc in tzwac' sb'o eb', yuj ton wal cha, caw tzniwtj smul eb' 'a yib'an̈.

Job 1:7

Ax Jehová, sc'anb'n 'a win 'ixtic: —¿'Ajtil ach coti? xchi 'a winac. Xyaln win 'ixtc 'a 'a: —In cot 'a yolyib'n̈q'uinal, yujto tz'ec' woymtej lum lu'um, xchi.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

Jn 16:11

'Oj yac' pax yojcoc 'el eb', to 'oj b'eyc'ojlaxc eb' yuj Dios, yujto tox 'ix b'eyc'ojlax win syajlil yolyib'n̈q'uinl tic.

Jn 13:27

Xlajwn̈ej schan win jab' pan cha, 'ix wach' 'och win Satanás 'a winac. Ax Jesús, 'ix yaln 'ixtc 'a winac: —A tas tza nalb'ej a b'oni, tzaln̈ej tza b'on muc'uc, xchi 'a winac.

Jn 13:2

Ax win Judas, yunnal Simón 'aj Queriot, tox 'ix 'och win diablo 'a spixn winac, sec a win tz'a'n 'och Jesús 'a yol sc'ab' chamel. Palta yojc Jesús to a 'a Dios cotnac, ata 'oj paxx q'ue'i. Yojtac a qui Mam Dios 'a'jnac smasnil tas 'a yol sc'ab'. Ax yic wan swa yet' eb' scuywum, 'ix q'ue lin̈an. 'Ix yi'n 'el jun spotil, sb'a'n 'och jun toaya 'a snan̈al.

Jn 8:23

'Ix yaln pax Jesús chi 'ixtc 'a ewinac: —Ax tic, 'aj sat lum ex, yujto yic ex yolyib'n̈q'uinl tic. Aln tic, man̈ in yico'oc yolyib'n̈q'uinl tic, to 'aj satchan̈ in.

Jn 7:7

A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

Mt 13:38

Ax jun lum cha, tzyal 'el'chi atn yolyib'n̈q'uinl tic. A jun tzo'n̈ wach' 'in̈t cha, atn eb' 'anma 'ayx 'och 'a yol sc'ab' Dios. Ax jun tzo'n̈ 'ac trigo cha, atn eb' yic win diablo.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

Santiago 1:7

Toto 'ay ex 'ixta ex, xe natlaji, to 'ay xon jac tas 'oj e cha 'a Cajlil.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

A Tas Sc'ulejnac Eb' Schecab' Jesús Hechos 19:35

At win 'ajtz'ib' yic chon̈ab', c'ojnc'ojnil 'ix smontj win eb', sec sictac tz'aj eb'. Xlajw cha, xyaln win 'a eb' 'ixtic: —Ex wit chon̈ab', smasnil 'anma 'ojtnac, an̈ Efeso on̈c tic, 'ay copiso qui tan̈wniec jun yatutal qui diosal Diana niwn yel'chi, yet' jun yechl 'ix Diana chi cotnc 'a satcha'an̈.

Lc 22:31

'Ix yaln Cajlil 'ixtic: —Simón, 'ab'i, a win Satanás, caw 'ix sc'an win spermiso 'a Dios, yujto tznib'j win tzex yac' prowal 'icha tz'aj 'ixm trigo tzchayxi.

Lc 16:8

Ax win patron̈ chi 'ix alni to caw jeln win mayltoma chi 'a maysch'olnil. Yujto a eb' yic yolyib'n̈q'uinl tic, yel xo wal jeln tzlaj yutc sb'a eb' 'a yib'n̈ eb' 'ayx sacq'uinlal Dios 'a 'a.

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Jeremías 23:10

A wal jun nacion̈ tic, caw b'ut'n yuj eb' tzb'on 'ajmulal, yuj eb' 'anma caw tz'a'n 'ip sb'on maysch'olnil. Tzc'anlb'ej eb' yip smasnil yic tzyixtn eb' yit 'anma'il. Yuj wal cha, 'ix scatb'an can Jehová lum lum tic. Yuj cha, 'ix tacj chan̈ lu'um, 'ix tacj pax 'el te c'ultc tzlo e no noc'.

Is 57:4

¿Mach 'aj tzex b'uchwj tze na'a? ¿Mach jun chi tzeyetz'tej, tzlaj e ju e sat 'a 'a? Ax tic, caw wal tenmtaquex, 'a'm ex 'es.

