Ef 1:7 - Chuj San Sebastian Bible

⁷ Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

Chuj San Mateo Bible

⁷ Yuj snivan vach'c'olal, ix on̈ scolel yuj schamel Yuninal chi'. Icha chi' ix aj yac'ancan lajvoc co mul.

Ef 1:7 Referans Kwoze

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Ro 3:24

Palta yujn̈ej swach'c'ojlal Dios, on̈ 'ochc wach'l 'a sat ticnec, yujto colchjnacn̈ec xo yuj Cristo Jesús.

A Scarta San Pablo D'a Eb' Aj Colosas 1:14

Atn Yunnal chi on̈ colnec 'eli, [yujto xcham cujec.] A 'ix 'a'n lajwc can qui mulec.

A Ch'an̈ Carta D'a Eb' Hebreo 9:22

Tztac' calnec, to yuj jun ley cha, yowlal tzsacb'tzax smasnil tas yet' chic'. May junc mach tzlajw can smul, toto may chic' tz'el yuj smul cha.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

1 Jn 2:12

Ex 'ac' creyente, tzin tz'ib'j 'at jun tzo'n̈ tic 'ayex, yujto a Dios x'a'n can lajwc e mul yuj Jesucristo.

A Scarta San Pablo D'a Eb' Aj Filipos 4:19

Yuj cha, a qui Diosalec 'oj 'a'nc jantcn̈ej tas 'ay tz'och eyu'uj. Yujto man̈x jantcoc tastc wach' 'ay 'a 'a. Atn jun tzo'n̈ chi tzyac' 'ayn̈ec an̈ yic on̈c xo Cristo Jesús.

Ef 2:7

'Ixta xyutj Dios 'ayn̈ec, sec wach' a yic 'oj jawc jun tiempoal, an̈j 'ijnoc 'oj sch'oxo', to niwn schamc'ojlal 'ayn̈ec. Ax sch'oxn pax swach'c'ojlal 'ayn̈ec, yujto junxn̈ej cajc yet' Cristo Jesús.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

Salmos 130:7

Ex wit israelal, qui tan̈wquec scolwal Jehová, yujto caw tz'o'ch sc'ojl 'ayn̈ec, yelc'ojlal pax tzcolwj quet'ec.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Tas Sc'ulejnac Eb' Schecab' Jesús Hechos 2:38

Yuj cha, 'ix yaln Pedro 'ixtc 'a eb': —Nac e b'a, tzeya'n 'ajxc bautisar e b'a junjn ex 'a sb'i Jesucristo, sec 'oj 'ajxc can lajwc e mul. 'Ixta to b'i'an, ax ya'n 'och Dios Yespíritu 'ayx jun xo.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Job 33:24

tzyalni to tz'o'ch sc'ojl Dios chi 'a 'a, yic tzcoln 'el 'a yol sc'ab' chamel, yujto checl yaj jun mach 'oj mannc can 'eli.

1 Jn 4:10

A schamc'ojlal tic, caw yel, yujto man̈oc on̈c xqui b'ab'l ch'oxj qui chamc'ojlal 'a 'a. Palta a sb'ab'l ch'oxj schamc'ojlal 'ayn̈ec. 'Ix schec cot Yunnal, xwul ya'nc cham sb'a yic stojn qui mulec.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

Dn 9:19

Mamin, ach Cajlil, 'ab' wal tas tzwal 'ayach. 'A'n̈ niwnc'ojlal yuj qui mul on̈, pactzej tas tzwal 'aych Mamin, colwjan̈ quet' on̈. Caw wal b'inab'ilch Mamin, man̈ e'c tiempo on̈ a colni, yujto caw 'ojcab'il to ec on̈ an̈ 'aj Jerusalén on̈ tic, xin chi 'a in lesal.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

Jn 20:23

Toto 'ay eb' tzeyac' niwnc'ojlal yuj smul, an̈jtona Dios 'oj yac' niwnc'ojlal 'a eb' jun xo. Toto 'ay eb' matz eyac' niwnc'ojlal yuj smul cha, 'oj cann̈j smul eb' chi 'a yib'an̈, xchi Jesús 'a eb'.