Salmos 17:14

Coln 'el 'a yol sc'ab' eb' 'anma cojn tas 'ay 'a yolyib'n̈q'uinl tic 'aych yipc sc'ojol. 'A' cot yailal 'a yib'n̈ eb', atn jun yailal to yic xon eb' yaji, yamchj c'och cab' yunnal eb' yet' yixchicn eb'.

Job 31:7

Q'uinloc xwij 'el in b'a 'a jun b'eyb'al yic tojlal, mto xwa't in b'a 'a scal tas nib'b'entac yochi, mto 'ay tas man̈ wico'oc x'ilchj 'ayin,

Apoc 16:17

Xlajw cha, ax jun yucl ángel, 'ix secn 'ejm sb'al svaso 'a scal 'ic'. Ax 'a sdespacho Dios, 'a yojl jun Lugar yicn̈ej yaj sch'ocoj, ata x'elt jun paxti'. Caw 'ip yaln 'ixtic: —'Ix b'o 'el'chi, xchi.

Apoc 13:14

'Ix 'ajx spermiso sch'oxn jun tzo'n̈ milagro chi 'a yojltac jun b'ab'l noc' sb'i cha. 'Ixta xyutj yixtn paxti eb' 'anma 'a yolyib'n̈q'uinal. 'Ix yaln pax 'a eb', to yowlal tzb'o eb' jun yechl jun b'ab'l noc' sb'i cha, atn jun lajwnac yuj q'uen espada, palta an̈ja pitzan.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Os 10:9

'Ix yaln Jehová 'ixtic: A eb' 'aj chon̈b' Israel tic, matz 'och wan xon eb' ya'n 'och smul, atxo ta 'elnc yich yuj eb' 'a chon̈b' Guibeá. Ax ticnec, an̈j 'ijnoc yoch smul eb'. Yuj cha, 'oj wac' yamchjoc c'och eb' 'anma tu snab'en tic yuj owl 'a chon̈b' Guibeá cha.

Job 1:19

axn wal cha, xjaw jun niwquil 'ic' xcot 'a lum cusltac lu'um. 'Ix sma'n 'ejm lan̈chjoc te n̈a chi 'a yib'n̈ eb' onnal cha, 'ix cham eb' smasnil. Cojxn̈ej in 'elcni yic tzwul walnc ab'i', xchi winac.

Job 1:16

Mantzac lajw yaln win cha, 'ix jaw junx winac, xyaln 'a Job 'ixtic: —'Ix cot jun c'ac' 'a satchan̈ yuj Dios, 'ix tz'a e no calnelu yet' eb' yilmal e no'. Cojxn̈ej in 'elcni yic tzwul walnc ab' jun tic, xchi winac.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mr 4:19

palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a.

Ef 1:21

Yuj cha, yel xo wal niwn yel'ch Cristo 'a yib'n̈ smasnil eb' yajal, yet' jun tzo'n̈ xo eb' 'aych yajlil, yet' eb' 'ay spoder man̈ checloc, yet' eb' 'ay yopiso ya'n mandar. Wach'xam 'a jun tiempoal tic, wach'xam 'a jun tiempoal tot 'oj jawoc, yel xo wal niwn yel'ch 'a yib'n̈ smasnil eb' tzlaj b'inaxi.

Ef 2:11

Yuj cha, nac coti, tas 'ajnc ex man̈ ex israeloc 'a yic yalan̈. A eb' wit israelal, yaljnac eb' eyu'uj, chajtlto man̈ ex yico'oc Dios, yujto man̈toc 'ac'b'ilx circuncidar. Yujto a eb' cha, tzya'ch eb' jun senya circuncisión sb'i 'a sniwnal.

Ef 2:13

Palta ax ticnec, junxn̈ej eyaj yet' Cristo Jesús. Wach'xam 'icha to najt eyajcn 'el 'a Dios 'a yic yalan̈, ax ticnec, la'n xo eyaj 'a stz'ey, yujto 'elnc can schic'l Cristo cujec, yic xchami.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Ef 5:8

A 'a yic yalan̈, q'uic'q'uinl to yaj qui pixnec yuj qui b'eyb'al. Al ticnec, sacq'uinl xo yaj qui pixnec, yujto junxn̈ej cajc yet' Cajlil. Yic on̈c xo sacq'uinl ticnec. Yuj cha, yowlal wach' tzcutjec qui b'eyb'al.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.