Mr 14:24

'Ix yaln pax 'a eb' 'ixtic: —Atn jun tic in chiq'uil, yu'uj, 'oj 'el'choc jun strato Dios tzat yac' 'ayex. 'Oj 'elcn in chic'l tic sec wach' til wal mach 'oj colchjoc yu'uj.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Tito 3:6

Yuj qui Colmal Jesucristo, 'ix ya'n cot Dios Yespíritu 'ayn̈ 'a smasnil sc'ojol,

1 Ti 2:6

A xwul yac' cham sb'a, sec 'oj stac' scolchj eb' 'anma smasnil yu'uj. A yic 'ix jaw stiempoal jun tic, 'ix alx 'el yab'xil.

A Scarta San Pablo D'a Eb' Aj Colosas 2:13

A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

A Scarta San Pablo D'a Eb' Aj Colosas 2:2

Tzin nib'ej, caw tz'ajx ste'nal e nab'en yet' eb', junxn̈ej tzlaj eyutc e chamc'ojlan e b'a e masnil. Tzin nib'j tzex jelnb'i 'a yic Dios, sec 'oj e wach' te'nb'i. Toto 'ixta', 'oj wach' nachjc 'el eyu'uj, tas yaj jun man̈ 'ojcab'ilc 'a yic pecti', atn Cristo. Ax ticnec, a Dios tz'a'n cojcoquec 'eli.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

Ef 2:4

Palta a Dios, caw niwn x'o'ch sc'ojl 'ayn̈ec. Man̈x jantcoc schamc'ojlal 'ayn̈ec.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Lc 24:47

An̈jtona', yowlal 'oj alxc 'el wab'xil 'a scal eb' 'anma 'a junjn nacion̈, to yowlal tzna sb'a eb', sec 'oj 'ajxc can lajwc smul eb'. A 'a Jerusalén tic 'oj b'ab'l alxc 'el wab'xil, ax spuc 'a junjn chon̈ab'.

Lc 1:77

Ach 'oj ac' nachjc 'el yuj eb' schon̈ab', tas 'oj 'aj eb' scolchji, ax yajx can lajwc smul eb'.

Zacarías 9:11

Ex 'aj Jerusalén, yuj wal schic'l jun xajmb'al, yuj cha, wach' yaj in trato eyet'oc, 'oj ex wic' q'uet 'a yojl jun oln caw xab' yich 'aj may a a', 'aj preso eyaji.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Ex 34:7

Caw 'ay in chamc'ojlal 'a yib'n̈ smasnil 'anma'. 'Ay in niwnc'ojlal 'a yib'n̈ eb' yuj smaysch'olnilal. Niwn tzwutj in c'ojl 'a yib'n̈ eb' yuj smul tzlaj 'ochi, palta a eb' 'ay smul cha, matz cann̈j eb' 'ixta'. Yowlal 'oj jawc yailal 'a yib'n̈ eb' mamb'il yet' 'a yin̈tl eb' b'aq'uin̈, xchi Dios.

Apoc 14:4

A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Salmos 130:4

Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

Mt 6:12

'Ac' lajwc qui mul on̈, yujto an̈ tic on̈, tzcac' niwnc'ojlal eb' tzlaj 'och smul 'ayn̈ on̈.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

Ef 1:8

Yuj swach'c'ojlal tic, c'uxn xyac' sjelnal 'ayn̈ec. 'Ix ya'n nachjc 'el cujec.

Ef 1:14

Yuj Yespíritu 'aych 'ayn̈ec, yuj cha, cojtac to 'oj qui chac jun quic 'oj yac' Dios 'ayn̈ec. Atta 'oj checljoc 'el qui colnb'ilec an̈ yic on̈c xo tic. Ata 'oj alxc wach' paxti 'a 'a, chajtlto caw niwn swach'il.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.